விபத்துக்குள்ளான விமானத்தில் முன்னாள் குஜராத் முதல்வர் பயணம் செய்தாரா? அதிர்ச்சி தகவல்..!

அகமதாபாத்தில் விமானம் விபத்துக்குள்ளான செய்தி இந்தியா முழுவதும் பெரும் அதிர்ச்சியை ஏற்படுத்தியுள்ள நிலையில்,  இந்த விமானத்தில் முன்னாள் குஜராத் முதல்வர் விஜய் ரூபாணி பயணம் செய்ததாக கூறப்படுவது பெரும் பரபரப்பை ஏற்படுத்தியுள்ளது.அகமதாபாத்தில் இருந்து லண்டனுக்கு சென்ற ஏர் இந்தியா விமானம் AI171, புறப்பட்ட ஒரு சில நிமிடங்களிலேயே விபத்துக்குள்ளானது. போயிங் 787-8 ட்ரீம்லைனர் ரகத்தை சேர்ந்த இந்த விமானம், பிற்பகல் 1:38 மணியளவில் புறப்பட்டு, சுமார் 5 நிமிடங்களுக்குள் அகமதாபாத் விமான நிலையத்திற்கு அருகிலுள்ள மேகானி நகர்/கோடா முகாம் பகுதியில் உள்ள குடியிருப்புப் பகுதியின் ஒரு கட்டிடத்தின் மேல் விழுந்து நொறுங்கியதாகக் கூறப்படுகிறது. விபத்து நடந்த இடத்தில் கரும்புகை சூழ்ந்துள்ளது.

விமானத்தில் பயணிகள் மற்றும் விமான ஊழியர்கள் என மொத்தம் 242 பேர் (230 பயணிகள், 12 பணியாளர்கள்) பயணம் செய்ததாகவும், அவர்களது நிலை என்ன என்பது குறித்து இன்னும் முழுமையாகத் தெரியவில்லை என்றும் கூறப்படுகிறது. விபத்து குறித்து உடனடி நடவடிக்கை எடுக்க பிரதமர் மோடி உத்தரவிட்டுள்ளதாகவும், மத்திய உள்துறை அமைச்சர் அமித்ஷா குஜராத் முதல்வரிடம் அனைத்து உதவிகளையும் மத்திய அரசு செய்யும் என்று உறுதி அளித்ததாகவும் செய்திகள் வெளியாகியுள்ளன.

இந்த நிலையில், விபத்துக்குள்ளான விமானத்தில் சில பிரபலங்கள் பயணம் செய்ததாக கூறப்படுகிறது. குறிப்பாக, முன்னாள் குஜராத் முதல்வர் விஜய் ரூபாணி பயணம் செய்ததாக தகவல்கள் வெளியாகியுள்ளன. இருப்பினும், இந்த தகவலை இன்னும் குஜராத் மாநில அரசோ அல்லது விஜய் ரூபாணியின் குடும்பத்தினரோ அதிகாரப்பூர்வமாக உறுதி செய்யவில்லை என்பது குறிப்பிடத்தக்கது.

விமான விபத்து, ஏர் இந்தியா, அகமதாபாத், லண்டன், விஜய் ரூபாணி, முன்னாள் முதல்வர், குஜராத், பயணிகள், மீட்புப் பணி, Plane Crash, Air India, Ahmedabad, London, Vijay Rupani, Former CM, Gujarat, Passengers, Rescue Operation, Breaking News