தமிழக அரசியல் வரலாற்றில் இதுவரை கண்டிராத ஒரு மாபெரும் ஜனநாயக புரட்சியை கடந்த சட்டமன்ற தேர்தல் களம் நமக்கு காட்டடியுள்ளது. சுமார் 1.75 கோடி வாக்காளர்கள் தங்களின் எதிர்கால நம்பிக்கையாக நடிகர் விஜய்யை ஏற்று, அவரது ‘தமிழக வெற்றி கழகத்திற்கு’ பேராதரவை வழங்கி அவரை தமிழகத்தின் முதலமைச்சராக அரியணையில் அமர்த்தியுள்ளனர். இது ஏதோ தற்செயலாக நடந்த ஒன்றல்ல, பல தசாப்தங்களாக தமிழகத்தை மாறி மாறி ஆண்டு வந்த பாரம்பரிய திராவிடக் கட்சிகளின் மீது மக்கள் கொண்ட அதிருப்தியின் வெளிப்பாடே இந்த பிரம்மாண்டமான தேர்தல் வெற்றியாகும்.
இருப்பினும், இந்த அசாத்தியமான மக்கள் தீர்ப்பை இன்னும் திமுக தலைவர்களாலும், திமுக தொண்டர்கள் மற்றும் நிர்வாகத்தினராலும் ஏற்றுக்கொள்ள முடியாமல் தவித்து வருவதை நாம் பார்க்க முடிகிறது. தாங்கள் ஏதோ இன்னும் பழைய காலத்து ராஜா பரம்பரையில் இருந்து வந்ததை போலவும், மக்களாட்சியில் மக்களின் வாக்குக்கு மதிப்பே இல்லாதது போலவும் அவர்கள் பேசி வருகிறார்கள். “இந்த ஆட்சி இன்னும் 3 மாதத்தில் கவிழ்ந்துவிடும், அதிகபட்சம் 6 மாதத்தில் கவிழ்ந்துவிடும், நாங்கள்தான் மறுபடியும் கோட்டைக்கு வந்துவிடுவோம்” என்று எந்தவிதமான அரசியல் புரிதலும் இல்லாமல், காலாவதியான கருத்துக்களை அவர்கள் பொதுவெளியில் உதிர்த்து வருகிறார்கள்.
ஜனநாயகத்தில் மக்கள் அளிக்கும் தீர்ப்பை விடவும் பெரிய சக்தி எதுவும் இல்லை என்ற எதார்த்தத்தை இந்த தலைவர்கள் முழுமையாக மறந்துவிட்டனர். தற்போதைய கள நிலவரத்தின்படி, பல ஆண்டுகால அரசியல் அனுபவம் கொண்ட ஒரு ‘சிட்டிங் சிஎம்’ தேர்தலில் படுதோல்வி அடைந்துள்ளார் என்பதும், ஒரு புதிய கட்சி தேர்தல் களத்திற்கு வந்த மிகக்குறுகிய காலத்திலேயே மக்களின் பேராதரவோடு வென்று ஆட்சியை பிடித்துள்ளது என்பதும் சாதாரண விஷயமல்ல. இந்த மாபெரும் அரசியல் மாற்றத்தை வெறும் ‘சினிமா கவர்ச்சி’ என்று சுருக்கி பார்ப்பது, தங்களுக்கு வாக்களித்த ஒட்டுமொத்த தமிழக மக்களையும், அவர்களின் அறிவுசார்ந்த தேர்வையும் கேலி செய்வதற்கு சமமானதாகும்.
தமிழக மக்கள் ஒன்றும் விவரம் தெரியாதவர்கள் அல்ல; சினிமா கவர்ச்சியால் மட்டுமே இரண்டு பலம் வாய்ந்த திராவிட கட்சிகளையும் இவ்வளவு எளிதாக வீழ்த்திவிட முடியாது என்ற அடிப்படை அரசியல் அறிவு கூட இல்லாமல் பாரம்பரிய கட்சிகள் பேசுவதுதான் வேடிக்கையாக உள்ளது. பல தசாப்தங்களாக கட்டமைக்கப்பட்ட வாக்கு வங்கிகளையும், வலுவான உள்கட்டமைப்புகளையும் கொண்ட திமுக, அதிமுக ஆகிய இரு கட்சிகளையும் ஒரு புதிய கட்சி வீழ்த்தியிருக்கிறது என்றால், அதற்கு பின்னால் மக்களின் மிகப்பெரிய மாற்றத்திற்கான தாகமும், புதிய தலைவனுக்கான எதிர்பார்ப்பும் இருக்கிறது என்பதை இவர்கள் புரிந்து கொள்ள மறுக்கிறார்கள்.
இத்தகைய சூழலில், மக்களின் பேராதரவோடு தேர்ந்தெடுக்கப்பட்ட ஒரு அரசை தொடர்ந்து அவமதிப்பதும், குறுகிய காலத்திற்குள் ஆட்சி கவிழ்ந்துவிடும் என்று பகல் கனவு காண்பதும் இவர்களின் அரசியல் அறியாமையையே காட்டுகிறது. 1.75 கோடி மக்களின் வாக்குகளை பெற்று, முறைப்படி தேர்ந்தெடுக்கப்பட்ட முதலமைச்சரையும், அவரது மக்கள் ஆதரவையும் கொச்சைப்படுத்தி பேசுபவர்களை பார்க்கும்போது, “இப்ப சொல்லுங்க, உண்மையிலேயே அரசியல் புரிதல் இல்லாத தற்குறி யாரு?” என்ற மிக நியாயமான கேள்வி பொதுமக்கள் மத்தியிலும், நடுநிலையாளர்கள் மத்தியிலும் பலமாக எழுந்துள்ளது.
முடிவாக, தமிழக அரசியல் களம் தற்பொழுது ஒரு புதிய பாதையில் பயணிக்க தொடங்கிவிட்டது என்பதை பழைய அரசியல் சக்திகள் உணர்ந்து கொள்ள வேண்டிய தருணம் இதுவாகும். மக்களின் தீர்ப்பை மதித்து, ஆரோக்கியமான எதிர்க்கட்சியாக செயல்படுவதை விடுத்து, இன்னும் பழைய அதிகார மமதையில் ஆட்சி கவிழும் என்று பேசுவது அவர்களின் எஞ்சியிருக்கும் அரசியல் செல்வாக்கையும் காலி செய்துவிடும். 1.75 கோடி மக்களின் அரணோடு நிமிரும் விஜய் அரசு, இத்தகைய தேவையற்ற விமர்சனங்களை தங்களின் தூய்மையான நிர்வாகத்தின் மூலம் முறியடித்து, தமிழகத்தை ஒரு புதிய பொற்காலத்தை நோக்கி வழிநடத்தும் என்றே மக்கள் நம்புகிறார்கள்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
