பாஜகவை சேர்ந்த அமித் மால்வியா மற்றும் ரிபப்ளிக் தொலைக்காட்சியின் முதன்மை ஆசிரியர் அர்ணாப் கோஸ்வாமியின் மீது காங்கிரஸ் போலீசில் வழக்கு பதிவு செய்துள்ளது. காங்கிரசுக்கு துருக்கியில் அலுவலகம் உள்ளது என தவறான, தீய உள்நோக்கமுள்ள தகவல்களை பரப்பியதாக இவர்கள்மீது குற்றஞ்சாட்டப்பட்டுள்ளது. அந்த பதிவில், “பாராளுமன்ற எதிர்க்கட்சி தலைவர் பதவிக்கும்” அவமதிப்பு ஏற்படுத்தியதாகவும் கூறப்பட்டுள்ளது.
இது பற்றி காங்கிரஸ் சட்ட பிரிவில் உள்ளவர்கள் கூறியபோது, “இது எங்கள் கட்சியையும், நாடு மற்றும் ஜனநாயகத்தையும் அவமதிக்க, குழப்பம் ஏற்படுத்த, தேசிய பாதுகாப்பை பாதிக்க செய்யும் ஒரு தீய உள்நோக்கமுள்ள முயற்சி” என்று தெரிவித்துள்ளனர்.
“நாங்கள் அமைதியாக இருக்கப்போவதில்லை,” என்றும், “எங்கள் கட்சி அல்லது அதன் தலைமையை குறித்தான போலியான செய்திகளை பரப்பும் எந்த முயற்சியும், கடுமையான சட்ட நடவடிக்கையுடனும், அரசியல் எதிரொலியுடனும் சந்திக்க நேரிடும்,” என்றும் Xல் வெளியிட்டுள்ள பதிவில் கூறப்பட்டுள்ளது.
தங்களின் புகாரில், “துருக்கியில் உள்ள இஸ்தான்புல் காங்கிரஸ் சென்டர் என்பது இந்திய தேசிய காங்கிரசின் அலுவலகம் என்று போலியான குற்றச்சாட்டை அமித் மால்வியா மற்றும் அர்ணாப் கோஸ்வாமி பரப்பத் தொடங்கியுள்ளனர்” என்று காங்கிரஸ் குற்றம் சாட்டியுள்ளது.
“இந்தச் செயல், இந்திய மக்களை ஏமாற்ற, ஒரு பெரிய அரசியல் கட்சி மீது பழி போட செய்ய, தேசிய உணர்வுகளைத் திசைதிருப்ப, கலவரம் தூண்டும் வகையில், நாட்டின் பாதுகாப்பையும் ஜனநாயகத்தையும் பாதிக்கும் நோக்கத்துடன் திட்டமிட்டு மேற்கொள்ளப்பட்டது” என்றும் தெரிவிக்கப்பட்டுள்ளது.
மேலும், “தீய நோக்கத்துடன் கூடிய, சட்டவிரோதமான, மோசமான பிரச்சாரத்தை திட்டமிட்டும் இயக்கியும், திருத்தி அமைக்கப்பட்ட போலித் தகவல்களை பரப்பியதற்காக இவர்களுக்கு எதிராக குற்றச்சாட்டுகள் உள்ளதாகவும் கூறப்பட்டுள்ளது.
‘ஆபரேஷன் சிந்தூர்’ என்னும் இந்திய இராணுவ நடவடிக்கையின் போது பாகிஸ்தானுக்கு ஆதரவு தெரிவித்ததிலிருந்து துருக்கிக்கு எதிரான மக்களுடைய மனநிலை இந்தியாவில் கடுமையாக மாறியுள்ளது.
இதையடுத்து, துருக்கிக்கு செல்லும் விமான டிக்கெட் முன்பதிவுகள் ரத்து செய்யப்பட்டுள்ளன; பல பல்கலைக்கழகங்கள் துருக்கி நிறுவனங்களுடன் உள்ள ஒப்பந்தங்களை நிறுத்தியுள்ளன;
இத்தகைய சூழலில் காங்கிரஸ் கட்சிக்கு துருக்கியில் அலுவலகம் இருப்பது போன்ற தவறான பிரச்சாரம் செய்யப்பட்டுள்ளதாக காங்கிரஸ் கூறியுள்ளது. “இந்த திட்டமிட்ட பிரச்சாரம் ஒரு சாதாரண நெறிமுறை தவறல்ல, மாறாக, நாட்டில் குழப்பத்தை ஏற்படுத்த செய்யும் சதியாகும். இந்தச் செயல்களில், அமித் மால்வியா ஒரு முக்கிய அரசியல் யோசனையாளர் என்ற நிலையில், அர்ணாப் கோஸ்வாமி ஒரு முக்கிய ஊடகவியலாளராக தனது செல்வாக்கை தவறாக பயன்படுத்தியுள்ளனர். பொதுமக்கள் பாதுகாப்பு மற்றும் தேசிய நலனுக்கு எதிரான கடுமையான தாக்குதலாகும்,” என இந்த விவகாரத்தில் பதிவு செய்யப்பட்ட முதல் தகவல் அறிக்கையில் குறிப்பிடப்பட்டுள்ளது.
