தமிழக அரசியல் களம் தற்போது வரலாறு காணாத புதியதொரு பரிமாணத்தை நோக்கி நகர்ந்து கொண்டிருக்கிறது. நடிகர் விஜய் தலைமையிலான ‘தமிழக வெற்றிக் கழகம்’ புதிய ஆட்சியை அமைத்து, குறுகிய காலத்திற்குள்ளேயே மக்கள் மத்தியில் மாபெரும் வரவேற்பை பெற்றுள்ளது. திராவிடக் கட்சிகளின் பல தசாப்த கால ஆதிக்கத்திற்கு முற்றுப்புள்ளி வைக்கும் வகையில் அமைந்துள்ள இந்த ஆட்சி மாற்றம், பாரம்பரிய அரசியல் கட்சிகளான திமுக மற்றும் அதிமுக ஆகிய இரண்டின் தலைமைகளுக்கும் மிகப்பெரிய அரசியல் அதிர்ச்சியை ஏற்படுத்தியுள்ளது என்பதில் எவ்வித மாற்றுக்கருத்தும் இருக்க முடியாது.
தவெக அரசின் மக்கள் நலத்திட்டங்களும், முதலமைச்சர் விஜய்யின் நிர்வாக திறனும் பொதுமக்கள் மத்தியில் மிக வேகமாக கொண்டு சேர்க்கப்பட்டு வருகின்றன. இதன் காரணமாக, விஜய் அரசு நாளுக்கு நாள் மக்கள் மத்தியில் ஒரு ‘நல்ல பெயர்’ வாங்கும் அரசாக உருவெடுத்து வருகிறது. இந்த நல்ல பெயர் இப்படியே நீடித்தால், அது தவெகவின் அடித்தளத்தை மேலும் வலுவாக்கும் என்பதால், எதிர்க்கட்சிகள் தங்களின் எதிர்கால அரசியல் பிழைப்பு குறித்த கடுமையான அச்சத்தில் ஆழந்துள்ளன. அரசுக்கு கிடைக்கும் இந்த நற்பெயர், பாரம்பரிய கட்சிகளின் வாக்கு வங்கியை மொத்தமாக சரித்துவிடும் என்ற எதார்த்தத்தை அவர்களால் மறுக்க முடியவில்லை.
இத்தகைய இக்கட்டான சூழலில், திமுக மற்றும் அதிமுக ஆகிய இரு கட்சிகளின் உள்கட்டமைப்பிலும், தீவிர தொண்டர்கள் மத்தியிலும் ஒரு பரபரப்பான ரகசிய விவாதம் அரங்கேறி வருகிறது. எப்படியாவது வரும் 2029 ஆம் ஆண்டு நடைபெறவுள்ள பாராளுமன்ற தேர்தலுக்கு முன்பாக, தமிழ்நாட்டில் உள்ள விஜய் ஆட்சியை ஏதேனும் ஒரு அரசியல் வியூகத்தின் மூலம் கலைத்துவிட வேண்டும் என்பதே அந்த விவாதத்தின் மையப்பகுதியாக உள்ளது. அப்படி ஏதேனும் ஒரு வழியில் தவெக ஆட்சியை தற்போதைக்கு கலைக்க தவறினால், வரும் நாடாளுமன்றத் தேர்தல் களம் தவெகவிற்கு ஒரு மிகப்பெரிய ஏகபோகப் பாதையாக மாறிவிடும் என்று அவர்கள் கணக்குப்போடுகிறார்கள்.
ஒருவேளை 2029 நாடாளுமன்ற தேர்தல் வரை விஜய்யின் தவெக அரசு தடையின்றி தொடர்ந்து நீடித்தால், மக்கள் மத்தியில் இருக்கும் நற்பெயரை கொண்டு தவெக மற்றும் அதன் கூட்டணி கட்சிகள் தமிழகத்தின் 40 நாடாளுமன்றத் தொகுதிகளிலும் ‘40க்கு 40’ என்று ஒட்டுமொத்தமாக வாரியடித்து மிகப்பெரிய வரலாற்றுச் சாதனை படைக்கக் கூடும் என அரசியல் கணக்காளர்கள் எச்சரிக்கின்றனர். நாடாளுமன்ற தேர்தலில் தவெக கூட்டணி 40 தொகுதிகளையும் கைப்பற்றும் பட்சத்தில், அது தமிழகத்தின் பிரதான எதிர்க்கட்சிகளாகத் தங்களைக் காட்டிக்கொள்ளும் திமுக மற்றும் அதிமுக ஆகிய இரு கட்சிகளுக்குமே மரண அடியாக அமையும்.
இந்த மாபெரும் தேர்தல் வெற்றியின் விளைவாக, தேர்தல் முடிவுகளுக்கு பின்னால் திமுக அல்லது அதிமுக ஆகிய இரு கட்சிகளில் ஏதேனும் ஒன்று முழுமையாக தனது அரசியல் செல்வாக்கை இழந்து காலியாகிவிடும் என்ற அச்சம் பரவலாக எழுந்துள்ளது. இன்னும் ஒருபடி மேலே போய், தமிழ்நாட்டின் புதிய அறிவுசார் மற்றும் இளைஞர் அரசியல் எழுச்சியால் இந்த இரண்டு திராவிட கட்சிகளுமே ஒரே நேரத்தில் அரசியல் அரங்கிலிருந்து மொத்தமாக காலியானாலும் ஆச்சரியப்படுவதற்கில்லை என்ற பலத்த விவாதங்களும் எழுந்துள்ளன.
சுருக்கமாக சொன்னால், முதலமைச்சர் விஜய்யின் தவெக அரசு தனது தூய்மையான நிர்வாகத்தின் மூலம் மக்கள் மத்தியில் செல்வாக்கை பெருக்கிக் கொண்டே சென்றால், தமிழக அரசியல் வரலாற்றில் திமுக மற்றும் அதிமுக ஆகிய இரு பாரம்பரிய கட்சிகளின் வீழ்ச்சியையோ அல்லது அழிவையோ யாராலும் தடுத்து நிறுத்த முடியாது என்பதுதான் தற்போதைய கள எதார்த்தம். இந்த அரசியல் மாற்றத்தை தடுத்து நிறுத்த, வரும் 2029 பாராளுமன்ற தேர்தலுக்குள் தமிழக அரசியல் சதுரங்கத்தில் இன்னும் பல அதிரடி திருப்பங்களும் ரகசிய கூட்டணி கணக்குகளும் அரங்கேறும் என்று எதிர்பார்க்கப்படுகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
