தமிழக அரசியல் வரலாற்றில் என்றும் இல்லாத அளவிற்கு புதிய தலைமுறை இளைஞர்களின், குறிப்பாக ‘ஜென் ஸி’ பசங்களின் பங்களிப்பு தற்பொழுது ஒரு மாபெரும் புரட்சியை ஏற்படுத்தியுள்ளது. கடந்த காலங்களில் எந்தவிதமான ஆட்சியோ, அதிகாரமோ அல்லது அரசியல் பின்னணியோ இல்லாத போதே, சமூக வலைத்தளங்களிலும் நிஜ களத்திலும் தங்களது கருத்துக்களால் ஆளுங்கட்சியாக இருந்த திமுக-வை அதிர வைத்தவர்கள் இந்த இளைஞர்கள். அதிகார பலமும், பண பலமும் கொண்ட ஒரு பாரம்பரியமிக்க கட்சிக்கு எதிராக, தங்களது சாதுரியமான சிந்தனையாலும் டிஜிட்டல் தொழில்நுட்ப அறிவாலும் எவ்வித பயமுமின்றி அரசியல் களத்தில் கடுமையான சவால்களை இவர்கள் முன்வைத்த விதம் ஒட்டுமொத்த மாநிலத்தையும் திரும்பிப் பார்க்க வைத்தது.
முந்தைய காலகட்டத்தில் திமுக-வினர் பரப்பிய அரசியல் பிரச்சாரங்களையும், அவர்கள் பின்னால் இருந்த பல்வேறு உத்திகளையும் இந்த இளந்தலைமுறையினர் தங்களின் கூர்மையான விமர்சனங்களால் அக்குவேறாக ஆணிவேறாக தோலுரித்து காட்டினர். இணையதளங்களில் ஆளுங்கட்சிக்கு சாதகமாக வைக்கப்பட்ட அத்தனை வாதங்களையும், தகுந்த ஆதாரங்களுடனும் நையாண்டியுடனும் உடைத்தெறிந்து, திமுக-வின் ஒவ்வொரு சதியையும் மக்கள் மன்றத்தில் அம்பலப்படுத்திய பெருமை இந்த ஜென் ஸி பசங்களையே சாரும். எத்தனையோ நெருக்கடிகளும், வழக்கு அச்சுறுத்தல்களும் வந்த போதும் பின்வாங்காமல், தவெக-வின் கொள்கைகளையும் அதன் தலைவர் விஜய் அவர்களின் சிந்தனைகளையும் பாமர மக்களிடமும் கொண்டு போய் சேர்த்ததில் இவர்களின் பங்கு அளப்பரியது.
அதிகாரமே கையில் இல்லாத போதே இவ்வளவு பெரிய தாக்கத்தை ஏற்படுத்தி, தற்பொழுது தமிழக வெற்றி கழகத்தை ஆளுங்கட்சியாக அரியணையில் ஏற்றியுள்ள இந்த சிங்கக்குட்டிகள், தற்பொழுது அதிகாரம் கையில் இருக்கும் போது சும்மா விடுவார்களா என்ற கேள்வி இயல்பாகவே எழுகிறது. ஆட்சி பொறுப்பேற்ற பிறகும் கூட, சற்றும் தொய்வில்லாமல் தவெக அரசின் சாதனை திட்டங்களையும், மக்கள் நல பணிகளையும் முன்பை விட பல மடங்கு வேகத்தில் இவர்கள் மக்களிடம் கொண்டு சேர்த்து வருகின்றனர். எதிர்க்கட்சிகள் தவெக அரசுக்கு எதிராக பரப்ப நினைக்கும் எந்தவொரு அவதூறையும், பரவுவதற்கு முன்னரே தடுத்து நிறுத்தி, டிஜிட்டல் உலகையே தங்களின் கட்டுப்பாட்டிற்குள் வைத்துள்ளனர் இந்த இளைஞர்கள்.
இனி இன்னும் நூறு ஆண்டுகள் கடந்தாலும் கூட, தவெக-வின் இந்த ஜென் ஸி இளைஞர்கள் பார்க்கின்ற அசுரத்தனமான டிஜிட்டல் வேலையை திமுக-வின் அதிகாரப்பூர்வ ஐடி விங்கால் கனவிலும் நெருங்க முடியாது என்பதுதான் தற்போதைய நிதர்சனமான உண்மை. திமுக-வின் ஐடி விங் என்பது வெறும் கட்சி மேலிடத்தின் உத்தரவுகளுக்காகவும், தங்களுக்கு கொடுக்கப்படும் இலக்குகளுக்காகவும் மட்டுமே இயங்கும் ஒரு இயந்திரத்தனமான அமைப்பாக சுருங்கி போய்விட்டது. ஆனால், தவெக-வின் இளைஞர் பட்டாளம் என்பது தன்னிச்சையாக, புதுப்புது ஐடியாக்களை கையாண்டு, சமூக வலைத்தளங்களின் அல்காரிதத்தையே மாற்றி எழுதும் அளவிற்குப் பேராற்றல் கொண்ட ஒரு பெரும் படையாக உருவெடுத்து நிற்கிறது.
இந்த இரு தரப்புக்கும் இடையே இருக்கும் மிக முக்கியமான மற்றும் அடிப்படையான வித்தியாசம் என்னவென்றால், திமுக-வின் ஐடி விங் என்பது மாச் சம்பளத்திற்காகவும், பணத்திற்காகவும், தற்காலிக ஆதாயங்களுக்காகவும் மட்டுமே சமூக வலைத்தளங்களில் கூவுகின்ற ஒரு கூட்டமாகும். பணம் கொடுத்தால் மட்டுமே வேலை செய்யும் அந்த சம்பள பட்டாளத்திற்கு, கட்சியின் கொள்கை மீதோ அல்லது அதன் தலைவர்கள் மீதோ எந்தவொரு ஆழமான பிடிப்பும் இருப்பதில்லை. ஆனால், தவெக-வின் இந்த ஜென் ஸி இணைய படையே முற்றிலும் மாறுபட்டது; இவர்கள் யாரிடமும் ஒரு பைசா கூட காசு வாங்காமல், தங்களின் சொந்த பணத்தை செலவழித்து, தங்களின் எதிர்கால தலைவனான முதலமைச்சர் விஜய் மீதுள்ள அசைக்க முடியாத விசுவாசத்திற்காக மட்டுமே உழைக்கும் ஒரு கூட்டமாகும்.
பணத்திற்காக வேலை பார்க்கும் கூட்டத்திற்கும், கட்சியின் மீதும் தலைவன் மீதும் உள்ள உண்மையான விசுவாசத்திற்காக தங்களின் இரத்தத்தை வியர்வையாக சிந்தி வேலை பார்க்கும் இந்த தொண்டர் கூட்டத்திற்கும் இடையே உள்ள இந்த வித்தியாசம்தான் தவெக-வின் அசுர வெற்றிக்கு அஸ்திவாரமாக அமைந்துள்ளது. கொள்கை பிடிப்பும், தலைவன் மீதான காதலும் கொண்ட இந்த விசுவாச கூட்டத்தை எந்தவொரு பண பலத்தாலும், அதிகார மிரட்டல்களாலும் விலை பேசவோ அல்லது வீழ்த்தவோ முடியாது என்பதை தமிழக அரசியல் களம் தற்பொழுது உணர்ந்துள்ளது. இன்னும் எத்தனை தேர்தல்கள் வந்தாலும், இந்த ஜென் ஸி பசங்களின் டிஜிட்டல் ராணுவத்தை வெல்வது என்பது எந்தவொரு எதிர்க்கட்சியின் ஐடி விங்கிற்கும் சாத்தியமில்லாத ஒன்று என்பது திண்ணம்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
