இலங்கை ஊடகத் தகவலின்படி, ஸ்ரீலங்கன் எயர்லைன்ஸ் UL 122 என்ற விமானம், சென்னை விமான கட்டுப்பாட்டு மையத்தில் இருந்து வந்த எச்சரிக்கையின் பேரில், மிகுந்த முன்னேற்பாட்டுடன் சோதனைக்கு உட்படுத்தப்பட்டது.
4R-ALS என்ற விமானம், இன்று காலை முற்பகல் 11:59 மணி அளவில் கொழும்பு வந்ததுடன், பாதுகாப்பு தரப்பினர் விமானத்தை முழுமையாக சோதனை செய்தனர். இந்தியாவில் தேடப்பட்டு வரும் சந்தேகநபர் ஒருவரும், பஹல்காம் தாக்குதலுடன் தொடர்புடைய பயங்கரவாதிகளும் இதில் பயணித்திருக்கலாம் என்ற தகவலின் அடிப்படையில் இந்த சோதனை நடந்தது.
சோதனைக்கு பிறகு, எந்தவிதமான சந்தேகமும் தெரியாததால் விமானம் தொடர்ந்து இயக்கப்பட அனுமதிக்கப்பட்டது.
அதேவேளை, இந்த கட்டாய பாதுகாப்பு நடவடிக்கை காரணமாக, அடுத்த கட்டமாக திட்டமிடப்பட்ட UL 308 விமானம் தாமதமாகியது.
இதுகுறித்து ஸ்ரீலங்கன் எயர்லைன்ஸ் தெரிவித்திருப்பதாவது: “எங்கள் பயணிகள் மற்றும் பணியாளர்களின் பாதுகாப்பு எப்போதும் நமக்கு முதல் முன்னுரிமையாகும். அதற்கேற்ப அனைத்துத் தரத்தையும் உறுதி செய்யும் நடவடிக்கைகள் எடுக்கப்பட்டுள்ளன” என கூறப்பட்டுள்ளது.
