பாகிஸ்தான் மற்றும் இந்தியா இடையே பதற்றத்தை அதிகரித்துள்ள பஹல்காம் பயங்கரவாத தாக்குதல் விவகாரத்தில், பாகிஸ்தான் அமைதி முயற்சிக்கு தயாராக இல்லாதது போலவே தெரிகிறது. பாகிஸ்தானிய பாராளுமன்ற உறுப்பினர்கள் தொடர்ந்து இந்தியாவை குற்றஞ்சாட்டும் முயற்சியில் ஈடுபட்டுள்ளனர்.
பாகிஸ்தான் செனட்டர் பல்வாஷா முகம்மது சை கான், சமீபத்தில் பாகிஸ்தான் பாராளுமன்றத்தில் பேசும் போது, பெரிதும் விமர்சிக்கப்பட்ட ஒரு பேச்சை முன்வைத்தார். அதில், “அயோத்தியில் புதிய பாப்ரி மசூதி கட்டும் வேலை பாகிஸ்தான் ராணுவத்தால் தொடங்கப்படும், முதலாவது ஒலி ராணுவத் தலைவர் அசிம் முநீர் அவர்களால் ஒலிக்கப்படும்,” என்றார். அதுவரை எங்கள் கை என்ன பூ பறித்து கொண்டு இருக்குமா என்று நெட்டிசன்கள் பதிலடி கொடுத்து வருகின்றனர்
மேலும், “நாங்கள் ஒன்றும் கையில் வளையல்கள் அணியவில்லை, இந்தியாவுக்கு எதிராக போராடினால் சீக் ராணுவம் பாகிஸ்தானை தாக்க மாட்டார்கள். இது அவர்களுக்குக் குருநானக் தேசம்,” எனவும் கூறினார்.
இது போன்ற திரித்து பேசும் பேச்சுகள் பாகிஸ்தான் அரசியல்வாதிகளிடமிருந்து இது முதல் முறை அல்ல. சமீபத்தில், பாகிஸ்தானின் பிலாவல் புத்தோ-சர்தாரி, இந்தியா இந்துஸ் நீர் உடன்பாட்டை நிறுத்தியதற்கு கடுமையான எதிர்வினை தெரிவித்தார்.
பொது கூட்டத்தில் பேசிய பிலாவல் புத்தோ, “இந்துஸ் நதி நமதே, அதில் எங்கள் நீர் ஓடவில்லையெனில், இந்தியர்களின் இரத்தம் ஓடும்,” என்றார். இந்த கருத்துகள், பாகிஸ்தான்-இந்தியா இடையே நிலவும் பதற்றத்தை மேலும் தீவிரமாக்கியுள்ளன.
இதேநேரம், பாகிஸ்தான் பாதுகாப்புத் துறை அமைச்சர் கவாஜா முகம்மது ஆசிஃ, ஒரு பேட்டியில், பாகிஸ்தான் பல வருடங்களாக மேற்கத்திய நாடுகளுக்காக பயங்கரவாத குழுக்களை ஆதரித்தது என்பதை ஒப்புக்கொண்டார்.
அவர் கூறியது: “பாசிச வேலைகளை மேற்கத்திய நாடுகள், அமெரிக்கா, இங்கிலாந்துக்காக 30 ஆண்டுகளாக செய்திருக்கிறோம்” என்று கூறினார்.
இந்நிலையில், பாகிஸ்தான் அரசியல்வாதிகள் மற்றும் அமைச்சர்களின் இந்த பேச்சுகள், இரு நாடுகளுக்கிடையிலான நிலையை மேலும் சிக்கலை உருவாக்கி வருகின்றன.
