தமிழகத்தின் தஞ்சாவூர் மாவட்டம், பாபநாசம் தாலுக்காவிற்கு உட்பட்ட அம்மாப்பேட்டை பேரூராட்சி, புத்தூர் வடக்கு தெரு வார்டு எண் 14 பகுதியில் வசிக்கும் நூற்றுக்கும் மேற்பட்ட பொதுமக்களின் நீண்ட கால கண்ணீர், ஒட்டுமொத்த மாநில நிர்வாகத்தின் அவல நிலையை தோலுரித்துக் காட்டியுள்ளது. இந்த பகுதியில் வசிக்கும் எளிய மக்கள், தங்களின் குடும்பத்தில் யாராவது இறந்துவிட்டால், அந்த பிணத்தை எடுத்துக்கொண்டு சுடுகாட்டிற்ச் செல்வதற்கு கூட ஒரு சரியான பாதையின்றி கடந்த 50 ஆண்டுகளுக்கும் மேலாக கடுமையான அவதியையும், சொல்லொணாத் துயரத்தையும் சந்தித்து வருகின்றனர்.
ஒரு மனிதன் உயிரோடு வாழும்போதுதான் அடிப்படை வசதிகள் இல்லை; அவன் செத்த பிறகும் அவனது உடலை மரியாதையாக எடுத்து செல்வதற்கான ஒரு வழியை கூட அரை நூற்றாண்டு காலமாக ஏற்படுத்தித் தர முடியவில்லை என்பது, இங்கு இத்தனை வருடங்களாக தொடர்ந்து நடைபெற்ற ஆட்சியாளர்களின் திறமையின்மைக்கு சான்றாகும். இதனை நாம் வெட்கக்கேடான ஒரு சிறுமையாக தான் பார்க்க வேண்டுமே தவிர, பெருமைப்படுவதற்கு இதில் ஒன்றுமே இல்லை.
கடந்த 50 வருடங்களாக தங்களின் சுடுகாற்று பாதை கோரிக்கைக்காக அனைத்து அரசு அலுவலகங்களுக்கும் அலைந்து சோர்ந்துபோன அந்த பகுதி மக்கள், தற்போது ஒரு புதிய மற்றும் துணிச்சலான உத்தியை கையில் எடுத்துள்ளனர். தங்களது இந்த நியாயமான கோரிக்கையை நேரடியாக தற்போதைய முதலமைச்சர் விஜய் அவர்களின் சமூக வலைத்தள பக்கத்தில் ‘டேக்’ செய்து, “புதிய சிஎம் அவர்களே, எங்களுக்கு இந்த வழியை எப்படியாவது ஏற்படுத்தி தாருங்கள்” என்று பகிரங்கமாக கோரிக்கை விடுத்துள்ளனர்.
முந்தைய காலங்களில் ஆளுங்கட்சியினரையோ அல்லது முதலமைச்சரையோ இப்படி தங்களின் குறைகளுக்காக நேரடியாக தொடர்பு கொள்ளவோ அல்லது கேள்வி கேட்கவோ சாமானிய மக்கள் பெரிதும் பயந்தனர். ஆனால், இன்று எவ்வித பயமுமின்றி தங்களின் தேவைகளை மாநிலத்தின் உச்சபட்ச அதிகாரத்திடம் மக்கள் நேரடியாக கொண்டு சேர்க்கிறார்கள் என்றால், தமிழக அரசியல் களத்தில் ஏற்பட்டுள்ள ஒரு மாபெரும் தத்துவார்த்த மாற்றம் இதுதான் என்பதை நாம் புரிந்துகொள்ள வேண்டும்.
இன்றைய சூழலில், தமிழகத்தின் பல்வேறு கிராமங்களில் இருந்தும் வார்டுகளில் இருந்தும் எங்க ஊரில் குடிநீர் வரவில்லை, சாலை வசதிகள் முற்றிலும் மோசமாக உள்ளது, சரியான போக்குவரத்து வசதிகள் இல்லை, நூலகங்கள் இல்லை என்ற அடுக்கடுக்கான புகார்களும் கோரிக்கைகளும் தற்போதைய புதிய அரசை நோக்கி பாய்ந்து வருகின்றன. இதனை பார்த்த திராவிட கட்சிகளின் ஆதரவாளர்கள் சிலர், “பார்த்தீர்களா, விஜய் ஆட்சிக்கு வந்தவுடன் தமிழ்நாட்டில் எதுவுமே இல்லை என்று மக்கள் புலம்புகிறார்கள்;
தவெக அரசு எதையுமே செய்யவில்லை” என்று திட்டமிட்டு பொய் பிரச்சாரங்களை அரங்கேற்ற தொடங்கியுள்ளனர். ஆனால், எதார்த்த உண்மை என்னவென்றால், புதிய முதலமைச்சர் விஜய் அவர்கள் பதவிக்கு வந்து இன்னும் முப்பது நாட்கள் கூட முழுமையாக நிறைவடையாத நிலையில், அவர் எப்படி ஒரு கிராமத்திற்கு வரும் தண்ணீரை தடுத்திருக்க முடியும் அல்லது முப்பது நாட்களில் மாநிலத்தின் அனைத்துச் சாலைகளையும் சீரழித்திருக்க முடியும் என்ற அடிப்படை அறிவு கூட இல்லாமல் இந்த அவதூறுகள் பரப்பப்படுகின்றன.
உண்மையில், மக்கள் இப்போது முன்வைக்கும் அனைத்து குறைகளும், கோரிக்கைகளும் இத்தனை வருடங்களாக தமிழகத்தை மாறி மாறி ஆட்சி செய்த திராவிட கட்சிகள் விட்டு சென்ற சீர்கேடுகளின் எச்சங்களாகும். ஒரு கிராமத்திற்கு அல்லது ஒரு வார்டிற்கு தூய்மையான குடிநீரை கொண்டு சேர்ப்பதற்கு கூட துப்பற்றவர்களாக, இத்தனை ஆண்டுகளாக தமிழ்நாட்டை ஆண்ட ஆட்சியாளர்கள் என்ன செய்து கொண்டிருந்தார்கள் என்ற கேள்விதான் இங்கு முதன்மையானது.
அடிப்படை உள்கட்டமைப்புகளைக் கூட கடந்த 50 ஆண்டுகளாக உருவாக்கி கொடுக்காத பழைய ஆட்சியாளர்களின் முகத்திரையை தான் மக்களுடைய இந்த தற்போதைய கோரிக்கைகள் கிழித்தெறிந்துள்ளன. தங்களின் நியாயமான தேவைகளை வெளியில் சொல்வதற்கு கூடப் பயந்து, மௌனமாக அழுதுகொண்டிருந்த ஒரு சாமானியக் கூட்டம், இன்று தைரியமாகத் தனது உரிமைகளைக் கேட்கிறது என்றால், அதுதான் இந்தத் தவெக ஆட்சியில் கிடைத்துள்ள உண்மையான ஜனநாயகம் மற்றும் மாற்றம் ஆகும்.
மக்களின் இந்த துணிச்சலான எழுச்சியும், புதிய அரசின் மீதான அவர்களின் அசைக்க முடியாத நம்பிக்கையும் இன்னும் அடுத்த ஐந்து ஆண்டுகளுக்கு தமிழக அரசியலில் மிகப்பெரிய அளவில் பேசப்படும் என்பதில் எவ்வித சந்தேகமும் இல்லை. இத்தனை ஆண்டுகளாக தங்களை புறக்கணித்த பழைய அரசியல்வாதிகளை தூக்கி எறிந்துவிட்டு, தங்களின் தேவைகளை இந்த இளம் மற்றும் புதிய முதலமைச்சர் விஜய் அவர்கள் நிச்சயம் தீர்த்து வைப்பார் என்ற நம்பிக்கையில்தான் மக்கள் அவரிடம் தங்களது மனுக்களை கொண்டு சேர்க்கிறார்கள். இன்னும் வரும் ஐந்து ஆண்டு கால ஆட்சிக்குள், இந்த அம்மாப்பேட்டை சுடுகாற்றுப் பாதை போன்ற எளிய மக்களின் நீண்ட காலப் பிரச்சினைகளையும், உள்கட்டமைப்புக் குறைகளையும் இந்த அரசு முழுமையாகப் பூர்த்தி செய்து வழங்கிவிட்டால், தமிழக மக்கள் எப்போதும் புதிய தலைமையின் பக்கமே உறுதியாக நிற்பார்கள்.
இதற்கு முன்னால் தமிழ்நாட்டை ஆண்டவர்கள் மக்களுக்கு ஒண்ணுமே செய்யாத போதும், வெறும் வெற்று வாக்குறுதிகளை மட்டுமே அள்ளி வீசியபோதும், மக்கள் தங்களின் அறியாமையால் அவர்களைப் பாராட்டி மறுபடியும் மறுபடியும் ஆட்சிப் பொறுப்பில் அமர வைத்த வரலாறுகள் உண்டு. ஆனால், இப்போது தங்களின் தேவைகளை உணர்ந்து, கடந்த காலப் பாவங்களை எல்லாம் துடைத்தெறிந்து, ஒரு புதிய தலைவர் தங்களுக்கு விடிவு காலம் ஏற்படுத்துகிறார் என்று மக்கள் நம்பும்போது, அவர்கள் கண்டிப்பாக தவெக அரசை மீண்டும் மீண்டும் ஆட்சிக் கட்டிலில் அமர வைக்கத் தயங்க மாட்டார்கள். நன்றியுள்ளவர்களாக இருக்கும் தமிழக மக்கள், தங்களின் அடிப்படைத் துயரங்களைத் தீர்க்கும் உண்மையான தலைவனுக்கு என்றும் அரணாக இருப்பார்கள் என்பதால், திராவிடக் கட்சிகளின் போலிப் பிரச்சாரங்கள் மக்கள் மன்றத்தில் தவிடுபொடியாகிப் போவது மட்டும் உறுதி
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
