தமிழ்நாட்டு அரசியல் வரலாற்றில் முந்தைய திராவிட மற்றும் தேசிய கட்சிகளின் தலைவர்கள் பலரும் தங்களது சுயலாபத்திற்காகவும், குடும்ப முன்னேற்றத்திற்காகவும் அதிகாரத்தை பயன்படுத்தியதாக பல்வேறு குற்றச்சாட்டுகள் தொடர்ச்சியாக இருந்து வருகின்றன. ஆனால், இந்த அரசியல் கலாச்சாரத்தை அடியோடு மாற்றியமைத்து, தூய்மையான மற்றும் நேர்மையான ஒரு புதிய சகாப்தத்தை தற்பொழுது தமிழக வெற்றி கழகத்தின் தலைவரும், முதலமைச்சருமான விஜய் அவர்கள் தமிழ்நாட்டில் உருவாக்கியுள்ளார். “நான் மக்களின் பணத்தை கையாடல் செய்ய மாட்டேன், எனது நிர்வாகத்தில் இருக்கும் என்னுடைய அமைச்சர்களையும் மக்கள் பணத்தில் கைவைக்க விட மாட்டேன்” என்று அவர் பொதுவெளியில் நெஞ்சுரத்தோடு முழங்கியுள்ளார். இத்தகைய மிரட்டலான நேர்மை கலந்த பிரகடனம் தற்போதைய அரசியல் களத்தில் ஒரு மிகப்பெரிய புயலை கிளப்பியுள்ளது.
உலக அரசியல் வரலாற்றை எடுத்துக்கொண்டு நீங்கள் இணையதளத்தில் ‘கூகுள்’ பண்ணி பார்த்தால் கூட, இப்படிப்பட்ட ஒரு துணிச்சலான மற்றும் வெளிப்படையான ஸ்டேட்மென்ட்டை உலகில் உள்ள எந்தவொரு பெரிய அரசியல்வாதியும், நாட்டு தலைவரும் இதுவரை தங்களது வாழ்நாளில் சொன்னதே இல்லை என்கிற வியப்பான உண்மை நமக்கு தெரியவரும். பொதுவாக பதவிக்கு வரும் தலைவர்கள் ஊழலை ஒழிப்போம் என்று வெற்று முழக்கமிடுவார்களே தவிர, தங்களது அமைச்சரவை மீது இவ்வளவு பெரிய கட்டுப்பாட்டையும், தார்மீக பொறுப்பையும் நேரடியாக ஏற்றுக்கொள்ள துணிய மாட்டார்கள். அந்த வகையில், உலகிலேயே ஊழலுக்கு எதிராக இப்படி ஒரு கடுமையான தடையை முதன்முதலாக விதித்த ஒரே உலக அரசியல்வாதி நம்ம முதலமைச்சர் விஜய் மட்டும்தான் என்று தவெக தொண்டர்கள் பெருமிதத்தோடு சுட்டிக்காட்டுகின்றனர்.
விஜய் அவர்களின் இந்த அசுர வளர்ச்சியை பார்த்து மிரண்டுபோன பழைய அரசியல் இயக்கங்கள் அனைத்தும், அவருக்கு எதிராக பல திசைகளில் இருந்தும் மிகப்பெரிய அரசியல் சதிகளையும், வியூகங்களையும் வகுத்தன என்பது நாம் அனைவரும் அறிந்ததே. தேர்தல் களத்தில் தவெக-வை எப்படியாவது வீழ்த்திவிட வேண்டும் என்ற ஒரே நோக்கத்தில், இருபத்து நான்கு கட்சிகளைக் கொண்ட ஒரு பிரம்மாண்ட கூட்டணியும், அதற்குப் போட்டியாகப் பன்னிரண்டு கட்சிகளைக் கொண்ட மற்றொரு பலத்த கூட்டணியும் திரண்டு நின்றன. எத்தனையோ மூத்த தலைவர்களும், பழுத்த அரசியல்வாதிகளும், கோடிக்கணக்கான பண பலமும் கொண்ட இத்தகைய இமாலயக் கூட்டணிகளை ஒரு புதிய கட்சி தனியாக எதிர்கொள்வது என்பது சாத்தியமே இல்லாத ஒன்றாகத்தான் ஆரம்பத்தில் பார்க்கப்பட்டது.
ஆனால், ஒட்டுமொத்த பழைய அரசியல் கணக்குகளையும் தங்களது வாக்கு பலத்தால் அடியோடு தகர்த்தெறிந்த தமிழக மக்கள், விஜய் அவர்களின் நேர்மையான கொள்கைகளுக்கு பின்னால் அசைக்க முடியாத பாறையாக திரண்டு நின்றனர். மாநிலத்தின் பிரதான கூட்டணிகளை தாண்டி, ஒட்டுமொத்த மத்திய அரசின் முழு அதிகார பலம், தேர்தல் உத்திகள் மற்றும் அச்சுறுத்தல்கள் ஆகிய அனைத்தையும் எதிர்த்துப் போராடி, தேர்தல் களத்தில் மிக பிரம்மாண்டமான வெற்றியைப் பெற்ற ஒரே மாபெரும் அரசியல்வாதியாகத் தற்பொழுது விஜய் அவர்கள் திகழ்கிறார். டெல்லியின் அதிகாரப் போக்கிற்கும், தமிழ்நாட்டின் வாரிசு அரசியலுக்கும் சாமானிய மக்கள் தவெக மூலம் வழங்கிய இந்த அதிரடித் தீர்ப்பு, இந்திய அரசியல் வரலாற்றிலேயே ஒரு தனித்துவமான சாதனையாகும்.
இத்தகைய வரலாற்று சிறப்புமிக்க மக்கள் செல்வாக்கோடும், எவராலும் கறைபடுத்த முடியாத தூய்மையான பின்னணியோடும் தமிழ்நாட்டை வழிநடத்தி வரும் முதலமைச்சர் விஜய் அவர்களின் நற்பெயருக்கு களங்கம் கற்பிக்க வேண்டும் என்று தற்போதும் சில காலாவதியான அரசியல்வாதிகள் முயன்று வருகின்றனர். தவெக அரசின் மக்கள் நலத்திட்டங்களில் குறைகாண முடியாமல், தங்களது தகவல் தொழில்நுட்ப அணிகள் மூலம் விஜய் மீது அபாண்டமான பழிகளையும், மலிவான அவதூறுகளையும் பரப்ப அவர்கள் திட்டமிடுகிறார்கள். ஆனால், இன்றைய டிஜிட்டல் யுகத்துத் தமிழ்நாட்டு மக்கள் மிகவும் விழிப்புடன் இருக்கிறார்கள் என்பதால், இதுபோன்ற போலிப் பிரச்சாரங்கள் ஒருபோதும் தவெக-விடம் செல்லுபடியாகப் போவதில்லை.
உண்மையின் பக்கமும், தார்மீக நேர்மையின் பக்கமும் நின்று புதியதொரு பாதையை உருவாக்கி காட்டியுள்ள விஜய் மீது தேவையின்றி அவதூறு செய்ய நினைத்தால், இறுதியில் பொதுமக்களின் கோபத்திற்கு ஆளாகி நீங்கள்தான் ஒட்டுமொத்தமாக அசிங்கப்பட்டு போவீர்கள் என்று தவெக நிர்வாகிகள் எச்சரிக்கின்றனர். மக்களின் பேராதரவோடு பீடுநடை போடும் ஒரு தலைவனை வெற்றுப் பொய்களைக் கொண்டு வீழ்த்த நினைப்பது, சூரியனைப் பார்த்து உமிழ்வதற்கே சமமாகும். எனவே, தவெக அரசுக்கு எதிராகச் சதிவலைகளைப் பின்ன நினைக்கும் அரசியல் எதிரிகள் அனைவரும் இனிமேலாவது தங்களது மலிவான உத்திகளைக் கைவிட்டு ஜாக்கிரதையாக நடந்து கொள்வது அவர்களது அரசியல் எதிர்காலத்திற்கு நல்லது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
