பாகிஸ்தான் – TRF தொடர்பு அம்பலம்.. வெளிச்சம் போட்டு காட்டிய ஆபரேஷன் சிந்தூர்’

பாகிஸ்தான் கூறிய மிகப்பெரிய பொய், ‘தி ரெசிஸ்டன்ஸ் ஃப்ரண்ட்  (TRF) என்பது காஷ்மீரில் உருவான உள்ளூர் குழு என்ற தகவல் தவறு என்று இந்தியாவின் ‘ஆபரேஷன் சிந்தூர்’ காட்டியிருக்கிறது. TRF என்பது உண்மையில் தீவிரவாத அமைப்பான லஷ்கர்-எ-தைபாவுடன்  நேரடி தொடர்பில் செயல்பட்ட குழு என்பது உலக நாடுகளுக்கு தற்போது புரிந்துள்ளது.ஏப்ரல் 22, 2025 அன்று, ஜம்மு காஷ்மீரின் பஹல்‌காம் பகுதியில் 26 இந்தியர்கள் மற்றும் ஒரு நேபாள சுற்றுலாப் பயணிகள் கொடூரமாக கொல்லப்பட்ட சம்பவத்திற்கு TRF பொறுப்பேற்றது. ஆனால் பாகிஸ்தான் தங்களது தொடர்பை மறைக்க TRF-ஐ பின்வாங்க செய்தது.  இந்த நிலையில் இன்று அதிகாலை, இந்திய படைகள் பாகிஸ்தான் மற்றும் பாக் ஆக்கிரமிக்கப்பட்ட காஷ்மீர்  பகுதிகளில் துல்லியமான தாக்குதல்களை நடத்தின. இதில் TRF மற்றும் லஷ்கர்-எ-தைபா குழுக்களுக்கு ஆதாரமாக இருந்த 9 முக்கிய முகாம்கள் அழிக்கப்பட்டன.

தாக்குதல் நடைபெறும் போது TRF அமைப்பை கராச்சி  மற்றும் முஜஃபராபாத்தில் உள்ள லஷ்கர்-எ-தைபா கட்டுப்பாட்டாளர்கள் நேரடியாக வழிநடத்தினர் என்பதற்கான ஆதாரங்களை இந்தியா கைப்பற்றியுள்ளது. தொலைபேசி அழைப்புகள், செயற்கைகோள் படங்கள் மற்றும் கைப்பற்றப்பட்ட சாதனங்கள் போன்றவை இதில் உள்ளன. இதன்மூலம்  TRF  மற்றும் லஷ்கர்-எ-தைபா தொடர்பு வெளிப்பட்டுள்ளது.

மேலும் பாகிஸ்தானின் ISI அமைப்பு, TRF-ஐ காஷ்மீரிய தீவிரவாத அமைப்பாக காட்சிப்படுத்த முயன்றது. ஆனால் TRF மீது இருக்கும் லஷ்கர்-எ-தைபா கட்டுப்பாட்டை இந்தியா ஆதாரங்களுடன் உலகிற்கு வெளிப்படுத்தியுள்ளது. பாகிஸ்தானின் இந்த இரட்டை வேடம் தற்போது உலகளவில் எதிர்மறையான கவனத்தை ஈர்த்துள்ளது.

இந்தியா, ஐ.நா. பாதுகாப்பு கவுன்சிலில் TRF தலைவர்களுக்கு எதிரான இலக்கான தடைகள் விதிக்க கோர திட்டமிட்டுள்ளது. இது, பாகிஸ்தானின் பயங்கரவாத ஆதரவு முகமையை உலகுக்கு அம்பலப்படுத்தும் புதிய கட்டமாக அமையும்.

இந்த செய்தி உலக நாட்டு மக்களுக்கு பாகிஸ்தான் எவ்வாறு பயங்கரவாத அமைப்புகளை உருவாக்கி, இயக்கி, பின்னால் தங்கள் தொடர்பை மறைக்க முயல்கிறார்கள் என்பதை தெளிவாக காட்டுகிறது.