பாகிஸ்தானுக்கு ஆதரவு அளித்ததற்காக துருக்கியை துவம்சம் செய்ய பிரதமர் நரேந்திர மோடி எடுத்துள்ள நடவடிக்கை சர்வதேச அரசியலில் அதிர்வலைகளை ஏற்படுத்தியுள்ளது. இந்தியா, துருக்கியின் ஜனாதிபதி எர்டோகனின் இரட்டைத்தனத்தை வெளிக்கொண்டு வந்துள்ளது.
புலனாய்வுத் தகவலின்படி, துருக்கி பாகிஸ்தான் மட்டுமின்றி, அல்கொய்டா, ஐஎஸ்ஐஎஸ், HTS போன்ற பயங்கரவாத அமைப்புகளுக்கும் ஆதரவளித்து வருகிறது. ஒரு பக்கம் நேட்டோ உறுப்பினராக இருந்து கொள்ளும் துருக்கி, மறுபக்கம் பயங்கரவாதத்துக்கு துணை நிற்கும் நாடாக செயல்படுகிறது. இதேசமயம், தன்னுடைய நாட்டிலேயே குர்து மக்களை அடக்கும் நடவடிக்கையில் ஈடுபட்டுள்ளது. துருக்கியின் இக்குழப்பமான போக்கு சர்வதேச அளவில் விமர்சனத்தை சந்திக்க வழிவகுத்துள்ளது.
இந்தியா, பாகிஸ்தானின் பயங்கரவாத வலையமைப்புக்கும், அதற்கு துருக்கி வழங்கும் ஆதரவுக்கும் இடையே ஒப்பீடு செய்யும் வகையில் தகவல்களை வெளிப்படுத்தியுள்ளது. துருக்கி தன்னை பயங்கரவாதத்துக்கு எதிராக செயல்படுகிறோம் என கூறும் நிலையில், பாகிஸ்தானுக்கு எதார்த்தமாக துணை நின்றுள்ளது. இது துருக்கியின் இரட்டை நிலையாக அமைந்துள்ளது.
‘ஆபரேஷன் சிந்தூர்’ என்ற பெயரில் இந்தியா பாகிஸ்தானில் பயங்கரவாத முகாம்களை அழித்தபோது, துருக்கி பாகிஸ்தானுக்கு துணை நின்றது. இதேபோல், இந்தியாவை விமர்சிக்கும் பிஆர்எஸ் பிரச்சாரத்தையும் துருக்கி வழிநடத்தியது. பாகிஸ்தான் அரசு ஆதரவு கொடுக்கும் பயங்கரவாதத்துக்கான வலியமான ஆதாரங்களை அவமதித்தே துருக்கி செயல்பட்டது.
ஆனால், தற்போதைய அறிக்கையொன்றில் துருக்கியின் உண்மையான முகம் வெளிப்பட்டுள்ளது. ஹமாஸ் உள்ளிட்ட பயங்கரவாத அமைப்புகளின் தலைவர்களுக்கு துருக்கி தங்கும் இடம் வழங்கியுள்ளதாகவும், அரசின் வழியாக பண உதவிகளும் வழங்கப்படுவதாகவும் தகவல்கள் வெளியாகியுள்ளன. 2024ம் ஆண்டில், துருக்கி ஜனாதிபதி எர்டோகன் ஹமாஸ் தலைவர் இஸ்மாயில் ஹனியாவை சந்தித்து, “நீங்கள் விரும்பினால் ஹமாஸ் தலைமையகத்தை துருக்கியில் அமைக்கலாம்” என அவர் அழைப்பு விடுத்ததாகவும் தகவல்கள் தெரிவிக்கின்றன.
இதன் மூலம் துருக்கி, பயங்கரவாதம் எதிர்ப்பு நாடாக இல்லாமல், அதற்கே ஒரு மையமாக மாறிவருகிறது என்பது வெளிச்சம் காண்கிறது.
