தமிழக போக்குவரத்து துறையில் பெண்களின் பாதுகாப்பை உறுதி செய்யும் நோக்கில், தற்பொழுது காவல்துறை மற்றும் அரசு இணைந்து பல்வேறு அதிரடி நடவடிக்கைகளை எடுத்து வருகின்றன. குறிப்பாக, பேருந்துகளில் பயணம் செய்யும் பெண் பயணிகள் எவ்வித அச்சமும் இன்றி, பாதுகாப்பாக தங்களின் இலக்கைச் சென்றடைவதை முதன்மை நோக்கமாகக் கொண்டு ‘சிங்கப்பெண்’ என்ற சிறப்புப் பெண் காவலர் படைப் பிரிவு தீவிரமாக செயல்பட்டு வருகிறது.
பேருந்துகளிலேயே நேரடியாக ஏறி, பெண் பயணிகளிடமும், பேருந்து நடத்துனர் மற்றும் ஓட்டுனர்களிடமும் விழிப்புணர்வை ஏற்படுத்தும் இவர்களின் இந்த புதிய முயற்சி பொதுமக்கள் மத்தியில் பெரும் வரவேற்பை பெற்றுள்ளது. பெண்கள் தங்களுக்கு பேருந்துகளில் ஏதேனும் அச்சுறுத்தலோ அல்லது அநாகரிகமான செயல்களோ நேர்ந்தால், சற்றும் தயங்காமல் உடனடியாகத் தங்களை அணுகலாம் என்றும், அவர்களுக்கான உடனடித் தீர்வை வழங்குவதே தங்களது முக்கிய நோக்கம் என்றும் பெண் காவலர்கள் நெகிழ்ச்சியோடு எடுத்துரைத்து வருகின்றனர்.
அண்மையில் நடைபெற்ற அரசு விழாவில், மாண்புமிகு முதலமைச்சர் அவர்கள் பெண்களின் பாதுகாப்பை நூறு சதவீதம் உறுதி செய்யும் நோக்கில் இந்த சிறப்புக் காவல் திட்டத்தை முறைப்படி தொடங்கி வைத்தார். பேருந்துகளில் பெண்கள் எதிர்கொள்ளும் அன்றாட பிரச்சனைகளான கேலி செய்தல், அநாகரிகமாக தொடுதல் மற்றும் மனரீதியான அச்சுறுத்தல்களுக்கு முற்றுப்புள்ளி வைப்பதே இத்திட்டத்தின் முக்கிய நோக்கமாகும்.
முதலமைச்சர் அறிமுகப்படுத்திய இந்த உன்னதமான திட்டத்தின் கீழ், சிங்கப்பெண் பெண் காவலர்கள் தினசரி பேருந்துகளில் ரோந்து பணிகளை மேற்கொண்டு வருகின்றனர். பெண்கள் பேருந்துகளில் பயணிக்கும்போது எந்தவொரு இக்கட்டான சூழ்நிலை ஏற்பட்டாலும், பயமோ தயக்கமோ இன்றி உடனடியாக தங்களுக்கு தகவல் தெரிவிக்க வேண்டும் என்றும், பெண்களின் பாதுகாப்பை எந்நேரமும் பாதுகாப்பது தான் தங்களின் மெயின் நோக்கம் என்றும் அவர்கள் மேடைகளிலும் பேருந்துகளிலும் முழங்கி வருகின்றனர்.
பேருந்துகளில் பணியாற்றும் நடத்துனர்கள் மற்றும் ஓட்டுனர்களுக்கு,ம், பயணிகளுக்கும் இந்த சிங்கப்பெண் காவலர்கள் வழங்கும் அறிவுரைகள் மிக ஆழமான சமூகப் பொறுப்பை உணர்த்துவதாக அமைந்துள்ளன. பேருந்தில் பயணம் செய்யும் ஒவ்வொரு பெண்ணையும் தங்களின் கூடப்பிறந்த அக்கா, தங்கச்சியாகவோ அல்லது தங்களின் தாயாகவோ நினைத்து மதிக்க வேண்டும் என்று அவர்கள் நடத்துனர்களிடம் அன்போடு கேட்டுக் கொள்கின்றனர். பொதுவாக, பெண்கள் அரசுப் பேருந்துகளில் ஏறும்போது அங்கு பாதுகாப்பு இருக்கும் என்ற அசைக்க முடியாத நம்பிக்கையோடுதான் வருகிறார்கள். அந்த நம்பிக்கையைக் காப்பாற்ற வேண்டியது பேருந்து ஊழியர்களின் தலையாய கடமையாகும். நமக்குத் தெரிந்து நம் குடும்பத்துப் பெண்களை யாராவது தவறாக நடத்தினால் நம்மால் பொறுத்துக் கொள்ள முடியாது, அதேபோலத்தான் பேருந்திற்குள் வரும் பெண்களையும் நாம் பார்க்க வேண்டும் என்ற மனிதநேயக் கருத்துக்கள் ஊழியர்கள் மத்தியில் பெரிய தாக்கத்தை ஏற்படுத்தி வருகின்றன.
பெண் பயணிகள் தங்களை நம்பி வரும்போது, அவர்களை எந்நேரமும் எவ்விதத்திலும் மிஸ்யூஸ் செய்யவே கூடாது என்பதில் பெண் காவலர்கள் மிகவும் உறுதியாக உள்ளனர். பேருந்து ஊழியர்களின் சிறிய அளவிலான தவறான அணுகுமுறை அல்லது அலட்சியமான நடத்தை கூட, அந்தப் பெண்களுக்குப் பேருந்து பயணத்தின் மீதே ஒருவித பயத்தையும், அருவருப்பையும் ஏற்படுத்திவிடும். இதனால் அவர்களின் தினசரி வாழ்வாதாரமும், கல்விப் பயணமும் பாதிக்கப்பட வாய்ப்புள்ளது. எனவே, நடத்துனர்கள் மற்றும் ஓட்டுனர்கள் எப்போதும் கண்ணியத்தோடு நடந்து கொள்ள வேண்டும் என்றும், பேருந்துக்குள் நடக்கும் தவறுகளைத் தட்டிக்கேட்கும் முதல் காவலராக அவர்கள் மாற வேண்டும் என்றும் சிங்கப்பெண் காவல்துறையினர் தொடர்ந்து வலியுறுத்தி வருகின்றனர்.
இந்த விழிப்புணர்வு பிரச்சாரங்களின் போது, சிங்கப்பெண் பெண் காவலர்கள் தங்களின் அவசர உதவி எண்களைப் பெண் பயணிகளிடம் பகிர்ந்து கொள்கின்றனர். எப்போது கூப்பிட்டாலும், எந்தப் பேருந்தில் இருந்தாலும், உடனடியாக சம்பவ இடத்திற்கு வந்து உங்களுக்கான தீர்வை நாங்க கண்டிப்பா கொடுப்போம் என்று அவர்கள் அளிக்கும் வாக்குறுதி பெண் பயணிகளுக்கு பேரிடியாக இருக்கும் பயத்தை போக்கி, ஒரு புதிய தைரியத்தை தந்துள்ளது. காவல்துறை என்பது வெறும் தண்டனை வழங்கும் அமைப்பு மட்டுமல்ல, அது தங்களின் பாதுகாப்பிற்கான ஒரு அரண் என்பதை பெண்கள் தற்பொழுது உணர்ந்து வருகின்றனர். இந்த சிங்கப்பெண் போலீசாரின் கனிவான பேச்சும், அதே நேரத்தில் தவறு செய்பவர்களுக்கு எதிரான இரும்புக் கர நடவடிக்கைகளும் தமிழகப் போக்குவரத்துத் துறையில் ஒரு புதிய மாற்றத்தைக் கொண்டு வந்துள்ளன.
இறுதியாக, பெண்களுக்கான பாதுகாப்பு என்பது வெறும் சட்டங்களினாலும், காவல்துறையினராலும் மட்டுமே முழுமையாக சாத்தியமாகிவிடாது; அது ஒட்டுமொத்த சமூகத்தின் சிந்தனை மாற்றத்தில் தான் உள்ளது. பேருந்து ஊழியர்கள், சக ஆண் பயணிகள் என அனைவரும் பெண்களை கண்ணியத்தோடு நடத்தும் உன்னத பண்பை வளர்த்துக் கொள்ள வேண்டும். மாண்புமிகு முதலமைச்சர் அவர்களின் தொலைநோக்குப் பார்வையில் உருவான இந்த சிங்கப்பெண் திட்டமும், பெண் காவலர்களின் அர்ப்பணிப்புமிக்கப் பணிகளும் தமிழகத்தைப் பெண்களுக்கான மிகப்பாதுகாப்பான மாநிலமாக மாற்றுவதில் முக்கியப் பங்கு வகிக்கின்றன. எந்நேரமும் பெண்களின் பாதுகாப்பிற்குத் துணையாக நிற்கும் இந்த சிங்கப்பெண் காவல்துறையினரின் சேவை, தமிழக அரசியல் மற்றும் சமூக வரலாற்றில் ஒரு மைல்கல்லாக என்றும் நிலைத்து நிற்கும் என்பதில் எவ்வித ஐயமுமில்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
