பாகிஸ்தானின் பொருளாதார நெருக்கடிக்கு மத்தியில், சர்வதேச நாணய நிதியம் அந்நாட்டின் அரசாங்கத்தில் நிலவும் ஊழல் குறித்து கடுமையான எச்சரிக்கையை வெளியிட்டுள்ளது. நாட்டின் பொருளாதார சீர்கேட்டிற்கு முக்கிய காரணம் உயர்மட்ட நிர்வாகத்தில் உள்ள ஊழலே என்று ஐ.எம்.எஃப். நேரடியாக சுட்டிக்காட்டியுள்ளது.
சர்வதேச நாணய நிதியம் தனது சமீபத்திய அறிக்கையில், பாகிஸ்தானில் நிலவும் ஊழலை ஆட்சி நிர்வாகத்தின் தொடர்ச்சியான மற்றும் அரிக்கும் அம்சம் என்று கடுமையாக விமர்சித்துள்ளது. நிதி உதவி திட்டங்களை பெறுவதற்கு பாகிஸ்தான் அரசு ஊழலை கட்டுப்படுத்தல், வெளிப்படைத்தன்மையை உறுதி செய்தல் போன்ற உறுதியான சீர்திருத்த நடவடிக்கைகளை மேற்கொள்ளாததே இதற்கு காரணம் என்றும் ஐ.எம்.எஃப். குறிப்பிட்டுள்ளது.
பாகிஸ்தான் வரலாறு காணாத நிதி நெருக்கடியைச் சந்தித்து வரும் நிலையில், பல பில்லியன் டாலர்கள் கடனுக்காக ஐ.எம்.எஃப்-ஐ சார்ந்திருக்கிறது. இந்த கடன்களை பெற, கடுமையான நிபந்தனைகளை ஐ.எம்.எஃப். விதித்துள்ளது. இதில், ஊழலை கட்டுப்படுத்துதல் மற்றும் அரசாங்க செலவினங்களில் வெளிப்படைத்தன்மையை கொண்டுவருதல் ஆகியவை முக்கியமான நிபந்தனைகளாகும். இந்த கடனுதவி தாமதமாவது நாட்டின் பொருளாதார வீழ்ச்சியை மேலும் தீவிரமாக்குகிறது.
உயர்மட்ட அதிகாரிகள் மற்றும் அரசியல்வாதிகளிடையே நிலவும் ஊழலானது நாட்டின் நிதி ஆதாரங்களை சுரண்டுகிறது. ஊழல் புதிய முதலீடுகளை ஈர்ப்பதை கடுமையாக பாதிக்கிறது. மேலும், இது பொருளாதார வளர்ச்சி, பொதுச்சேவைகள் மற்றும் அத்தியாவசிய திட்டங்களுக்கான நிதியைத் தடுக்கிறது. இதனால் நாட்டின் ஸ்திரத்தன்மை மற்றும் எதிர்கால வாய்ப்புகள் மேலும் பாதிக்கப்படுவதாக ஐ.எம்.எஃப். கவலை தெரிவித்துள்ளது.
எனவே, பாகிஸ்தான் அரசு, ஊழலுக்கு எதிராக உறுதியான மற்றும் வெளிப்படையான சட்ட நடவடிக்கைகள் எடுக்குமாறு ஐ.எம்.எஃப். வலியுறுத்தியுள்ளது. இந்த சீர்திருத்தங்கள், வெளிநாட்டு முதலீட்டை ஈர்க்கவும், நாட்டின் நிதி நிலைமையை மீட்டெடுக்கவும், நிலையான பொருளாதார பாதையை அடையவும் இன்றியமையாதது என்றும் சுட்டிக்காட்டப்பட்டுள்ளது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
