பாஜகவின் கேரள மாநிலத் தலைவர் ராஜீவ் சந்திரசேகர், பாகிஸ்தானுடன் ஏற்பட்ட எல்லை மோதலின் போது அரசை ஆதரித்ததற்காக காங்கிரஸ் எம்.பி. சசி தரூர் மற்றும் AIMIM தலைவர் அசாதுத்தீன் ஒவைசியை பாராட்டினார்.
சமீபத்தில் அளித்த ஒரு பேட்டியில், ராஜீவ் சந்திரசேகர் கூறியபோது, சசி தரூர் சவுதி அரேபிய செய்தி ஊடகத்திற்கு அளித்த பேட்டியில் தாய் நாட்டுக்காக பேசினார். அதேபோல் AIMIM தலைவர் ஒவைசியும் மத்திய அரசுடன் பல கருத்து வேறுபாடு இருந்தாலும், நாட்டுக்கு பிரச்சனை ஏற்பட்டபோது அவர் சரியான கருத்துக்களை தெரிவித்தார் என்பதில் எனக்கு மகிழ்ச்சி,” என்று ராஜீவ் சந்திரசேகர் கூறினார்.
“எதிர்க்கட்சியில் உள்ள பலர் தேசபக்தி உள்ளவர்கள். போர் போன்ற நேரங்களில் அவர்கள் இந்திய அரசுடன் ஒன்றிணைந்து நிற்கிறார்கள்… சிலர் மட்டுமே தங்கள் அரசியல் தேவைகள் அல்லது குறுகிய நோக்கங்களுக்காக நாட்டுக்கு எதிரான கருத்துகள் தெரிவிக்கிறார்கள்,” என்றார்.
ஆனால், காங்கிரசின் பிரச்சனை என்னவென்றால், அந்தக் கட்சி பொதுவாக தேசபக்தியை நம்புவதில்லை என்றும் அவர் சாடினார்.
“சிலர் சொல்கிறார்கள் சசி தரூர் பாஜகவில் சேர போகிறார் என்று, ஆனால் எனக்கு அப்படி எந்த தகவலும் கிடையாது,” என்று கூறிய ராஜீவ் சந்திரசேகர். “காங்கிரஸ் இந்தளவுக்கு அரசியலில் மூழ்கியிருக்கிறது. யாராவது தேசபக்தியை பற்றி பேசினாலும், அதை அவர்கள் ஏற்க முடியாது.” என்றார்.
மேலும், பாகிஸ்தானுடன் நடந்த “ஒப்பந்தம்” மற்றும் அதில் அமெரிக்க ஜனாதிபதி டொனால்ட் டிரம்ப் செய்த பங்கு குறித்து பாராளுமன்ற சிறப்பு கூட்டத்தை கோரிய காங்கிரசின் கோரிக்கையை நிராகரித்தார்.
புல்வாமா தாக்குதலுக்கு பிறகு இந்தியா தனது திறனை பாகிஸ்தானுக்கு காண்பித்திருந்தாலும், ராகுல் காந்தி இன்னும் நச்சரிப்பு அரசியல் விளையாடுகிறார் என்று குற்றம்சாட்டினார். “ராகுல் காந்தி பாராளுமன்ற கூட்டங்களுக்கு செல்வது குறைவாக உண்டு. இப்போது நாடு ஒன்றுபட்டு கொண்டாடுகிற நேரத்தில், சிறப்பு கூட்டம் வேண்டும் என்கிறார்.”
மேலும் பாகிஸ்தானின் ராணுவ இயக்க தலைவர் இந்திய அதிகாரியுடன் அழைத்து பேசி விட்டு அமைதியை கொண்டு வந்ததை பிரதமர் மோடிக்கும், மூத்த ராணுவ அதிகாரிகளின் செய்தியளிப்புகளுக்கும் மூலம் சுட்டிக்காட்டி உறுதி செய்தார் ராஜீவ் சந்திரசேகர். “இதையெல்லாம் காங்கிரசைத் தவிர எல்லோரும் நன்கு அறிந்தவர்கள்,” என்றார்.
டிரம்ப் குறித்து கேள்வி எழுப்பிய காங்கிரசின் நிலைப்பாட்டையும் அவர் கடுமையாக விமர்சித்தார். “ஒவ்வொரு பயங்கரவாத தாக்குதலுக்கும் பிறகு காங்கிரஸ் அரசியல் செய்கிறது. 2019-ல் புல்வாமா தாக்குதலை பாஜக செய்ததாக சொன்னது. 2008-ல் மும்பை தாக்குதலுக்கு பாகிஸ்தானை விட RSS காரணம் எனக் கூறியது. பட்லா ஹவுஸ் மோதலின் போது, சோனியா காந்தி, ‘இவர்கள் பயங்கரவாதிகள் இல்லை, சாதாரண மக்கள்’ என்றார். இதுதான் காங்கிரஸ் வழக்கம்.”
மோடியின் தலைமையில் கடந்த 10 ஆண்டுகளில், இந்திய ராணுவத்தின் திறன்கள் பலமடங்காக வளர்ந்துள்ளன. நாங்கள் எடுத்துள்ள பாதுகாப்பு மற்றும் தாக்குதல்கள் அதற்கு சாட்சி. இன்று அமெரிக்கா, ரஷ்யா, சீனா ஆகிய நாடுகளுடன் இணையாக இந்தியா இருக்கிறது,” என்றார்.
பாதுகாப்பு திறனை எடுத்துக்காட்டும் விதமாக, “பாகிஸ்தானின் எந்த ட்ரோன் அல்லது ஏவுகணையும் இந்தியாவை எட்டவோ தாக்கவோ முடியவில்லை. பாகிஸ்தான் விமானப்படையின் 11 விமானத்தளங்களை நாம் தாக்கியதும், அவர்களால் அதை தடுக்க கூட முடியவில்லை என்பது பாகிஸ்தானுக்கு மட்டுமின்றி அந்த நாட்டை ஆதரிக்கும் நாடுகளுக்கும் ஒரு அறிவுறுத்தல்,” என்றார்.
மத்திய பிரதேச பாஜக அமைச்சர் விஜய் ஷா, கர்னல் சோஃபியா குரேஷியை “பயங்கரவாதிகளின் சகோதரி” என்று கூறியது குறித்து கருத்து தெரிவித்த ராஜீவ் சந்திரசேகர், ‘விஜய் ஷாவின் கருத்து தரமற்ற மனப்பாங்கை காட்டுகிறது என்றும், பாஜக தலைவர் ஜே.பி. நட்டாவை உள்பட பலர் அவரை கண்டித்துள்ளனர் என்றும் கூறினார்.
துருக்கியை புறக்கணிப்பது குறித்து அவர், “இது இந்திய மக்களின் வேண்டுகோள். இதில் விவாதமே இல்லை. நாம்தான் நம்முடைய பணத்தை செலவிடுகிறோம். அது நம்மை விரோதமாக நினைக்கும் நாட்டுக்கு போக வேண்டுமா? ‘Boycott Turkey’ இயற்கையாக வளர்ந்துள்ளது,” என்றார்.
“கேரளாவில், பல்கலைக்கழக மாணவர்கள் துருக்கி பொருட்கள் மற்றும் விமான சேவைகளை புறக்கணிக்கிறார்கள். துருக்கிக்கு பயணிக்கவில்லை. அதற்கு பதிலாக, இலங்கை, தாய்லாந்து, இந்தோனேசியா, நேபாளம், ஜப்பான், கொரியா, அமெரிக்கா, ஐரோப்பா போன்ற நம்மோடு மனநிலை ஒத்த நாடுகளுக்கு போகிறார்கள்.” என்றும் அவர் தெரிவித்தார்.