இந்த வழக்கில் குற்றம்சாட்டப்பட்டவர் டாக்டர் சஷிகாந்த் தேஷ்பாண்டே, அப்போது லத்தூர் உட்கீர் அரசு மருத்துவமனையில் கூடுதல் மாவட்ட மருத்துவராக பணியாற்றியவர். அவர் கோவிட் பராமரிப்பு மையத்தில் பணியாற்றிய டாக்டர் சஷிகாந்த் டாங்கே ஆகியோருக்கு இடையிலான பேச்சு குறித்த ஆடியோ கிளிப் சமீபத்தில் சமூக ஊடகங்களில் வெளியாகியுள்ளது.
இந்த ஆடியோ கிளிப், 2021-ம் ஆண்டு கோவிட்-19 உச்சகட்டத்தில் மருத்துவமனைகள் நோயாளிகளால் நிரம்பி, மருத்துவ உபகரணங்கள் பற்றாக்குறை ஏற்பட்டிருந்த சமயத்தில் பதிவு செய்யப்பட்டதாக கூறப்படுகிறது.
இந்த ஆடியோவில் டாக்டர் தேஷ்பாண்டே கூறியதாகக் கூறப்படுவது: “அங்கே யாரையும் உள்ளே அனுமதிக்காதீங்க, அந்த கொரோனாவால் பாதிக்கப்பட்ட பெண்ணை கொன்று விடுங்கள்’ என்றார். இதற்கு பதிலளிக்கும் இன்னொரு டாக்டர் ஆக்சிஜன் அளவு ஏற்கனவே குறைக்கப்பட்டுள்ளது என பதிலளிக்கிறார்.
இந்த ஆடியோவின் அடிப்படையில் கொரோனா நோயாளியின் கணவர் அளித்த புகாரின் அடிப்படையில், மே 24-ம் தேதி உட்கீர் நகர போலீசார் டாக்டர் தேஷ்பாண்டே மீது வழக்குப்பதிவு செய்தனர்.
போலீசார் டாக்டர் தேஷ்பாண்டேவின் செல்போனை பறிமுதல் செய்துள்ளதுடன், அவருக்கு நோட்டீஸ் அனுப்பி, அவரது அறிக்கையை பதிவு செய்து வருகின்றனர் என இன்ஸ்பெக்டர் தெரிவித்தார். மேலும், இந்த ஆடியோ கிளிப் உண்மையானதா எனவும் போலீசார் சோதனை மேற்கொண்டு வருகின்றனர்.
அந்த ஆடியோவில் உள்ள இன்னொரு டாக்டருக்கும் போலீசார் நோட்டீஸ் அனுப்பியுள்ளனர். அவரது செல்போனையும் பறிமுதல் செய்து விசாரணை நடத்தப்படும்,” என இன்ஸ்பெக்டர் கூறினார்.
FIR-இன் அடிப்படையில், 2021-ம் ஆண்டு கொரோனா தொற்றின் போது, புகார் அளித்தவரின் மனைவி காவ்சர் பாதிமா என்பவர் கோவிட்-19 பரிசோதனையில் இருந்தார். 2021 ஏப்ரல் 15ஆம் தேதி அன்று, அவர் உட்கீர் அரசு மருத்துவமனையில் அனுமதிக்கப்பட்டார். அங்கு அவருக்கு கோவிட் சிகிச்சை அளிக்கப்பட்டு வந்தது. அந்த மையத்தில் டாக்டர் டாங்கே கோவிட் நோயாளிகளை சிகிச்சை அளித்து வந்தார்.
அந்த பெண் 10 நாட்கள் மருத்துவமனையில் அனுமதிக்கப்பட்டிருந்தார். சிகிச்சை ஆரம்பித்தே ஏழாவது நாளில், அவருடைய கணவர் டாக்டர் உணவு சாப்பிட்டு கொண்டிருந்த போது தனது மனைவிக்கு சிகிச்சை அளிக்குமாறு அழைத்தார். அந்த சமயத்தில் தான் அந்த ஆடியோ உரையாடல் ஏற்பட்டதாக தெரிகிறது.
அச்சமயம், டாக்டர் டாங்கே, டாக்டர் தேஷ்பாண்டேவின் அழைப்பை பெற்ற போது, பேச்சை ஸ்பீக்கரில் வைத்து தொடர்ந்தார்.
அப்போது, டாக்டர் தேஷ்பாண்டே படுக்கைகள் பற்றிய விவரங்களை கேட்டறிந்தார். டாக்டர் டாங்கே படுக்கை இடமில்லை என கூறியதற்கு பதிலளிக்கும்போது, கொரோனா நோயாளிகள் சிலரை கொன்றுவிடு என கூறியதோடு, சாதி, மத தொடர்பான அவமதிக்கும் வார்த்தைகளையும் பயன்படுத்தியதாக புகார் கூறுபவர் தெரிவித்துள்ளார்.
அந்த நேரத்தில், அவரது மனைவி சிகிச்சை பெற்று வந்ததால், அவர் இது குறித்து எதுவும் பேசவில்லை. சில நாட்களுக்குப் பிறகு, அவரது மனைவி குணமடைந்து வெளியேறினார்.
இந்நிலையில், மே 2, 2025 அன்று, அந்த ஆடியோ சமூக ஊடகங்களில் பரவியது. அதில் உள்ள பேச்சு மற்றும் சாதி தொடர்பான அவமதிக்கும் வார்த்தைகள், அவரது மத உணர்வுகளை இழிவுபடுத்தியதாக கூறி அவர் போலீசில் புகார் அளித்துள்ளார்.
