தமிழக அரசியலில் தற்போது பெரும் அதிர்வலைகளை ஏற்படுத்தி வரும் நடிகர் விஜய்யின் அரசியல் வருகை, வரும் தேர்தல்களில் மிகப்பெரிய மாற்றத்தை உருவாக்கும் என்று எதிர்பார்க்கப்படுகிறது. குறிப்பாக “விஜய் ஒரு தடவை முடிவெடுத்துட்டாருன்னா, அவரு பேச்சை அவரே கேட்க மாட்டாரு” என்ற அவரது திரைப்பட வசனத்தை போலவே, நிஜ வாழ்விலும் அவர் எடுத்த முடிவில் இருந்து பின்வாங்க மாட்டார் என்று அவரது ஆதரவாளர்கள் மற்றும் அரசியல் நோக்கர்கள் கருதுகின்றனர். அவர் அரசியலில் கால் பதித்திருப்பது ஒரு சாதாரண அதிகார மாற்றத்திற்காக அல்ல, மாறாக பல தசாப்தங்களாக தமிழகத்தை ஆண்டு வரும் திராவிட கட்சிகளுக்கு ஒரு மாற்றாக இருக்க வேண்டும் என்ற உறுதியான எண்ணத்திலேயே அவர் செயல்படுகிறார்.
மத்தியில் ஆளும் என்.டி.ஏ கூட்டணி ஒருவேளை ஆட்சி அமைக்க விஜய்யின் ஆதரவை நாடினாலும், அவர்கள் எவ்வளவு கெஞ்சினாலும் அல்லது மிரட்டினாலும் விஜய் தனது நிலைப்பாட்டில் இருந்து விலக மாட்டார் என்றே தோன்றுகிறது. கொள்கை ரீதியாக திராவிட கட்சிகள் மற்றும் அவற்றின் கூட்டணிகளை எதிர்க்கும் விஜய், அதிகாரத்திற்காக தனது அடிப்படை கொள்கைகளை ஒருபோதும் விட்டுக்கொடுக்க மாட்டார். தேசிய கட்சிகளோ அல்லது மாநில கட்சிகளோ எதுவாக இருந்தாலும், தனது லட்சிய பயணத்தில் அவர் தனித்துவமான பாதையையே தேர்ந்தெடுப்பார் என்பது அவரது தற்போதைய நகர்வுகள் மூலம் வெளிப்படையாகத் தெரிகிறது.
விஜய்யின் அரசியல் வருகையின் முக்கிய நோக்கமே தமிழகத்தில் வேரூன்றி இருக்கும் இரண்டு பெரும் திராவிட கட்சிகளையும் வீட்டுக்கு அனுப்ப வேண்டும் என்பதுதான். கடந்த ஐம்பது ஆண்டுகளுக்கும் மேலாக மாறி மாறி ஆட்சி செய்து வரும் இந்த கட்சிகளின் பிடியில் இருந்து தமிழகத்தை விடுவித்து, புதியதொரு நிர்வாக முறையை அறிமுகப்படுத்துவதே அவரது கனவாக இருக்கிறது. அப்படியிருக்கையில், ஒரு திராவிட கட்சி ஆட்சி அமைக்க அவர் ஒருபோதும் உதவ மாட்டார் என்பதும், அவர்களுக்குத் துணை நிற்க மாட்டார் என்பதும் அரசியல் வட்டாரங்களில் நிலவும் வலுவான கருத்தாகும். அவரது அரசியல் பயணம் என்பது சமரசங்களுக்கு அப்பாற்பட்ட ஒன்றாக இருக்கும்.
தற்போதைய அரசியல் சூழலை உன்னிப்பாக கவனிக்கும் பிரபல ஜோதிடர்கள் மற்றும் அரசியல் விமர்சகர்களின் கணிப்புப்படி, நடந்து முடிந்த தேர்தலில் விஜய் மிகப்பெரிய சக்தியாக உருவெடுப்பார். ஒன்று விஜய் பெரும்பான்மையுடன் ஆட்சியை பிடித்து தமிழகத்தின் முதல்வராக பொறுப்பேற்பார், இல்லையென்றால் எந்த கட்சிக்கும் பெரும்பான்மை கிடைக்காத சூழலில் அவர் யாருக்கும் ஆதரவு அளிக்காமல் மறு தேர்தலை சந்திக்கத் தயங்க மாட்டார். ஆட்சியில் பங்கு அல்லது கூட்டணி பேரங்களுக்கு அவர் அடிபணிய மாட்டார் என்பதால், தமிழக அரசியல் களம் ஒரு புதிய பரிமாணத்தை நோக்கி நகர்ந்து கொண்டிருக்கிறது.
நிச்சயமாக விஜய்யின் இந்த தீவிரமான அரசியல் நிலைப்பாடு தமிழக மக்களிடையே, குறிப்பாக இளைஞர்களிடையே பெரும் வரவேற்பை பெற்றுள்ளது. மாற்றம் வேண்டும் என்று துடிக்கும் வாக்காளர்களுக்கு விஜய்யின் இந்த உறுதியான பேச்சு ஒரு நம்பிக்கையை அளிக்கிறது. அரசியல் சதுரங்கத்தில் அவர் எடுக்கும் ஒவ்வொரு அடியும் திராவிடக்கட்சிகளுக்குச் சவாலாக அமையப்போகிறது என்பதில் ஐயமில்லை. திராவிட கட்சிகளின் ஆதிக்கத்தை முறியடித்து, ஒரு புதிய அரசியல் அத்தியாயத்தை தொடங்க வேண்டும் என்ற விஜய்யின் லட்சியம் வெற்றியடையுமா என்பதை பொறுத்திருந்துதான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
