இந்திய ராணுவத்துக்கு சொந்தமான முக்கியமான தடுப்புத்தளங்கள் மீதும், ஜம்மு காஷ்மீரின் மூன்று மாவட்டங்களில் அதாவது ஜம்மு, உதம்பூர் மற்றும் சம்பா பகுதிகளில் பல ட்ரோன்கள் பறந்ததை பாதுகாப்புத்துறையினர் கண்டறிந்துள்ளனர். இது தொடர்பாக வான்வழி பாதுகாப்பு அமைப்புகள் செயல்படுத்தப்பட்டு, ட்ரோன்கள் தடுப்பு நடவடிக்கைகளின் மூலம் தாக்கி அழிக்கப்படுகின்றன.
இந்த ட்ரோன்கள் BSF மற்றும் Northern Army Command-இன் தடுப்புத்தளங்கள் மேல் வந்துள்ளன. மேலும், வேதனையளிக்கவைக்கும் செய்தி என்னவெனில், கண்காணிப்பு ட்ரோன்கள் மட்டுமின்றி ஆயுதம் ஏந்திய ட்ரோன்களும் இந்திய பாதுகாப்புப் படைகள் மூலம் கண்டறியப்பட்டுள்ளன.
BSF வீரர்கள் உடனடியாக ட்ரோன்களை நோக்கி துப்பாக்கிச்சூடு நடத்தினர். ஜம்முவில் உள்ள RS புரா மற்றும் மர்ஹ் பகுதிகள், உதம்பூர் மற்றும் சம்பா உள்ளிட்ட இடங்களில் பல இடங்களில் ட்ரோன் நடவடிக்கை பதிவாகியுள்ளது.
இந்திய ராணுவத்தின் வான்வழி பாதுகாப்பு அமைப்புகள் முழு அளவில் செயல்படுத்தப்பட்டு, ட்ரோன்கள் போன்ற வான்வழி அச்சுறுத்தல்களை புலனறிந்து, விரைவாக நாசப்படுத்துகின்றன. இது பாதுகாப்பு முன்னெச்சரிக்கைக்காக எடுக்கப்பட்ட கட்டுப்பாடாகும்.
அம்ரித்சரில், பாதுகாப்பு நடவடிக்கையாக, பொதுமக்கள் விளக்குகளை அணைத்து வைக்குமாறு அறிவுறுத்தப்பட்டுள்ளனர். மாவட்ட ஆட்சியர் இதுகுறித்து வெளியிட்டுள்ள அறிவிப்பில்:
“சைரன் ஒலிக்கக்கூடும். எச்சரிக்கை நடவடிக்கையாக பிளாக்அவுட் செய்கிறோம். தயவுசெய்து விளக்குகளை அணைத்து ஜன்னல்களில் இருந்து விலகுங்கள். அமைதியாக இருங்கள், மின்சாரம் எப்போது திரும்பும் என்பதை அறிவிப்போம். பரபரப்பாக வேண்டாம். இது முன்னெச்சரிக்கைக்காக மட்டுமே.” என்று தெரிவித்துள்ளார்.
ட்ரோன் நடவடிக்கை பஞ்சாபின் ஜலந்தர் மற்றும் அம்ரித்சர் பகுதிகளிலும் பதிவாகியுள்ளது. இங்கும் மின்சாரம் துண்டிக்கப்பட்டுள்ளது. 25-க்கும் மேற்பட்ட ட்ரோன்கள் ஜம்முவின் RS புரா, மர்ஹ், சம்பா, உதம்பூர் உள்ளிட்ட நான்கு இடங்களில் பறந்தன என தெரிவிக்கப்படுகிறது. ஆனால், சம்பாவில் கடந்த 15 நிமிடங்களாக புதிய ட்ரோன் இயக்கம் இல்லை என கூறப்படுகிறது.
வைக்ஷ்ணோ தேவி பவனிலும் யாத்திரை பாதையிலும் பிளாக்அவுட் அமல்படுத்தப்பட்டுள்ளது. யாத்திரையாளர்கள் அமைதியாக இருக்கவும், பாதுகாப்புப் படைகளின் அறிவுரைகளை பின்பற்றவும் என கேட்டுக்கொள்ளப்பட்டுள்ளது.
இந்திய ராணுவம் மற்றும் பாதுகாப்பு அமைப்புகள், தங்களின் கட்டுப்பாட்டில் அனைத்து நடவடிக்கைகளையும் மேற்கொண்டு வருகின்றன. அபாயங்களை தவிர்க்க முன்னெச்சரிக்கை நடவடிக்கைகள் தீவிரமாக மேற்கொள்ளப்பட்டுள்ளன. நிலைமையை அவர்கள் தீவிரமாக கண்காணித்து வருகின்றனர்.
மேலும் தகவல்கள் வரும்வரை, நிலைமை குறித்து அரசு விழிப்புடன் செயல்படுகிறது.