தமிழக வெற்றிக் கழகம் கடந்த தேர்தல் களத்தில் இன்ஸ்டாகிராம் பக்கங்களை மட்டுமே முதன்மை ஆயுதமாக கொண்டு எப்படி ஒரு மிகப்பெரிய டிஜிட்டல் புரட்சியை நிகழ்த்தி ஆட்சியை பிடித்ததோ, அதே பாணியில் தற்போது அரசுக்கு எதிராக எழும் விமர்சனங்களையும் வதந்திகளையும் முறியடிப்பதற்கான ஒரு மாபெரும் அதிநவீன டிஜிட்டல் திட்டத்தை அக்கட்சியின் தொழில்நுட்ப குழுவினர் தயார் செய்துள்ளனர். தேர்தல் பிரச்சாரத்திற்கு பயன்படுத்திய அதே இன்ஸ்டாகிராம் உத்தியை, தற்போது தவெக அரசின் சாதனை பக்கங்களை மக்களுக்குக் கொண்டு சேர்க்கவும், எதிர்க்கட்சிகளின் பொய் பிரசாரங்களை தவிடுபொடியாக்கவும் பயன்படுத்த போகிறார்கள். இந்த புதிய பாதுகாப்பு அரண் திட்டம் தமிழ்நாட்டு அரசியல் வட்டாரத்தில் தற்போதே பெரும் வியப்பை ஏற்படுத்தியுள்ளது.
இந்த புதிய வியூகத்தின்படி, தமிழ்நாட்டின் ஒவ்வொரு சட்டமன்ற தொகுதிக்கும் தலா 10 பிரத்யேக இன்ஸ்டாகிராம் பக்கங்கள் வீதம், மாநிலம் முழுவதும் ஆயிரக்கணக்கான பக்கங்கள் புதிய வடிவத்தில் இயங்க தொடங்கவுள்ளன. இந்த பக்கங்களின் முதன்மை வேலை, தவெக அரசுக்கு எதிராக சமூக வலைத்தளங்களில் திட்டமிட்டு பரப்பப்படும் போலி விமர்சனங்கள், ஆதாரமற்ற வதந்திகள் மற்றும் பொய் குற்றச்சாட்டுக்களை உடனுக்குடன் ஆதாரங்களுடன் தோலுரித்து காட்டுவதுதான். எதிர்க்கட்சிகள் தங்களின் அரசியல் லாபத்திற்காக பரப்பும் பொய்களை, அதே சமூக வலைத்தளங்களின் வாயிலாகவே மிக குறுகிய காலத்திற்குள் முறியடித்து, உண்மை நிலவரத்தை மக்கள் மத்தியில் கொண்டு சேர்ப்பதே இதன் பிரதான நோக்கமாகும்.
இந்த டிஜிட்டல் படையினரின் மிக முக்கியமான மற்றும் காரசாரமான வேலை என்னவென்றால், அரசு மீது திட்டமிட்டு அவதூறு பரப்பும் நபர்களின் பின்னணியை அக்குவேற ஆணிவேறாக ஆராய்வதுதான். சமூக ஊடகங்களில் நடுநிலை என்ற போர்வையில் நின்றுகொண்டு, அரசுக்கு எதிராக நஞ்சு கக்கும் நபர்களை கண்காணித்து, அவர்களின் பழைய பதிவுகள் மற்றும் செயல்பாடுகளை ஆராய்ந்து அவர்கள் ‘உபி’ எனப்படும் மாற்று தரப்பு கூலிப்படையினர் என்பது தெரியவந்தால், அவர்களை டிஜிட்டல் முறையில் வச்சு செய்வது என திட்டமிட்டுள்ளனர். வதந்தி பரப்புபவர்களின் உண்மை முகத்தையும், அவர்களின் அரசியல் உள்நோக்கத்தையும் மீம்ஸ்கள் மற்றும் சிறிய ரீல்ஸ் வீடியோக்கள் மூலம் அம்பலப்படுத்தி, அவர்களை மக்கள் மத்தியிலேயே அசிங்கப்படுத்தும் அதிரடி வேலைகள் இதில் அடங்கும்.
இருப்பினும், இந்த இன்ஸ்டாகிராம் பக்கங்கள் வெறும் எதிர்க்கட்சிகளை தாக்குவதற்கும், வதந்திகளை முறியடிப்பதற்கும் மட்டுமேயான ஒரு தற்காப்பு படையாக செயல்படாது. அதே நேரத்தில், சாமானிய மக்களிடமிருந்து வரும் உண்மையான மற்றும் நியாயமான குற்றச்சாட்டுக்களை, மக்கள் சந்திக்கும் அத்தியாவசிய பிரச்சினைகளை மிக கவனமாக பிரித்தெடுத்து, அவற்றை உடனடியாக தவெக தலைமைக்கு கொண்டு சேர்க்கும் ஒரு பாலமாகவும் இவை செயல்படும். பொய் குற்றச்சாட்டுக்களை இரும்புக்கரம் கொண்டு ஒடுக்கும் அதே வேளையில், மக்களின் நிஜமான குறைகளை தீர்ப்பதற்கு இந்த தொழில்நுட்ப கட்டமைப்பு ஒரு சிறந்த தகவல் தொடர்பு சாதனமாகப் பயன்படுத்தப்படும் என்பது இதன் சிறப்பம்சமாகும்.
தவெக தரப்பிலிருந்து பாயவிருக்கும் இந்த அடுத்தடுத்த டிஜிட்டல் அதிரடிகளை, தமிழ்நாட்டின் பாரம்பரிய அரசியல் கட்சிகளான அதிமுக அல்லது திமுக போன்ற அமைப்புகளால் நினைத்துக் கூட பார்க்க முடியாது என்பதே கசப்பான உண்மையாகும். பழைய பாணி தகவல் தொழில்நுட்ப அணிகளை வைத்துக் கொண்டு, வெறும் ட்விட்டரிலும் பேஸ்புக்கிலும் மட்டுமே சண்டை போட்டு கொண்டிருக்கும் பழைய கட்சிகளுக்கு, தொகுதி வாரியாக இன்ஸ்டாகிராம் பக்கங்களை ஒருங்கிணைத்து, மக்கள் அலையாக மாற்றுவது என்பது கற்பனைக்கு எட்டாத ஒரு நவீன வியூகமாகும். தவெகவின் இந்தத் துல்லியமான அணுகுமுறை, பாரம்பரியக் கட்சிகளின் ஐடி விங்குகளை முற்றிலும் முடங்கச் செய்யும் வல்லமை கொண்டது.
இறுதியாக, முதலமைச்சர் விஜய் அவர்களின் தலைமையிலான தவெக அரசு, தங்களின் ஆட்சியை தக்கவைத்துக் கொள்ளவும், நிர்வாகத்தின் மீதான நம்பகத்தன்மையை நிலைநாட்டவும் நவீன தொழில்நுட்பத்தை மிக சரியாகப் பயன்படுத்த தொடங்கிவிட்டது. வெறும் வெற்றுப் பேச்சுக்களாலும், பழைய அரசியல் தந்திரங்களாலும் புதிய தலைமுறை இளைஞர்களை இனி ஏமாற்ற முடியாது என்பதை உணர்ந்தே இந்த அதிரடித் திட்டம் வகுக்கப்பட்டுள்ளது. அரசுக்கு எதிராக வன்மத்தைக் கக்கக் காத்திருக்கும் போலி விமர்சகர்களுக்கு இந்த இன்ஸ்டாகிராம் படைகள் ஒரு மிகப்பெரிய சிம்மசொப்பனமாக விளங்கும் என்பதில் எவ்வித மாற்றுக்கருத்தும் இல்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
