பஹல்காம் பயங்கரவாத தாக்குதல் மற்றும் ‘ஆபரேஷன் சிந்தூர்’ எனும் இந்தியாவின் பதிலடி நடவடிக்கைக்கு பிந்தைய சூழ்நிலையில், இந்திய குற்றப்புலனாய்வு அமைப்புகள் மிகுந்த எச்சரிக்கையுடன் செயல்பட்டு வருகின்றன. கடந்த ஒரு மாதத்தில் ராஜஸ்தான், மகாராஷ்டிரா, டெல்லி, ஹரியானா, உத்தரபிரதேசம், குஜராத் மற்றும் பஞ்சாப் ஆகிய மாநிலங்களில் குறைந்தது 15 பேர்கள் உளவு சொன்னதாக குற்றச்சாட்டில் கைது செய்யப்பட்டுள்ளார்கள்.
மும்பையில் ஒரு பொறியாளர் பேஸ்புக்கில் ஹனிட்ராப்பில் சிக்கி போர் கப்பல்களின் வரைபடங்களை வரைவது, ஹரியானாவில் ஒரு பயண யூடியுயுபர் லாகூரின் சந்தைகளில் ஆயுததாரர்களால் அழைத்துச் செல்லப்படுவது, ராஜஸ்தானில் ஒரு அரசு ஊழியர் ஏழு முறை பாகிஸ்தானுக்கு பயணிப்பது, தீக் பகுதியில் ஒரு சிம்கார்டு விற்பனையாளர் பாகிஸ்தான் ஐஎஸ்ஐக்கு தகவல் வழங்குவது ஆகிய சம்பவங்கள் ஒவ்வொன்றும் தனித்தனி போல தோன்றினாலும், அனைத்தும் பாகிஸ்தானுக்கு ரகசிய தகவல்களை வழங்கும் ஒரு நெட்வொர்க் என்பது வெளிச்சத்துக்கு வந்துள்ளன.
தேசத்துரோகிகள் யார் யார்?
1. CRPF வீரர் மோதி ராம் ஜாட்: மோதி ராம் ஜாட் உயர்மட்ட அதிகாரி இல்லை, ஆனால் மத்திய ரிசர்வ் போலீஸ் படையின் (CRPF) உள்துறை தகவல்களுக்கான அணுகல் அவரை பாகிஸ்தானின் குற்றவாளிகளுக்கு ஏற்ற இலக்காக மாற்றியது. தேசிய புலனாய்வு முகமை (NIA) கூறுகையில், ஜாட் 2023ஆம் ஆண்டு முதல் பாகிஸ்தான் புலனாய்வு அதிகாரிகளுடன் தொடர்பில் இருந்தார் மற்றும் ரகசிய தகவல்களை பணத்திற்காக வழங்கினார்.
இந்த மாதம் ஆரம்பத்தில் டெல்லியில் இருந்து கைது செய்யப்பட்ட ஜாட், சமூக ஊடகங்களில் அவர் ஏற்படுத்திய செயற்பாடுகள் காரணமாக புலனாய்வு அலர்ட் ஆகியது.
2. டாக்க்யார்டில் ஹனிட்ராப்: பொறியாளர் ரவீந்திர வர்மா: மகாராஷ்டிராவில் பாதுகாப்பு தொழில்நுட்ப நிறுவனத்தில் பணியாற்றும் மெக்கானிக்கல் இன்ஜினியர் ரவீந்திரவர்மா தீவிரவாத தடுப்பு படையால் கைது செய்யப்பட்டார். அவர் மும்பையின் நேவல் டாக்க்யார்ட்டில் அணுகல் வாய்ப்பு பெற்றவர், சப்மெரின்கள் மற்றும் போர் கப்பல்களை பற்றிய பணிகளில் ஈடுபட்டிருந்தார்.
பேஸ்புக்கில் “பயல் ஷர்மா” மற்றும் “இஸ்ப்ரீத்” எனும் பெயர்களில் உள்ள கணக்குகள் மூலம் ஹனிட்ராப்பில் சிக்கியவர் என்பதற்காக அவர் கைது செய்யப்பட்டுள்ளார். விசாரணை அதிகாரிகள் கூறுகையில், இக்கணக்குகள் பாகிஸ்தான் முகவர்களால் இயக்கப்பட்டவை. வர்மா பணத்திற்காக கப்பல் வரைபடங்கள், ஒலி பதிவுகள் மற்றும் விவரங்களை பகிர்ந்துள்ளார்.
3. யூடியூபர் ஜோதி மல்ஹோத்ரா: அதிகமாகப் பார்வை பெற்ற நபர் ஜோதி மல்ஹோத்ரா, ஒரு பயண யூடியூபர். ஹரியானா போலீசால் மே மாத மத்தியில் கைது செய்யப்பட்டார். பாகிஸ்தான் உயர்ஸ்தான தூதரகத்தில் உள்ள ISI முகவர்களுடன் நேரடி தொடர்பு வைத்திருந்ததாக கூறப்படுகிறது.
பாகிஸ்தானுக்கும் சீனாவுக்கும் பயணித்திருக்கிறார், 12 டெராபைட்டுகள் அளவிலான தகவல்கள் கைப்பற்றப்பட்டுள்ளன. பாகிஸ்தான் அதிகாரிகள் Danish, Ahsan, Shahid ஆகியோருடன் தொடர்பில் இருந்துள்ளார். அவரிடம் கைப்பற்றப்பட்ட மொபைல் மற்றும் லேப்டாப்களில் ISI தொடர்புகள் உறுதியாக இருப்பதை நிரூபிக்கும் தகவல்கள் உள்ளதாக விசாரணை கூறுகிறது.
ஸ்காட்லாந்து யூடியூபர் Callum Mill அவரை லாகூரின் அனார்கலி பஜாரில் AK-47 ஆயுதங்களுடன் பயணிக்கும் வீடியோ பதிவும் இதற்கான ஆதாரமாக பயன்படுத்தப்படுகிறது. இவர் மீது அதிகாரப்பூர்வ ரகசியச் சட்டம் மற்றும் பரபரப்பான குற்றங்கள் அடங்கிய sections உடன் வழக்கு பதிவு செய்யப்பட்டுள்ளது.
4. சுகாதார ஊழியர்: சாதேவ் சிங் கோஹில்: குஜராத்தைச் சேர்ந்த 28 வயது சுகாதார ஊழியர் சாதேவ் சிங் கோஹில், இந்திய ராணுவ வளங்களை பற்றிய ரகசிய தகவல்களை பாகிஸ்தானை சேர்ந்த ஒருவர் வழியாக பகிர்ந்ததாக கைது செய்யப்பட்டுள்ளார்.
2023ல் வாட்ஸ்அப்பில் “அதிதி பாரத்வாஜ்” எனும் பெயரில் ஒருவருடன் தொடர்பு கொண்டுள்ளார். 2025ல் அவர் புதிய சிம் கார்டு எடுத்து, OTP மூலமாக வாட்ஸ்அப்பில் கணக்கு தொடங்கியுள்ளார். இந்திய விமானப்படை மற்றும் BSF கட்டிடங்கள் பற்றிய வீடியோ மற்றும் படங்களை பகிர்ந்துள்ளார். அவருக்கு ரூ. 40,000 பணமும் வழங்கப்பட்டதாக கூறப்படுகிறது.
மேலும் ஹரியானாவில் மட்டும் மேலும் நால்வர் கைது செய்யப்பட்டுள்ளனர். இவர்கள் பொருளாதார ரீதியாக பாதிக்கப்பட்ட இளைஞர்கள். அவர்கள் தேவேந்தர் சிங் தில்லான், நாமன் இலாஹி, அர்மன் மற்றும் தரீப்.
மேலும் ராஜஸ்தானைச் சேர்ந்த ஷகுர் கான், முன்னாள் அமைச்சருக்கு உதவியாளராக பணியாற்றியவர், ஏழு முறை பாகிஸ்தான் பயணித்துள்ளார். அவரது டிஜிட்டல் தடங்களில் பல கோப்புகள் நீக்கப்பட்டதும் சந்தேகமாகும்.
டெல்லியில் காசிம் என்ற நபர் இந்திய சிம் கார்டுகளை பாகிஸ்தானுக்காக வழங்கியதற்காக கைது செய்யப்பட்டுள்ளார். 2024 ஆகஸ்ட் முதல் 2025 மார்ச் வரை பாகிஸ்தான் சென்றுள்ளார். அவர் PIOs-க்கு இந்த சிம் அட்டைகள் வழங்கியுள்ளார்.
மற்றொரு நபர் மும்பைத் தொடர்புடையவர், பேஸ்புக் மற்றும் வாட்ஸ்அப்பில் ஹனிட்ராப்பில் சிக்கி நவம்பர் 2024 முதல் மார்ச் 2025 வரை ரகசிய தகவல்களை பகிர்ந்துள்ளார்.
உபி மாநிலத்தை சேர்ந்த ஷபி என்ற வியாபாரி பாகிஸ்தானில் பலமுறை பயணம் செய்து ரகசியங்களை பகிர்ந்துள்ளார். அதேபோல் முர்தாசா அலி என்பவர் ஒரு மொபைல் ஆப் மூலம் ரகசிய தகவல்களை பகிர்ந்ததாக கைது செய்யப்பட்டுள்ளார். பஞ்சாபில் காஜாலா மற்றும் யாமின் முகமது ஆகிய இருவரும் விசாரணையின் கீழ் உள்ளனர்.
ராஜஸ்தானில் மட்டும் கடந்த மாதத்தில் ஏழு நபர்கள் விசாரணைக்கு உட்படுத்தப்பட்டுள்ளனர். ஹரியானாவில் பொருளாதார ரீதியாக பாதிக்கப்பட்டவர்களின் பயண விவரங்கள் மற்றும் நிதி விவரங்கள் ஆய்வு செய்யப்படுகின்றன.
இந்த விஷயத்தில் இதுவரை கைது செய்யப்பட்டவர்கள் அனைவரும் வட நாட்டினர் மட்டுமே, தென்னிந்தியாவில் இருந்து ஒரு தேசத்துரோகி கூட இல்லை என்பது குறிப்பிடத்தக்கது.
