பகல்காம் பகுதியில் நடந்த பயங்கரவாத தாக்குதலுக்கு பின்னர், இந்தியா பல கடுமையான நடவடிக்கைகளை எடுத்து பாகிஸ்தானுடன் உள்ள உறவில் பெரிய மாற்றத்தை ஏற்படுத்தியுள்ளது. இந்த தாக்குதலுக்குப் பிறகு இந்தியா, பாகிஸ்தானை தனிமைப்படுத்த பல்வேறு வழிகளில் அழுத்தம் கொடுக்கத் தொடங்கியது. இதில், நீண்ட காலமாக இருந்த சிந்து நத்நீர் ஒப்பந்தத்தை நிறுத்துவது, வர்த்தகத்தை முழுமையாக நிறுத்துவது, பாகிஸ்தானின் விமானங்களை தடுப்பது, பாகிஸ்தானியர்கள் மற்றும் அவர்களது இந்திய வருகையை தடை செய்வது போன்றவை அடங்கும்.
இந்த நிலையில் இந்தியா மற்றும் பாகிஸ்தான் ஆகிய இரு நாடுகளும் தற்காலிகமாக போர் நிறுத்த ஒப்பந்தத்தில் சென்ற பிறகும் தொடரும் என அறிவிக்கப்பட்டுள்ளது. இரு நாட்டு இராணுவ தலைவர்கள் நேரடியாக பேசி இந்த போர் நிறுத்த முடிவை எடுத்துள்ளனர்.
போர் நிறுத்த ஒப்பந்தத்திற்கு பின்னரும் இந்தியாவின் 5 முக்கிய நடவடிக்கைகள் இதோ:
1. சிந்து நதிநீர் ஒப்பந்தம் நிறுத்தப்பட்டது தொடரும்: போர் நிறுத்தம் நடந்தாலும், இந்தியா சிந்து நதிநீர் ஒப்பந்தத்தை இடைநிறுத்தும் முடிவில் எந்த மாற்றமும் இல்லை என கூறியுள்ளது. வெளிநாட்டு செயலாளர் விக்ரம் மிஸ்ரி, பாகிஸ்தான் பயங்கரவாதத்தை உண்மையாக நிறுத்தாத வரை இந்த முடிவு தொடரும் என உறுதியளித்தார்.
2. பாகிஸ்தானுடன் வர்த்தகம் நிறுத்தமும் தொடரும்: இந்தியா, பாகிஸ்தானுடன் உள்ள அனைத்து வர்த்தக நடவடிக்கைகளையும் நிறுத்தியுள்ளது. பாகிஸ்தான் பயங்கரவாத அமைப்புகளை ஆதரிப்பதை நிறுத்தும் வரை வர்த்தகம் தொடராது என்று இந்தியா உறுதியாக தெரிவித்துள்ளது.
3. பாகிஸ்தான் விமானங்களுக்கு இந்தியா வான்வழி தடையும் தொடரும்: பாகிஸ்தானை சேர்ந்த அல்லது அவர்கள் ஓட்டும் விமானங்கள் இந்திய வான்வழியை பயன்படுத்த முடியாத வகையில் தடை விதிக்கப்பட்டது. இத்தடை, பயங்கரவாதத்திற்கு எதிராக இந்தியாவின் கடுமையான நோக்கத்தை காட்டுகிறது.
4. பாகிஸ்தான் நடிகர்கள் மற்றும் திரைப்படம், தொடர்களுக்கு தடை: இந்தியாவில் ஒளிபரப்பப்படும் ஓடிடி தளங்கள், பாகிஸ்தானில் தயாரிக்கப்பட்ட திரைப்படங்கள், இசை, தொடர்கள் போன்றவை காட்டக்கூடாது என்று இந்திய அரசு அறிவுறுத்தியுள்ளது. மேலும், இந்திய சினிமா தொழிலாளர்கள் சங்கம், பாகிஸ்தான் நடிகர்களுக்கு முற்றிலும் தடை விதிக்க வேண்டும் என்றும், அவர்களுடன் எந்தவொரு உறவும் வேண்டாம் என்றும் வலியுறுத்தியுள்ளது.
5. பாகிஸ்தான் நாட்டு மக்கள் இந்தியா வர தடை: பகல்காம் தாக்குதலுக்குப் பிறகு, இந்தியா பாகிஸ்தான் குடிமக்களுக்கு விசா வழங்குவதை உடனடியாக நிறுத்தியது. ஏற்கனவே வழங்கப்பட்ட விசாக்களும் ரத்து செய்யப்பட்டன. சில சிறுபான்மை மக்களுக்கு மட்டும் விசா செல்லுபடியாக இருக்கும் என அரசு அறிவித்தது. அதோடு, அட்டாரி-வாகா எல்லை பகுதியிலும் எல்லா வகை வருகையும் தடை செய்யப்பட்டது.
இந்த நடவடிக்கைகள் அனைத்தும், இந்தியா பாகிஸ்தானை பயங்கரவாத ஆதரவு காரணமாக அழுத்தத்தில் தொடர்ந்து வைக்க முடிவெடுத்ததை தெளிவாக காட்டுகிறது.
