பாகிஸ்தான் ஆதரவுடன் நடைபெறும் தீவிரவாதத்தை ஆதரவை நிறுத்த வேண்டும், பாகிஸ்தானில் நீண்ட காலமாக இயங்கும் பயங்கரவாத அமைப்புகளை முற்றிலுமாக ஒழிக்க துருக்கி தன்னுடைய நட்பை பயன்படுத்த வேண்டும் என்று இந்தியா வலியுறுத்தியுள்ளது. இந்த அறிவிப்பு இந்திய வெளியுறவுத் துறை சார்பில் வெளியிடப்பட்டுள்ளது. சமீபகாலமாக இந்தியா – துருக்கி இடையேயான தொடர்புகள் அதிகமாக பதட்டமடைந்துள்ள நிலையில் இந்த அறிவிப்பு வெளிவந்துள்ளது என்பது குறிப்பிடத்தக்கது.
இதுகுறித்து இந்திய வெளியுறவுத்துறை பேச்சாளர் ரந்தீர் ஜெயஸ்வால் கூறும்போது, பாகிஸ்தான் ஆதரிக்கின்ற எல்லா வகையான எல்லை தாண்டும் தீவிரவாதத்தையும் நிறுத்த துருக்கி வலியுறுத்த வேண்டும். பாகிஸ்தான் தனது நாட்டில் தங்கி வளர்த்த பயங்கரவாத சூழலுக்கு எதிராக நம்பகமான, சோதிக்கக்கூடிய நடவடிக்கைகளை எடுக்க வேண்டும்,” என்றார்.
மேலும், நாடுகள் ஒருவருக்கொருவர் பற்றிய அக்கறையை கவனத்தில் கொண்டு செயல்படுவதில் தான் சர்வதேச உறவுகள் உருவாகின்றன என்றும் அவர் கூறினார்.
இந்தியாவில் 9 விமான நிலையங்களில் செயல்படும், துருக்கியைச் சேர்ந்த Celebi Aviation Pvt Ltd என்னும் நிறுவனம் தொடர்பான பாதுகாப்பு உரிமத்தை இந்திய புனைவிமான பாதுகாப்புத் துறை ரத்து செய்த விவகாரத்தையும், துருக்கி தூதரகத்துடன் விவாதித்திருப்பதாக ஜெயஸ்வால் உறுதிப்படுத்தினார்.
“Celebi விவகாரம் துருக்கி தூதரகத்துடன் பேசப்பட்டுள்ளது. இந்த முடிவு புனைவிமான பாதுகாப்புத்துறை எடுத்தது. இதை நேரடியாக அரசியல் அல்லது பாதுகாப்பு சூழ்நிலை தொடர்பாக இணைத்து பார்க்க முடியாது,” எனவும் அவர் தெரிவித்தார்.
பாகிஸ்தான் மற்றும் பாகிஸ்தான் ஆக்கிரமித்த காஷ்மீரில் இந்தியா மேற்கொண்ட தீவிரவாத எதிர்ப்பு நடவடிக்கைகளை தொடர்ந்து விமர்சித்து வரும் துருக்கியின் நிலைப்பாடு, இருநாடுகளுக்கிடையேயான பதற்றத்தை அதிகரித்திருக்கிறது. மேலும், துருக்கி பாகிஸ்தானுக்கு டிரோன்கள் வழங்கியதும் சமீபத்திய இராணுவ மோதல்களில் அவை பயன்படுத்தப்பட்டதாக தகவல்கள் தெரிவிக்கின்றன.
பாகிஸ்தானுக்கு ஆதரவு கொடுத்து இந்தியாவை பகைத்துக் கொண்ட துருக்கி நாட்டிற்கு இந்தியா தற்போது ஒரு வாய்ப்பை அளித்துள்ளது. இந்தியா – துருக்கி இடையிலான கோடிக்கணக்கான மதிப்புள்ள வர்த்தகம் தொடர வேண்டும் என்றால், துருக்கி நிறுவனங்கள் தடை செய்யப்பட்டுள்ள நிலையில் அந்த தடை நீக்க வேண்டும் என்றால், பாகிஸ்தானின் தீவிரவாதத்தை கண்டிக்க வேண்டும் என்று ஒரு வாய்ப்பை இந்தியா துருக்கிக்கு வழங்கி உள்ளது.
இந்த வாய்ப்பை பயன்படுத்திக் கொண்டே துருக்கி புத்திசாலித்தனமாக செயல்படுமா? அல்லது பிடிவாதமாக தீவிரவாதத்திற்கு ஆதரவு கொடுத்து பொருளாதார ரீதியில் மிகப்பெரிய அளவில் சரிவை சந்திக்குமா என்பது துருக்கி ஆட்சியாளர்களின் கையில் தான் உள்ளது .
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
