தமிழக அரசியல் களம் தற்போது ஒரு புதிய சிந்தனை போக்கை நோக்கி நகர்ந்து கொண்டிருக்கின்ற வேளையில், இளைஞர்களை தன் பக்கம் ஈர்ப்பதற்கான வியூகங்கள் தீவிரமடைந்து வருகின்றன. குறிப்பாக, அண்ணாமலை இனிவரும் காலங்களில் தனது அரசியல் தளத்தை வலுப்படுத்தி கொள்ளக் கல்லூரி மாணவர்களை தான் முதன்மையாக குறிவைப்பார் என்று அரசியல் நோக்கர்கள் கணிக்கின்றனர். தமிழ்நாட்டின் ஒவ்வொரு முக்கியக் கல்லூரிக்கும் நேரடியாக சென்று, அங்குள்ள மாணவ சமூகத்தினர் மத்தியில் தொடர்ச்சியாக சொற்பொழிவுகளை நிகழ்த்தி, அவர்களை உணர்ச்சிவசப்படும் அரசியலில் இருந்து மாற்றி, தரவுகளும் புள்ளிவிவரங்களும் நிறைந்த ஒரு ‘அறிவார்ந்த அரசியலுக்குள்’ கொண்டு வருவதே அவரது முதன்மைத் திட்டமாக இருக்கும் என எதிர்பார்க்கப்படுகிறது.
அதே நேரத்தில், தற்போதைய முதலமைச்சர் விஜய்யின் மாபெரும் தேர்தல் வெற்றிக்கு பின்னால் இருக்கும் வாக்கு வங்கியின் தன்மையை கூர்ந்து கவனித்தால், அவருக்கு விழுந்தது வெறும் தற்காலிகச் சினிமா மோகத்தால் வந்த வாக்குகள் மட்டுமே அல்ல என்பதை புரிந்துகொள்ள முடியும். கடந்த பல தசாப்தங்களாகத் தமிழகத்தை ஆண்டு வரும் திமுக மற்றும் அதிமுக ஆகிய இரு திராவிடக் கட்சிகளின் மீதும் மக்களுக்கு ஏற்பட்ட கடுமையான அதிருப்தியும், மாற்று சக்தி இல்லாத ஏமாற்றமுமே விஜய்யின் வெற்றிக்கு காரணமாக அமைந்தது. பாரம்பரிய கட்சிகளை பிடிக்காத நடுநிலை வாக்காளர்களுக்கு, விஜய் மிகச்சரியான நேரத்தில் முழுநேர அரசியலில் என்ட்ரி கொடுத்ததால், அவர்கள் தங்களின் பேராதரவை இவருக்கு வாக்குகளாக வாரி வழங்கினர்.
இருப்பினும், இந்த அரசியல் சூழல் அப்படியே நீடிக்கும் என்று கூறிவிட முடியாது; ஏனெனில், இனிவரும் தேர்தல் களங்களில் திமுக மற்றும் அதிமுகவை விரும்பாத மாற்று சிந்தனை கொண்ட நடுநிலை வாக்காளர்கள், அண்ணாமலையின் பக்கம் தங்களின் கவனத்தை திருப்பி, அவருக்கு வாக்களிப்பதற்கான வாய்ப்புகள் மிக அதிகமாக உள்ளதாக கருதப்படுகிறது. விஜய்யின் அரசியல் செயல்பாடுகள் மற்றும் நிர்வாக திறனை மக்கள் உற்று நோக்கி வரும் வேளையில், அதற்கு மாற்றாக தேசிய அளவிலான தொலைநோக்கு பார்வையுடன் பேசும் அண்ணாமலையின் அரசியல் பாணி பலரை கவர தொடங்கியுள்ளது. திராவிட கட்சிகளுக்கு எதிரான வாக்குகளை தன் வசமாக்க அண்ணாமலை தீவிரமாக் களம் காண்பார் என்பதில் சந்தேகமில்லை.
இதன் மூலம், முன்பு விஜய் எந்த பாதையில் பயணித்து திராவிட கட்சிகளுக்கு எதிரான அதிருப்தி வாக்குகளை அறுவடை செய்தாரோ, அதே பாதையை தற்போது அண்ணாமலையும் கையில் எடுத்து விஜய்யின் அரசியல் எதிர்காலத்திற்கே ஒரு பெரிய சவாலாக மாற போகிறார் என்று அரசியல் விமர்சகர்கள் குறிப்பிடுகின்றனர். விஜய் பயன்படுத்திய அதே மாற்று அரசியல் மற்றும் ஊழல் எதிர்ப்பு வியூகங்களை, அண்ணாமலை இன்னும் ஆழமான தரவுகளுடன் மக்கள் மத்தியில் கொண்டு சேர்க்கும் போது, அது விஜய்யின் வாக்கு வங்கியில் பெரிய அளவில் சரிவை ஏற்படுத்தக் கூடும். சுருக்கமாக சொன்னால், விஜய் போன பாதையிலேயே பயணித்து அவருக்கே அரசியல் ரீதியாக முட்டுக்கட்டைப் போடும் வித்தையை அண்ணாமலை கையாள்வார்.
இந்த ஒட்டுமொத்த அரசியல் அதிகார போட்டியை ஒரு சுவாரசியமான கல்வி நிலைய உவமையோடு ஒப்பிட்டுப் பார்க்கிறார்கள் அரசியல் நோக்கர்கள். தமிழகத்தின் பாரம்பரியக் கட்சிகளான திமுக மற்றும் அதிமுக ஆகியவை அரசியல் பாடம் படித்த அதே பழைய பள்ளிக்கூடத்தில், தற்போதைய முதலமைச்சர் விஜய் வேண்டுமானால் ஒரு திறமையான ‘ஹெட்மாஸ்டராக’ வலம் வரலாம்; அவர் தனது அதிகார பலத்தால் நிர்வாகத்தை நடத்தலாம். ஆனால், உலகளாவிய அரசியல் நிர்வாகப் படிப்புகளையும், ஐபிஎஸ் அதிகாரி என்ற அனுபவத்தையும் பின்னணியாகக் கொண்ட அண்ணாமலை, அந்த பள்ளிக்கூடத்திற்கே மேலான ஒரு ‘பிரின்சிபால்’ போன்ற தகுதியை கொண்டவராக திகழ்கிறார்.
விஜய்யின் கவர்ச்சியான மக்கள் செல்வாக்கிற்கும், அண்ணாமலையின் அறிவார்ந்த நிர்வாக திறனுக்கும் இடையே எழும் இந்த புதிய போட்டி, தமிழ்நாட்டின் எதிர்கால அரசியல் திசையை தீர்மானிக்கப் போகிறது. ஹெட்மாஸ்டரின் தற்காலிக கட்டுப்பாட்டை விட, பிரின்சிபாலின் தொலைநோக்கு சிந்தனைகளே புதிய தலைமுறை மாணவர்களையும் இளைஞர்களையும் அதிகம் கவரும் என்ற வாதமும் தற்போது பலமாக முன்வைக்கப்படுகிறது. எது எப்படியாயினும், அண்ணாமலையின் இந்த அதிரடியான கல்லூரி நோக்கிய அரசியல் நகர்வுகளும், விஜய்யை தடுத்து நிறுத்த அவர் வகுக்கும் புதிய வியூகங்களும் வரும் காலங்களில் தமிழக அரசியல் வரலாற்றில் ஒரு மிகப்பெரிய திருப்புமுனையை ஏற்படுத்தும் என்பதில் எவ்வித ஐயமுமில்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
