26/11 மும்பை பயங்கரவாத தாக்குதலின் முக்கிய சதிகாரர் என கருதப்படும் தஹாவூர் ராணா, இந்திய அதிகாரிகளிடம் அதிகாரப்பூர்வமாக அமெரிக்கா ஒப்படைத்துள்ளது.
இந்த ஒப்படைக்கும் பணி ஒரு பாதுகாப்பான இடத்தில் நடைபெற்றதாகவும், ஒப்படைக்கும்போது ராணா ஒரு பழுப்புநிற ஆடை அணிந்திருந்ததாகவும், அதுமட்டுமின்றி இடுப்பும் கால்களும் சங்கிலியால் கட்டப்பட்டிருந்த நிலையில், இந்திய வெளிநாட்டு அமைச்சகத்தின் பிரதிநிதிகளிடம் அமெரிக்கா மர்ஷல்களால் ஒப்படைக்கப்பட்டதாகவும் செய்தி வெளியாகியுள்ளது.
16 ஆண்டுகளுக்குப் பிறகு இந்தியாவுக்கு கடத்தப்பட்ட ராணா லாஸ் ஏஞ்சலஸிலிருந்து சிறப்பு விமானத்தில் புறப்பட்டு, NIA, மற்றும் NSG உடன் இந்தியா கொண்டு வரப்பட்டார். அவரது அனைத்து சட்டரீதியிலான மேல்முறையீடுகளும் நிராகரிக்கப்பட்ட பின்னர் இந்த ஒப்படைப்பு நடைப்பெற்றது.
இந்த வெற்றிகரமான நடவடிக்கை, இந்திய வெளிநாட்டு அலுவல்கள் அமைச்சகம், உள்துறை அமைச்சகம் மற்றும் அமெரிக்க நீதி துறை, FBI மற்றும் US Marshals போன்ற அமெரிக்க நிர்வாகத்தின் ஒத்துழைப்பால் சாத்தியமானதாகும்.
இந்தியாவிற்கு வந்தவுடன், NIA அதிகாரிகளால் ராணா கைது செய்யப்பட்டு சிறப்பு நீதிமன்றத்தில் ஆஜர்படுத்தப்பட்டார். நீதிமன்றம், அவரை 18 நாட்கள் காவலில் வைக்க அனுமதி அளித்தது.
இந்த தாக்குதலின் முழுமையான சதி பிணைப்புகளை, குறிப்பாக டேவிட் ஹெட்லி மற்றும் பாகிஸ்தானில் உள்ள இயக்குநர்களுடன் ராணாவிற்குள்ள தொடர்புகளை வெளிக்கொணர, காவல் விசாரணை முக்கியமானதாக இருக்கும் என NIA தெரிவித்துள்ளது.
டேவிட் ஹெட்லி மற்றும் ராணா இடையே நடந்த மின்னஞ்சல் மற்றும் டிஜிட்டல் தகவல்களை ஆதாரமாகச் சமர்ப்பித்து, ராணாவிடம் விசாரணை நடைபெறும் என கூறப்படுகிறது.
ராணாவின் ஒப்படைப்பு, இந்திய அரசுக்கும் உளவுத்துறை அமைச்சகத்திற்கும் பயங்கரவாதத்துக்கு எதிரான போரில் ஒரு முக்கிய வெற்றியாகும். இந்தியா-அமெரிக்கா ஒப்படைப்பு ஒப்பந்தத்தின் கீழ், ராணா அமெரிக்க காவலில் இருந்த நிலையில், தற்போது இந்தியா கொண்டு வரப்பட்டு விசாரணைக்கு உட்படுத்தப்படுகிறார்.
மேலும், ராணா, இந்தியாவில் தடைசெய்யப்பட்ட பயங்கரவாத அமைப்புகள் லஷ்கர்-ஏ-தொய்பா மற்றும் ஹர்கத் உல் ஜிஹாத் இஸ்லாமி ஆகியவற்றுடன் தொடர்புடையவராக சந்தேகிக்கப்படுகிறார். இந்த அமைப்புகள், இந்தியாவில் தடைசெய்யப்பட்டவை என்பது குறிப்பிடத்தக்கது.
