தமிழ்நாட்டு அரசியல் வரலாற்றில் முந்தைய திராவிட கட்சிகள் கையாண்ட பழைய தேர்தல் உத்திகளும், அரசியல் நாடகங்களும் தற்போதைய டிஜிட்டல் யுகத்தில் முற்றிலும் செல்லுபடியாகாமல் போய்விட்டன என்பதை தற்போதைய நிகழ்வுகள் அப்பட்டமாக நிரூபித்து வருகின்றன. ஒரு குறிப்பிட்ட அரசியல் இயக்கமே தங்களது சுயலாபத்திற்காக பின்னணியில் இருந்து ஏதேனும் ஒரு சதியை அல்லது பிரச்சினையை திட்டமிட்டு உருவாக்கும்; பின்னர் தாங்களே பெரிய உத்தமர்களை போல முன்னின்று அந்த பிரச்சினைக்கு தீர்வு காண்பது போல ஒரு மாய பிம்பத்தை கட்டமைக்கும். “இவரே பாம் வைப்பாராம், இவரே அந்தப் பாமை கண்டுபிடிப்பாராம்…” என்ற சினிமா வசனத்திற்கு ஏற்ப, தற்பொழுது ஆளுங்கட்சியாக இருந்துவிட்டு எதிர்க்கட்சி வரிசைக்கு தள்ளப்பட்டுள்ள திமுகவினர் தமிழ்நாட்டில் இத்தகைய நாடகங்களைத்தான் அரங்கேற்றி வருகிறார்கள் என்று பொதுமக்களும் அரசியல் விமர்சகர்களும் பரவலாகக் குற்றம் சாட்டுகின்றனர்.
இதற்கு மிகச்சிறந்த உதாரணமாக தற்பொழுது மாநிலத்தின் பல்வேறு பகுதிகளில் நிலவி வரும் மின்சார பற்றாக்குறை மற்றும் மின்தடை விவகாரங்களை குறிப்பிடலாம். தங்களது அரசியல் இருப்பை காட்டுவதற்காகவும், தற்போதைய தமிழக வெற்றி கழகத்தின் நல்லாட்சிக்கு கெட்ட பெயர் ஏற்படுத்த வேண்டும் என்ற உள்நோக்கத்தோடும், திமுகவினரே தங்களது ஆதிக்கம் உள்ள பகுதிகளில் திட்டமிட்டு மின்சாரத்தை துண்டிப்பதாக தகவல்கள் வருகின்றன. அப்படி தாங்களே கரண்டை கட் பண்ணிவிட்டு, அடுத்த சில நிமிடங்களிலேயே மின்சார கட்டுக்கு எதிராக 200 ரூபாய் உபிக்களை திரட்டி போராடுகிறோம் என்று வீதிகளில் இறங்கி திமுகவினர் நாடகம் ஆடுவது சாமானிய மக்களிடையே பெரும் அதிருப்தியை ஏற்படுத்தியுள்ளது.
ஆனால், இத்தகைய போலியான அரசியல் நாடகங்களை எல்லாம் மிக எளிதாக கடந்து போகும் சாதாரண இயக்கமல்ல தவெக என்பதை திமுகவினர் இன்னும் புரிந்து கொள்ளவில்லை. “டிவிகேன்னா என்னன்னு நினைச்சீங்க…” என்று தவெக தொண்டர்கள் பெருமையோடு முழங்கும் அளவிற்கு, இந்த நவீன டிஜிட்டல் யுகத்தின் அத்தனை நுணுக்கங்களையும் தவெக-வின் தகவல் தொழில்நுட்ப அணியினர் மிகத் துல்லியமாகக் கற்று வைத்துள்ளனர். திமுகவின் இந்தத் திட்டமிட்ட மின்தடை போராட்டத்தின் பின்னணியில் இருக்கும் உண்மை தன்மையை ஆராய்ந்த தவெக-வினர், அங்கு போராடுகிற அம்புட்டு பேரும் தன்னிச்சையாக வந்த பொதுமக்கள் அல்ல, மாறாக திமுகவினால் காசு கொடுத்து வம்படியாக வரவழைத்து கூவ வைக்கப்பட்ட ஒரு போலி கூட்டம் என்கிற அதிர்ச்சியான உண்மையை ஆதாரங்களுடன் கண்டுபிடித்துள்ளனர்.
இதை சும்மா மேடைகளில் பேசி கடந்து போகாமல், இன்றைய இளைய தலைமுறையினருக்கு புரியும் படியாக சமூக வலைத்தளங்களில் மிகக் காரசாரமான மற்றும் நகைச்சுவையான மீம்ஸ்களை போட்டு திமுகவின் முகத்திரையை தவெகவினர் அடியோடு கிழித்து தொங்கவிட்டுள்ளனர். தாங்களே மின்சாரத்தை நிறுத்திவிட்டு, தாங்களே மெழுகுவர்த்தியைப் பிடித்துக் கொண்டு போராடும் திமுகவினரின் இரட்டை வேடப் புகைப்படங்களை இணையதளங்களில் உலவவிட்டு, ஒட்டுமொத்தப் போராட்டத்தையும் ஒரு மிகப்பெரிய அரசியல் காமெடியாக மாற்றிக் காட்டியுள்ளனர். இத்தகைய அதிரடியான டிஜிட்டல் பதிலடிகளால், திமுக திட்டமிட்டிருந்த அரசியல் சதி முற்றிலும் முறியடிக்கப்பட்டு, அவர்களின் தந்திரம் அவர்களுக்கு எதிராவே திரும்பியுள்ளது.
உண்மையில், ஒரு பிரச்சினையை செயற்கையாக உருவாக்கி, அதன் மூலம் அரசியல் ஆதாயம் தேட நினைக்கும் இந்த உத்திகள் எல்லாம் கடந்த முப்பதாண்டுகளுக்கு முந்தைய ‘கருணாநிதி காலத்து பழைய டெக்னிக்’ ஆகும்; அன்று ஊடகங்களும், விழிப்புணர்வும் குறைவாக இருந்ததால் இத்தகைய உத்திகள் தற்காலிகமாக பலன் தந்திருக்கலாம். ஆனால், இன்றைய காலகட்டம் என்பது முற்றிலும் மாறுபட்டது, இது அதிவேக டிஜிட்டல் மற்றும் சோசியல் மீடியா காலமாகும்; இங்கு ஒரு நொடியில் உண்மை எது, பொய் எது என்பதை சாமானிய மக்கள் கூட மிக எளிதாகக் கண்டறிந்து விடுகிறார்கள். எனவே, காலாவதியான பழைய அரசியல் பாணிகளை தற்போதும் பிடித்து கொண்டு தொங்காமல், தயவுசெய்து காலத்திற்கு ஏத்த மாதிரி உங்களது அரசியல் உத்திகளை மாற்றுங்கள் என்று தவெக-வினர் திமுகவிற்கு அறிவுறுத்துகின்றனர்.
அரசியல் செய்ய தெரியாமல், மக்கள் மத்தியில் தொடர்ந்து அம்பலமாகி அசிங்கப்படுவதை நிறுத்தி கொள்ள வேண்டும் என்றும், ஒருவேளை உங்களுக்கு இந்த நவீன காலத்து டிஜிட்டல் அரசியல் செய்ய தெரியவில்லை என்றால், எங்களிடம் வந்து முறையாக ‘டியூஷன்’ எடுத்து கொள்ளுங்கள் என்றும் தவெக நிர்வாகிகள் மிக கடுமையாக கிண்டல் செய்து வருகின்றனர். மக்களாட்சியில் மக்களின் நம்பிக்கையை பெற நேர்மையான வழிகளில் முயல வேண்டுமே தவிர, இதுபோன்ற மலிவான சதித்திட்டங்களின் மூலம் மக்களை ஏமாற்ற நினைக்க கூடாது. தங்களது தவறான நகர்வுகளால் ஒட்டுமொத்தத் தமிழக மக்கள் மத்தியிலும் திமுக தற்பொழுது அடைந்து வரும் தொடர் அசிங்கங்களைப் பார்க்கும்போது, அவர்கள் தங்களது முதன்மையான அரசியல் எதிரியாக இருந்தாலும் கூட, மனிதநேய அடிப்படையில் நமக்கே அவர்கள் மீது ஒருவித பாவமாக இருக்கிறது என்று தவெக தொண்டர்கள் தங்களது சமூக ஊடக பதிவுகளில் பதிவிட்டு வருகின்றனர்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
