இந்தியா மற்றும் இங்கிலாந்து அணிகளுக்கு இடையே முதலாவது கிரிக்கெட் கடந்த மூன்று நாட்களாக நடைபெற்று வரும் நிலையில் இந்தியாவின் பும்ரா முதல் இன்னிங்ஸில் அபாரமாக பந்துவீசி ஐந்து விக்கெட்டுக்களை வீழ்த்தியுள்ளார். மேலும் ஒரு முக்கிய சாதனையையும் அவர் செய்துள்ளார். அது என்ன சாதனை என்பதை தற்போது பார்ப்போம்.
இந்த ஐந்து விக்கெட்டுகளின் மூலம் பும்ரா தனது சிறந்த திறமைகளை இங்கிலாந்து அணிக்கு எதிராக வெளிப்படுத்தியுள்ளார். இந்த நிலையில் இங்கிலாந்தில் மூன்று முறை ஐந்து விக்கெட்டுகளை எடுத்த முதல் இந்திய பந்துவீச்சாளர் என்ற பெருமையை பெற்றார். மேலும், வெளிநாடுகளில் 12 முறை ஐந்து விக்கெட்டுகளை எடுத்து கபில் தேவுக்கு சாதனையை சமன் செய்துள்ளார். அதேபோல் SENA நாடுகள் என்று கூறப்படும் தென் ஆப்பிரிக்கா, இங்கிலாந்து, நியூசிலாந்து மற்றும் ஆஸ்திரேலியா ஆகிய நாடுகளில் அதிக விக்கெட்டுகளை வீழ்த்திய ஆசிய பந்துவீச்சாளர் என்ற பெருமையையும் பும்ரா பெற்றார்.
இங்கிலாந்தின் ஹெடிங்லேயில் நடந்து வரும் முதல் டெஸ்ட் போட்டியில் இங்கிலாந்தின் முதல் இன்னிங்ஸில் பும்ரா 5 விக்கெட்டுகளை வீழ்த்தி 83 ரன்கள் கொடுத்திருந்தார். மேலும், அவர் வீசிய பந்துகளில் மூன்று கேட்சுகள் விடப்பட்டன என்பதும் குறிப்பாக, ஹாரி ப்ரூக் நோ-பால் மூலம் கேட்ச் செய்யப்பட்டார்,” என்பதும் குறிப்பிடத்தக்கது.
பும்ரா பந்தை கையில் எடுக்கும் போதெல்லாம் என்ன நடந்தது என்று உலகின் சிறந்த வீரர்களையும் குழப்பத்தில் ஆழ்த்திவிடுவார். கைகளின் ஒரு சுழற்சி, மணிக்கட்டின் ஒரு அசைவு, நீங்கள் தெரிந்து கொள்வதற்குள் பந்து உங்களை தாக்கிவிடும்,” என்று ஃபின் கூறினார்.
இங்கிலாந்துக்காக 36 டெஸ்ட் மற்றும் 69 ஒருநாள் போட்டிகளில் விளையாடிய முன்னாள் வேகப்பந்து வீச்சாளர் ஃபின், பும்ராவின் பந்துவீச்சு முறை அவரை ஏன் மிகவும் ஆபத்தானவராக ஆக்குகிறது என்பதையும், அவரது வழக்கத்திற்கு மாறான கை, மணிக்கட்டு மற்றும் பந்துவீசும் நிலைகள் பேட்ஸ்மேன்களுக்கு ஒரு கனவாக எப்படி இருக்கின்றன என்பதையும் விளக்கினார்.
“பந்துவீச்சாளர்களுக்கு டெஸ்ட் மற்றும் டி20 வடிவங்களுக்கு இடையிலான வேறுபாடு அதிகரித்து, வெவ்வேறு திறன்கள் தேவைப்படும் ஒரு சூழலில், பும்ரா இரண்டிலும் சிறந்தவர்,” என்று ஃபின் கூறினார். “பும்ரா விளையாட்டை பற்றி சிந்திப்பவர். அவர் ஒவ்வொரு போட்டியிலும் விளையாட சிரமப்படாமல் இருந்திருந்தால், புதிய டெஸ்ட் கேப்டனாக இந்தியாவுக்கு முதல் தேர்வாக இருந்திருப்பார். ஆனால் கேப்டன் பதவியை வேண்டாம் என்று அவர் தானாகவே முடிவு செய்தார்.”
“நாம் சிறந்த வேகப்பந்து வீச்சாளர்களின் சகாப்தத்தில் இருப்பது அதிர்ஷ்டம். சமீபத்தில் ஓய்வு பெற்ற ஸ்டூவர்ட் பிராட் மற்றும் ஜேம்ஸ் ஆண்டர்சன் முதல் ககிசோ ரபாடா, பேட் கம்மின்ஸ், ஹேசில்வுட் மற்றும் மிட்செல் ஸ்டார்க் வரை. அவர்களில் அனைவரையும் விட, விளையாடிய சிறந்த வேகப்பந்து வீச்சாளராக பும்ரா இருக்கிறார். இது ஒரு பெரிய பாராட்டு,” என்றும் ஃபின் கூறியுள்ளார்.
பும்ராவின் சிறப்பான பந்துவீச்சு இந்தியாவை முதல் இன்னிங்ஸில் ஆறு ரன்கள் முன்னிலை பெற உதவியது. மூன்றாம் நாள் ஆட்ட முடிவில் இந்தியா 96 ரன்கள் முன்னிலை பெற்று, இரண்டு விக்கெட்டுகளை இழந்துள்ளனர்.
