தமிழக அரசியல் வரலாற்றில் நீண்ட காலம் ஆட்சிக் கட்டிலில் இருந்த ஒரு கட்சி, தங்களின் அத்தனை ஆண்டுகால தோல்விகளையும் மூடிமறைக்க நினைப்பது வேடிக்கையானது. தமிழ்நாட்டை ஏறத்தாழ 30 ஆண்டுகள் ஆட்சி செய்த பெருமையைக் கொண்டாடும் திமுக, இத்தனை தசாப்தங்களாக இந்த மாநிலத்தை முன்னேற்ற பாதைக்கு கொண்டு செல்லாமல் என்ன செய்து கொண்டிருந்தது என்ற நியாயமான கேள்வி சாமானிய மக்கள் மத்தியில் தற்பொழுது ஓங்கி ஒலிக்க தொடங்கியுள்ளது. ஒரு மாநிலத்தை முப்பது ஆண்டுகளுக்கும் மேலாக ஆளுவதற்கு ஒரு கட்சிக்கு வாய்ப்பு கிடைப்பது என்பது சாதாரண விஷயமல்ல. ஆனால், இவ்வளவு நீண்ட கால அவகாசம் கிடைத்தும் இன்னும் தமிழ்நாட்டில் தீர்க்கப்படாத எத்தனையோ அடிப்படை பிரச்சினைகளும், நிர்வாக சீர்கேடுகளும் அப்படியேதான் நீடிக்கின்றன.
முப்பது ஆண்டுகள் தமிழ்நாட்டை ஆட்சி செய்த இவர்களுக்கே இந்த மாநிலத்தின் சிஸ்டத்தை சரிசெய்யவும், கடனை அடைக்கவும், மக்களுக்கு தேவையான முழுமையான உள்கட்டமைப்பை உருவாக்கவும் இன்னும் காலம் பத்தவில்லை என்றுதான் சொல்ல வேண்டும். பல தலைமுறைகளாக ஆட்சி அதிகாரத்தில் இருந்தும், இன்னும் அரசு துறைகளில் நிலவும் ஊழல்களையோ, முறைகேடுகளையோ இவர்களால் முற்றிலும் ஒழிக்க முடியவில்லை. பல அரசு திட்டங்கள் இன்னும் தகுதியான அடிமட்ட மக்களை சென்றடையாமல் முடங்கி கிடக்கின்றன. இத்தனை ஆண்டுகால நிர்வாக குளறுபடிகளையும், சீரழிவுகளையும் அப்படியே விட்டுவிட்டு, தற்பொழுது புதிதாக ஒரு மாற்று அரசியல் ஆட்சிப் பொறுப்பேற்றவுடன் அத்தனையையும் ஒரே நாளில் மாற்றிவிட வேண்டும் என்று நெருக்குவது எந்த வகையில் நியாயம்?
தமிழக வரலாற்றில் ஒரு மிகப்பெரிய அரசியல் மாற்றத்தை ஏற்படுத்தி, மக்கள் பேராதரவோடு தற்பொழுது தவெக அரசு புதிய நிர்வாக பொறுப்பை ஏற்றுள்ளது. ஆட்சிக்கு வந்து மிக குறுகிய காலமே ஆகியுள்ள நிலையில், அதற்குள்ளாகவே ‘கொடுத்த வாக்குறுதி அனைத்தையும் உடனடியாக நிறைவேற்று’, ‘ஒரே நாளில் மேஜிக் செய்து காட்டு’ என்று எதிர்க்கட்சிகள் கூச்சல் போடுவது அவர்களின் சுயநல அரசியலையே காட்டுகிறது. முந்தைய ஆட்சியாளர்கள் முப்பது ஆண்டுகளாக போட்டு வைத்த குளறுபடிகளையும், முடக்கி வைத்த சிஸ்டத்தையும் சரி செய்வதற்கே புதிய அரசுக்கு நிச்சயம் தகுந்த கால அவகாசம் தேவைப்படும் என்பதைச் சாமானிய மக்கள் தற்பொழுது எதார்த்தமாக புரிந்து வைத்துள்ளனர்.
இதனை விளக்குவதற்கு எளிய மக்கள் பயன்படுத்தும் உதாரணங்கள் மிகவும் எதார்த்தமானவை. ஒரு பெண் முழுமையாக பத்து மாதங்கள் கருவை சுமந்தால் மட்டும்தான் ஒரு குழந்தையை பெற்றெடுக்க முடியும். அதை விடுத்து, ‘உடனே குழந்தையை பெற்றுக் கொடு’ என்று கட்டாயப்படுத்தினால் அது எப்படி சாத்தியமற்றதோ, அதேபோல்தான் புதிய அரசின் திட்டங்களும் ஆகும். பல வருடங்களாக முடங்கி கிடந்த அரசுத் துறைகளையும், முந்தைய ஆட்சியாளர்களின் குளறுபடிகளையும் சீரமைத்து, புதிய திட்டங்களை அடிமட்ட மக்களுக்குக் கொண்டு சேர்க்க அரசாங்கத்திற்கும் அதன் தலைமைக்கும் உரிய கால அவகாசம் வழங்கப்பட வேண்டும் என்பதுதான் நடுநிலையான மக்களின் கருத்தாக உள்ளது.
அரசு அறிவித்த நிதியுதவிகள் அல்லது திட்டங்கள் தங்களின் கைகளுக்கு உடனடியாக வந்து சேரவில்லை என்பதற்காக மக்கள் தங்களின் பொறுமையை இழந்துவிடவில்லை. ‘அரசு கொடுப்பதாக சொன்ன பணத்தை உடனே கொடுக்கவில்லை என்பதால், இங்கு மக்கள் யாரும் அவசரமாக செத்துப்போய்விட மாட்டார்கள்’ என்று மக்கள் தங்களின் எதார்த்த நிலையை பேசுகிறார்கள். இந்த புதிய அரசு ஆட்சிக்கு வருவதற்கு முன்னால் மக்கள் எப்படித் தங்களின் அன்றாட உழைப்பை நம்பி, சுயமரியாதையோடு வாழ்ந்து வந்தார்களோ, அதேபோல்தான் தற்போதும் தங்களின் வாழ்க்கையை தொடர்ந்து நகர்த்தி கொண்டிருக்கிறார்கள். எளிய மக்களின் இந்த முதிர்ச்சியான அணுகுமுறை, வெறும் இலவசங்களை மட்டுமே நம்பி மக்கள் ஓட்டுப் போடுவதில்லை என்பதை மீண்டும் ஒருமுறை நிரூபித்துக் காட்டியுள்ளது.
இறுதியாக, தங்களின் முப்பது ஆண்டுகால ஆட்சியில் தமிழ்நாட்டின் பல துறைகளை பின்னோக்கி இழுத்து சென்றவர்கள், தற்பொழுது தளபதி விஜய் அவர்களின் தலைமையிலான புதிய அரசுக்கு ஆரம்ப காலத்திலேயே தேவையற்ற அழுத்தங்களை கொடுக்க பார்க்கிறார்கள். ஆனால், அரசாங்கத்தின் பின்னணியையும், நிர்வாச் சிக்கல்களையும் நன்கு உணர்ந்த வாக்காளர்கள், இத்தகைய அரசியல் சூழ்ச்சிகளுக்கு பலியாகத் தயாராக இல்லை. ஆரம்பக் காலத்திலேயே நெருக்குதல்களைக் கொடுத்துக் கெட்ட பெயர் ஏற்படுத்த நினைக்கும் எதிர்க்கட்சிகளின் பிரச்சாரங்களை முறியடித்து, ஒரு நல்லாட்சியை வழங்குவதற்குக் கட்சிப் பாகுபாடின்றி அனைவரும் புதிய அரசுக்கு ஒத்துழைப்பு வழங்க வேண்டும் என்ற எண்ணமே ஓங்கி நிற்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
