இந்த செய்தியாளர் சந்திப்பை தலைமை தாங்கிய சோஃபியா குரேஷி மற்றும் சிங்கிற்கு திரையுலகத்தில் இருந்து கூட பலரும் பாராட்டுகளை தெரிவித்தனர். கரீனா கபூர் கான், கத்ரினா கைஃப், ரவீனா டண்டன் மற்றும் வருண் தவன் உள்ளிட்டோர் சமூக ஊடகங்களில் இவர்களின் துணிச்சலை பாராட்டினர்.
இந்திய அரசுக்கும் இந்திய ஆயுதப்படைக்கும் திறம்பட ஆதரவு தெரிவித்து வந்த நடிகை நிம்ரத் கவுர் கூறியபோது “இரு பெண் அதிகாரிகள் தலைமையில் செய்தியாளர் சந்திப்பை நடத்துவது என் உள்ளத்தை பெருமையாக்கியது. இது நம் நாட்டின் மதச்சார்பற்ற தன்மையை உலகிற்கு காட்டும் தருணமாக இருந்தது” என்று தெரிவித்துள்ளார்.
நாட்டின் பெண்கள் முன்னணி நிலைக்கு வருவதை உலகமே பார்க்கும் வகையில் இந்த காட்சி அமைந்தது எனவும், “இது ஒரு எதிர்கால விருப்பமாக இல்லாமல், நமது அமைச்சரவையில், அரசியலில், ராணுவத்தில் நேரடியாக பெண்கள் பங்கு வகிக்கின்ற நிலையாக உள்ளது. இந்த பெண்கள் இருவரையும் முன்னணியில் வைத்து செய்தியாளர்களை சந்திக்க வைத்திருப்பதே, இந்தியா எப்படியொரு நாடு என்பதை உலகுக்கு தெளிவாகக் காட்டுகிறது” என நிம்ரத் கூறினார்.
“பஹல்காம் தாக்குதலின் கொடுமைக்கு இது மிகச் சிறந்த, நேரடி மற்றும் திறமையான பதிலடி. இரு பெண்கள் யூனிஃபாரத்தில் நின்று நாட்டிற்காக பேசிய அந்த காட்சி எனக்கு மிகவும் பிடித்தது,” என நிம்ரத் உணர்ச்சிப்பூர்வமாக குறிப்பிட்டார்.
நிம்ரத்தின் தந்தை மேஜர் பூபேந்தர் சிங், 1994-இல் காஷ்மீரில் ஹிஸ்புல் முஜாஹிதீன் பயங்கரவாதிகளால் கடத்தப்பட்டு பின்னர் கொல்லப்பட்டார். அவருக்கு மரணத்துக்குப் பின் ‘ஷௌர்ய சக்ரா’ விருது வழங்கப்பட்டது.
தந்தையைப் போலவே ராணுவத்தில் சேரும் கனவுகள் உங்களுக்கும் இருந்ததா என்ற கேள்விக்கு, நிம்ரத் கூறுகிறார்: “ஆம், என் அப்பா அலுவலுக்கு தயாராகும் முறையை பார்த்து, அவர் உடைகளை அணிந்து, அவர் ஷூவை போட்டுக்கொண்டு, மேஜர் பூபேந்தர் சிங் ஆகும் அந்த தருணங்களை பார்த்து, நானும் அந்தக் கனவில் இருந்தேன். அந்த யூனிஃபாரத்தை அணிய வேண்டும் என்பதே என் ஆசையாக இருந்தது. ஆனால் அது எவ்வளவு கடினமானது என்று உணர்ந்தபின், அந்த கனவு குறைந்து போய்விட்டது. பிறகு ‘The Test Case’ படத்தில் ஒரு ராணுவ அதிகாரியாக நடித்த சந்தர்ப்பம் கிடைத்த போது, அதற்கு மிகவும் நன்றி தெரிவித்தேன்.” என்று நடிகை நிம்ரத் கூறினார்.
