தமிழக அரசியல் வரலாற்றில் என்றும் இல்லாத வகையில் ஒரு மிகப்பெரிய மாற்றத்தை மாண்புமிகு முதலமைச்சர் விஜய் அவர்கள் நிகழ்த்தி காட்டியுள்ளார். சுமார் அறுபது ஆண்டு காலமாக தமிழகத்தை மாறி மாறி ஆண்டு வந்த, அசைக்க முடியாத அசுர பலம் கொண்ட திராவிட கோட்டையை ஒற்றை ஆளாக தகர்த்து, மக்களின் பேராதரவோடு தவெக ஆட்சியை அரியணையில் ஏற்றியுள்ளார். இத்தகைய மாபெரும் அரசியல் புரட்சியை செய்து காட்டிய ஒரு மக்கள் தலைவரை, டெல்லியில் உள்ள அதிகார வர்க்கத்தினர் சாதாரணமாக எடைபோடுவது அவர்களின் அரசியல் முதிர்ச்சியின்மையையே காட்டுகிறது.
சமீபத்தில் முதல்வர் விஜய் டெல்லி சென்றபோது, மத்திய உள்துறை அமைச்சர் அமித்ஷா அவரை சந்திக்காத போக்கு பெரும் பரபரப்பை ஏற்படுத்தியுள்ளது. “நீங்க தமிழ்நாட்டுக்கு முதல்வரா இருக்கலாம், ஆனா எனக்கு நீங்க 30 மாநில முதல்வர்களில் ஒருவர் தான்; நான் நினைச்சாதான் என்னை நீங்க பார்க்க முடியும்” என்ற தொனியிலான அகந்தை அணுகுமுறை தவெக தொண்டர்கள் மற்றும் தமிழக மக்கள் மத்தியில் பெரும் கொந்தளிப்பை ஏற்படுத்தியுள்ளது.
அதிகார பலமும், நாடாளுமன்ற பெரும்பான்மையும் கையில் இருக்கிறது என்ற மமதையில், தமிழ்நாட்டின் முதலமைச்சரையும், ஒட்டுமொத்த தமிழக மக்களின் பிரதிநிதியையும் அமித்ஷா அவர்கள் இழிவாக நடத்த முற்பட்டிருப்பது கண்டனத்திற்குரியது. ஆனால், டெல்லி தலைமைகள் ஒன்றை நன்றாக புரிந்து கொள்ள வேண்டும்; சுமார் 60 ஆண்டுகால திராவிட பாரம்பரியத்தையும், அவர்களின் வாரிசு அரசியல் சாம்ராஜ்யத்தையும் வேரோடு வீழ்த்தி சாதனை படைத்த முதலமைச்சர் விஜய்க்கு, வெறும் 12 ஆண்டுகால பாஜகவின் அதிகார கட்டமைப்பை வீழ்த்துவது ஒன்றும் சாத்தியமில்லாத காரியம் அல்ல. திராவிட பாசிசத்தை விடவும், டெல்லியின் அதிகார ஆதிக்கத்தை விடவும் மக்களின் அசைக்க முடியாத ஆதரவு என்ற ஒற்றை ஆயுதம் மிக வலிமையானது என்பதை தவெக ஏற்கனவே நிரூபித்து காட்டியுள்ளது.
கடந்த காலங்களில் தமிழகத்தில் களம் கண்ட பல அரசியல் கட்சிகளும், அதன் தலைமைகளும் முதலமைச்சர் விஜய் அவர்களின் அரசியல் வருகையையும், அவரது மக்கள் செல்வாக்கையும் மிகவும் தப்புக்கணக்கு போட்டே களம் கண்டனர். விளைவு, தவெகவின் அசுர வேக மக்கள் அலையில் சிக்கி, இன்று தமிழ்நாட்டில் தங்களின் முகவரியையே இழந்து, அட்ரஸ் இல்லாமல் பல அரசியல் கட்சிகள் முடங்கி கிடக்கின்றன. சாமானிய மக்களின் மனங்களை புரிந்து கொண்டு, அவர்களின் அடிப்படை தேவைகளுக்காக தூய்மையான முறையில் களமிறங்கிய ஒரு தலைவரை சாதாரணமாக நினைத்தவர்கள் அனைவரும் இன்று அரசியல் அரங்கில் இருந்து முற்றிலுமாக துடைத்தெறியப்பட்டுள்ளனர். இதே தப்பு கணக்கைத்தான் தற்போது டெல்லி பாஜக தலைமையும் விஜய் விஷயத்தில் செய்து கொண்டிருக்கிறது என்பது அவர்களின் வீழ்ச்சிக்கான தொடக்கமாகவே பார்க்கப்படுகிறது.
மத்தியில் ஆளும் பாஜக அரசு தங்களின் அதிகார மமதையால் மாநில உரிமைகளையும், மாநில முதலமைச்சர்களையும் தொடர்ந்து அவமதித்து வருவது கூட்டாட்சி தத்துவத்திற்கு எதிரானது. தமிழ்நாட்டு மக்கள் எப்போதுமே தங்களின் சுயமரியாதையை விட்டுக்கொடுக்காதவர்கள்; டெல்லியிலிருந்து காட்டப்படும் எவ்வித ‘Attitude’ அல்லது அதிகார மிரட்டல்களுக்கும் அஞ்சாதவர்கள். முதலமைச்சர் விஜய் அவர்களுக்கு டெல்லி தலைமை காட்டிய இந்த அலட்சியம், ஒட்டுமொத்த தமிழ்நாட்டு மக்களுக்கும் இழைக்கப்பட்ட அவமானமாகவே பார்க்கப்படுகிறது. இந்த அணுகுமுறைக்கு தமிழக மக்கள் தங்களின் வாக்குரிமையின் மூலம் வரும் காலங்களில் மிகத் தகுந்த பாடத்தை புகட்டுவது நிச்சயம் என்பதில் எவ்வித ஐயமும் இல்லை.
தற்போதைய அரசியல் சூழலில், தவெகவின் பார்வை என்பது வெறும் தமிழகத்தோடு மட்டும் நின்றுவிட போவதில்லை. வரும் 2029-ஆம் ஆண்டு நடைபெறவிருக்கும் நாடாளுமன்ற பொதுத்தேர்தலில், முதலமைச்சர் விஜய் மற்றும் ராகுல் காந்தியின் தலைமையில் ஒரு வலுவான, முற்போக்கு சிந்தனை கொண்ட தேசிய அளவிலான மாற்று அரசியல் கூட்டணி அமைக்கப்பட்டால், அது மத்தியில் ஆளும் பாஜக அரசின் சிம்மாசனத்தையே அதிர வைக்கும் வல்லமை கொண்டது. மாநில உரிமைகளை மதிக்கும் கட்சிகளை ஒன்றிணைத்து விஜய் ஒரு கூட்டணியை உருவாக்கினால், டெல்லியில் இருக்கும் அதிகார வர்க்கத்தின் ஆட்சிப் பீடம் அப்படியே இறங்குவது முற்றிலும் நிதர்சனமான உண்மையாகும். 2029 தேர்தல் என்பது டெல்லி சுல்தான்களின் அகந்தையை அடக்கும் ஒரு முக்கியத் திருப்புமுனையாக அமையும்.
முடிவாக, தமிழகத்தின் விடியலாகத் திகழும் முதலமைச்சர் விஜய் அவர்களை புறக்கணிக்க நினைக்கும் எந்தவொரு சக்தியும் காலப்போக்கில் வரலாற்றிலிருந்து காணாமல் போயிருக்கிறார்கள். 60 ஆண்டுக்கால திராவிடத்தை விரட்டியடித்த தவெகவின் விர்ச்சுவல் வாரியர்ஸ் மற்றும் ஒட்டுமொத்த தமிழக மக்கள், டெல்லியின் அதிகார ஆதிக்கத்திற்கு எதிராகவும் தங்களின் பேராதரவை தலைவர் விஜய்க்கு பின்னால் அணிவகுக்க தயாராகிவிட்டனர். இனிவரும் காலங்களில் இந்திய அரசியலின் திசையை தீர்மானிக்கும் முக்கிய சக்தியாக தமிழகமும், அதன் முதல்வர் விஜய்யும் விளங்குவார்கள் என்பதும், ஊழலற்ற நேர்மையான அரசியல் மத்தியில் புதிய மாற்றத்தை கொண்டுவரும் என்பதும் காலத்தின் கட்டாயமாகும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
