ஒடிசா மாநில விஜிலென்ஸ் அதிகாரிகள், புவனேஷ்வரில் உள்ள கிராமப்புறப் பணித் துறையின் திட்டப்பாதைகளுக்கான முதன்மை பொறியாளர் பைகுந்த நாத் சாரங்கியுடன் தொடர்புடைய இடங்களில் சோதனைகள் நடத்தியபோது, ரூ. 2.1 கோடி மதிப்புள்ள கணக்கில் காணப்படாத பணத்தை பறிமுதல் செய்துள்ளனர்.
சோதனையின் போது, சாரங்கி புவனேஷ்வர் குடியிருப்பிலிருந்து ரூ.500 நோட்டுகள் அடங்கிய பணக் கட்டுகளை ஜன்னல் வழியாக வீசியெறிய முயன்றதாக அதிகாரிகள் தெரிவித்தனர். “விஜிலன்ஸ் அதிகாரிகளை பார்த்ததும், அவர் தனது அடுக்குமாடி குடியிருப்பின் சாளரத்தில் இருந்து ரூ.500 நோட்டுகளை வீசியதாக கூறப்படுகிறது. அந்த பணத்தையும்பறிமுதல் செய்தோம்” என்று அதிகாரிகள் கூறினர்.
சோதனைகள் ஒரே நேரத்தில் புவனேஷ்வர், அங்குல் மற்றும் பிபிலி ஆகிய ஏழு இடங்களில் நடத்தப்பட்டன. புவனேஷ்வரின் டூம்டூமா பகுதியில் உள்ள ஒரு குடியிருப்பில் ரூ.1 கோடி மற்றும் அங்குல் மாவட்டத்தின் கரடாகடியா பகுதியில் உள்ள இருமாடி வீட்டில் மேலும் ரூ.1.1 கோடி பணம் பறிமுதல் செய்யப்பட்டது.
இந்த விரிவான சோதனை நடவடிக்கையை 8 துணை கண்காணிப்பாளர்கள், 12 ஆய்வாளர்கள், 6 துணை ஆய்வாளர்கள் மற்றும் பல அதிகாரிகள் இணைந்து நடத்தினர். இந்த சோதனைகள், அங்குல் சிறப்பு நீதிமன்றம் வழங்கிய வாரண்டின் கீழ் மேற்கொள்ளப்பட்டது.
சோதனைக்குட்பட்ட இடங்களில் பின்வரும் இடங்கள் அடங்கும்:
அங்குலில் உள்ள இருமாடி வீடு
புவனேஷ்வரிலுள்ள ஒரு அடுக்குமாடி குடியிருப்பு
புரியின் சியூலாவில் உள்ள ஒரு குடியிருப்பு
அங்குலிலுள்ள உறவினர் வீடு
சரங்கியின் பூர்வீக வீடு
அங்குலிலுள்ள இருமாடி பூர்வீக கட்டிடம்
புவனேஷ்வரிலுள்ள முதன்மை பொறியாளர் அலுவலகம்
பறிமுதல் செய்யப்பட்ட பணம் எண்ணும் பணிகள் கணக்கெடுக்கும் இயந்திரங்களின் மூலம் நடைபெற்று வருகிறது. அதிகாரிகள் “மொத்தமாக சுமார் ரூ.2.1 கோடி” பறிமுதல் செய்யப்பட்டுள்ளதாக உறுதிப்படுத்தியுள்ளனர்.
விஜிலன்ஸ் அதிகாரிகள் கூறுகையில், சோதனைகள் தொடர்ச்சியாக நடைபெற்று வருவதாகவும், சாரங்கியின் சொத்துகளுக்கான முழுமையான மதிப்பீடு நடைமுறையில் இருப்பதாகவும் தெரிவித்துள்ளனர்.