தமிழக அரசியல் வரலாற்றில் ஐந்து வருடத்திற்கு ஒருமுறை ஆட்சி மாற்றம் ஏற்படுவதும், தோற்ற கட்சி அடுத்த முறை வெற்றி பெறுவதும் ஒரு வழக்கமான நிகழ்வாகவே இருந்து வந்தது. ஆனால், அண்மையில் நடந்து முடிந்த சட்டமன்ற தேர்தல் முடிவுகள் என்பது வழக்கமாக வரும் ஒரு தற்காலிக தோல்வி அல்ல; அது திராவிட கட்சிகளுக்கு கிடைத்துள்ள நிரந்தரமான வீழ்ச்சியாகும். இத்தனை காலமாக தமிழகத்தில் திமுக, அதிமுக என இருமுனை அரசியல் மட்டுமே இருந்ததால், மக்கள் வேறு வழியின்றி ஐந்து வருடம் ஒரு கட்சிக்கும், அடுத்த ஐந்து வருடம் மறு கட்சிக்கும் மாறி மாறி ஆட்சி கட்டிலை கொடுத்து வந்தனர். இத்தகைய சூழலில், மூன்றாவதாக ஒரு புதிய சக்தியாக தமிழக வெற்றி கழகம் உருவெடுத்து, இந்த இரண்டு திராவிட கட்சிகளையும் ஒரே தேர்தல் களத்தில் வீழ்த்திவிட்டதால், இனி இரண்டு கட்சிகளுக்கும் அரசியல் எதிர்காலம் என்பதே இல்லை என்ற நிதர்சனம் உருவாகியுள்ளது.
திராவிட கட்சிகளின் பாரம்பரிய அஸ்திவாரமாகவும், அவர்களின் அடிமடியாகவும் விளங்கிய வாக்கு வங்கியில் தலைவர் விஜய் அவர்கள் மிக சாதுரியமாக கைவைத்துவிட்டார். காலங்காலமாக திராவிட இயக்கம் தங்களின் சொந்த சொத்தாகக் கருதி வந்த புதிய தலைமுறை இளைஞர்கள், குடும்ப பெண்கள், தலித் மக்கள் மற்றும் சிறுபான்மையினரின் ஒட்டுமொத்த வாக்குகளும் இந்த முறை மொத்தமாக தவெகவின் பக்கம் சாய்ந்துவிட்டன. ஒரு புதிய சிந்தனையோடும், ஊழலற்ற நேர்மையான நிர்வாகத்தை நோக்கிய தேடலோடும் களம் கண்ட தலைவர் விஜய்யை நோக்கி இத்தகைய வாக்கு வங்கிகள் நகர்ந்ததே, திராவிட சாம்ராஜ்யத்தின் சரிவுக்கு முதன்மைக் காரணமாகும்.
தங்களுக்கு ஏற்பட்டுள்ள இந்தத் மாபெரும் வரலாற்று வீழ்ச்சி தற்காலிகமானது அல்ல, இது தங்களின் நிரந்தரமான முடிவு என்பது தற்போதைய சூழலில் மு.க.ஸ்டாலின் அவர்களுக்கும் நன்றாகவே தெரியும், எடப்பாடி பழனிசாமி அவர்களுக்கும் மிக தெளிவாகவே புரியும். தவெகவின் இந்த அசுர வேக எழுச்சியை இப்படியே விட்டால் தங்களின் அரசியல் முகவரியே முற்றிலும் அழிந்துவிடும் என்பதை அவர்கள் உணர்ந்துள்ளனர். அதன் காரணமாகவே, புதிதாக பொறுப்பேற்றுள்ள விஜய் அரசுக்கு எவ்வித நிர்வாக அவகாசமும் கொடுக்கக் கூடாது என்ற உள்நோக்கத்தோடு, ஆரம்ப நாட்களிலிருந்தே பல்வேறு குடைச்சல்களையும் முட்டுக்கட்டைகளையும் கொடுக்க இரு கட்சிகளும் திட்டமிட்டு செயல்பட்டு வருகின்றன.
புதிய அரசின் மக்கள் நல திட்டங்களுக்கு முட்டுக்கட்டை போடுவது, சட்டம் ஒழுங்கு பிரச்சினைகளை தேவையின்றி பெரிதாக்குவது போன்ற எதிர்க்கட்சிகளின் அத்தனை அரசியல் சூழ்ச்சிகளையும் முதலமைச்சர் விஜய் மிகத்திறம்பட கையாண்டு வருகிறார். இத்தனை காலம் வெற்று முழக்கங்களையும், வாரிசு அரசியலையும் மட்டுமே நம்பி ஏமாந்த தமிழக மக்களுக்கு, தவெக அரசின் இந்த அதிரடி மாற்றங்களும் நேர்மையான அணுகுமுறையும் ஒரு புதிய நம்பிக்கையை விதைத்துள்ளது. திராவிடக் கட்சிகள் எவ்வளவுதான் முட்டுக் கொடுக்க முயன்றாலும், விழிப்புணர்வு பெற்றுள்ள தற்போதைய வாக்காளர்களிடம் அவர்களின் பழைய உத்திகள் முற்றிலும் காலாவதியாகிவிட்டன.
முடிவாக, தமிழகத்தின் அரசியல் எதிர்காலம் என்பது விஜய் என்ற ஆளுமையை சுற்றியே சுழலும் என்பதும், ஊழலற்ற ஒரு புதிய பொற்காலத்தை நோக்கி தமிழ்நாடு பயணிக்கும் என்பதும் மறுக்க முடியாத காலத்தின் தீர்ப்பாகும். மண்ணின் வளங்களையும், மக்களின் நம்பிக்கையையும் மீட்டெடுத்து, அதை மக்களின் நல்வாழ்விற்காக மட்டுமே பயன்படுத்தும் தவெக அரசு, தமிழ்நாட்டை ஒரு புதிய வளர்ச்சி பாதைக்கு இட்டுச் செல்லும். தங்களின் சுயநல அரசியல் வீழ்ந்துவிட்டதை ஏற்றுக்கொள்ள முடியாமல் தவிக்கும் திராவிட கோட்டைகளின் குடைச்சல்களை தாண்டி, முதல்வர் விஜய்யின் இந்தத் தூய்மையான ஆட்சிப் பாணி தமிழக வரலாற்றில் ஒரு புதிய சரித்திரத்தை படைப்பது உறுதி.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
