இரண்டு நாடுகளுக்கிடையே போர் வெடித்தால், உலக நாடுகள் பெரும்பாலும் இருபக்கங்களாக பிரிந்து, ஒவ்வொரு நாட்டுக்கும் ஆதரவு தெரிவிக்கும் சூழ்நிலை ஏற்படுவது வழக்கம். ஒருபுறம் கண்டனம், மறுபுறம் ஆதரவு என பன்முகமான நிலைப்பாடுகள் காட்டப்படுவதும் வழக்கம்தான்.
ஆனால் இப்போது ஒரு மாற்றமான சூழ்நிலை உருவாகியுள்ளது. இந்தியா, பாகிஸ்தானை நோக்கி மேற்கொண்ட தாக்குதலுக்கு உலக நாடுகளில் எந்த ஒரு நாடும் இந்தியாவுக்கு எதிர்ப்பு தெரிவிக்கவில்லை. இது மட்டுமல்லாமல், பல நாடுகள் பாகிஸ்தானின் தீவிரவாத ஒத்துழைப்பை கடுமையாக கண்டித்தும் உள்ளன.
போரில் இருபக்கங்களுக்கும் ஆதரவு அல்லது கண்டனம் தெரிவிப்பது போல், ரஷ்யா-உக்ரைன் போர், சிரியா கலகம் போன்ற இடங்களில் நடந்ததைக் காணலாம். ஆனால் இந்தியா மேற்கொண்ட தாக்குதலுக்கு உலக நாடுகள் இந்தியாவுக்கு ஆதரவாக குரல் கொடுத்துள்ளன.
அமெரிக்க அதிபர் டிரம்ப் உட்பட பல உலகத் தலைவர்கள், “இந்தியா தீவிரவாதத்திற்கு எதிராக எடுத்துள்ள நடவடிக்கையை ஆதரிக்கிறோம்” என தெரிவித்துள்ளனர். இதனுடன், பாகிஸ்தான் இன்னும் தீவிரவாதத்துக்கு ஆதரவளிக்கிறதென்ற விமர்சனங்களும் அதிகரித்துள்ளன.
அமெரிக்கா, ரஷ்யா, பிரிட்டன், ஐரோப்பிய நாடுகள் உள்ளிட்ட பல முக்கிய நாடுகள் இந்தியாவுக்கு முழுமையான ஆதரவு தெரிவித்துள்ளன. அதேவேளை, சீனா, துருக்கி போன்ற பாகிஸ்தானின் நட்பு நாடுகள் கூட, இந்தியாவுக்கு எந்தவித கண்டனமும் தெரிவிக்காமல் அமைதியாக இருக்கின்றன.
இந்தியாவை எதிர்த்துக் கண்டனம் தெரிவிக்க எந்த நாடும் முன்வரவில்லை என்பது, பாகிஸ்தானுக்கு பெரும் பின்னடைவாக மாறியுள்ளது.
இந்தியாவின் பொருளாதார மற்றும் வணிக வளமை தற்போது உலக நாடுகளுக்கு முக்கியமாக மாறியுள்ளது. இந்தியாவை கண்டனம் செய்வதால் அந்த நாடுகளின் சொந்த வணிகம் பாதிக்கப்படும் என்றாலும், அதன் பின்னணியில் இந்தியா மேற்கொள்ளும் நடவடிக்கைகளுக்கு நியாயம் இருக்கிறது என்ற உணர்வும் உள்ளது.
ஜம்மு காஷ்மீரில் நடந்த பயங்கரவாத தாக்குதலில் இந்தியா பெரிதும் பாதிக்கப்பட்டதை உலக நாடுகள் உணர்ந்துள்ளன. அதன் பின்னணியில் பாகிஸ்தான் இருப்பது தெளிவாகிவிட்டது.
இந்நிலையில், பாகிஸ்தானுக்கு முன்னால் இருக்கும் ஒரே வழி இனிமேல் தீவிரவாதத்திற்கு எந்தவித ஆதரவும் தர மாட்டோம், தீவிரவாதிகளை நாங்கள் ஒழிப்போம் என்று உலக நாடுகளிடம் மன்னிப்புக் கேட்பது மட்டும்தான். இல்லையெனில், அந்த நாடுகள் பாகிஸ்தானை முழுமையாக புறக்கணிக்கும் சூழ்நிலை உருவாகும்.
