தமிழக அரசியல் களத்தில் சமீபத்தில் நடந்து முடிந்த சட்டமன்ற தேர்தலில் மாபெரும் வெற்றி பெற்று, முதலமைச்சராக பொறுப்பேற்றுள்ள தவெக தலைவர் விஜய், தனது அதிரடியான ஆட்டத்தை தற்போது முறைப்படி ஆரம்பித்துள்ளார். “மக்களுக்கு நல்லது செய்வோம், திருடர்களுக்கு தண்டனை வாங்கித் தருவோம்” என்ற ஒற்றை முழக்கத்துடன் களம் இறங்கியுள்ள புதிய அரசு, ஊழல்வாதிகளுக்கு எதிரான தனது முதல் பெரிய சாட்டையடியை பதிவு செய்துள்ளது. திராவிட பாரம்பரியக் கட்சிகளின் அரை நூற்றாண்டு கால ஆதிக்கத்தை வீழ்த்தி அரியணையில் அமர்ந்த விஜய், ஆட்சிக்கு வந்த சில நாட்களிலேயே முந்தைய திமுக அரசின் நகராட்சி நிர்வாகத்துறை அமைச்சராக இருந்த கே.என்.நேரு மீது லஞ்ச ஒழிப்புத்துறை மூலம் வழக்குப்பதிவு செய்ய உத்தரவிட்டு, ஒட்டுமொத்த அரசியல் வட்டாரத்தையும் அதிர வைத்துள்ளார்.
போக்குவரத்துத் துறையில் வேலைக்கு பணம் பெற்றுக்கொண்டு முறைகேடுகளில் ஈடுபட்டதாக எழுந்த புகாரில், அமலாக்கத்துறை வழங்கிய வலுவான ஆவணங்களின் அடிப்படையில் இந்த அதிரடி நடவடிக்கை பாய்ந்துள்ளது. இது வெறும் ஆரம்பம் மட்டும்தான் என்றும், முந்தைய ஆட்சியில் கோடிக்கணக்கில் மக்கள் பணத்தை சுருட்டிய மேலும் பல முன்னாள் அமைச்சர்களின் பட்டியலைத் தற்போதைய அரசு ரகசியமாக தயாரித்து வருவதாகவும் கோட்டை வட்டாரங்கள் தெரிவிக்கின்றன. அடுத்தடுத்து வரவிருக்கும் லஞ்ச ஒழிப்புத்துறையின் இந்த தொடர் நடவடிக்கைகள், தவறு செய்த எவரும் சட்டம் மற்றும் புதிய அரசின் பிடியிலிருந்து தப்ப முடியாது என்பதை மிக ஆணித்தரமாக உணர்த்துகின்றன.
பொதுமக்களின் வரிப்பணத்தில் கொள்ளையடிக்கப்பட்ட ஒரு ரூபாயை கூட இந்த அரசு சும்மா விடாது; கஜானாவை சூறையாடியவர்களிடமிருந்து அனைத்து ஊழல் பணத்தையும் சட்டப்படி மீட்டு, மீண்டும் அரசு கஜானாவை நிரப்புவோம்” என்ற விஜய்யின் தேர்தல் கால வாக்குறுதி, இப்போது அரசாணைகளாகவும், முதல் தகவல் அறிக்கைகளாகவும் மாற தொடங்கியுள்ளன. இதனால், இத்தனை காலம் ஆட்சியில் இருந்த தைரியத்தில் தங்களின் முறைகேடுகளை மறைத்துவிடலாம் என்று நினைத்த பழைய அரசியல் புள்ளிகள் பலரும் தற்போது செய்வதறியாது திகைத்துப் போயுள்ளனர். புதிய முதலமைச்சரின் இந்த அதிரடி பாய்ச்சல், தமிழ்நாட்டில் நிலவி வந்த லஞ்ச, ஊழல் கலாச்சாரத்திற்கு முற்றுப்புள்ளி வைக்கும் ஒரு மிக முக்கியமான மைல்கல்லாக பார்க்கப்படுகிறது.
முந்தைய ஆட்சிகளில் இதுபோன்ற ஊழல் வழக்குகள் அரசியல் காழ்ப்புணர்ச்சி காரணமாக போடப்படுவதாக கூறி, திரைமறைவு சமரசங்கள் மூலம் கிடப்பில் போடப்படுவதுதான் வழக்கமாக இருந்து வந்தது. ஆனால், எந்தவொரு அரசியல் பின்னணியோ அல்லது பாரம்பரிய கட்சிகளின் தயவோ இல்லாமல், மக்களின் பேராதரவோடு மட்டுமே தனித்து நின்று வென்றுள்ள விஜய் அரசு, இதுபோன்ற எந்தவொரு மிரட்டல்களுக்கும் அல்லது திரைமறைவு பேச்சுகளுக்கும் அஞ்சப்போவதில்லை என்பதை தனது முதல் நடவடிக்கையிலேயே நிரூபித்துள்ளது. “என்ன நடந்தாலும், எவ்வளவு பெரிய ஆளுமையாக இருந்தாலும் சட்டம் தன் கடமையை செய்யும், எல்லாவற்றையும் துணிச்சலோடு எதிர்கொள்வோம்” என்ற புதிய அரசின் அசாத்திய வேகம் அதிகாரிகளுக்கு புதிய புத்துணர்ச்சியைத் தந்துள்ளது.
இனிவரும் நாட்களிலும், பொதுமக்களின் நலனுக்கான தூய்மையான நிர்வாகத்தை வழங்குவதோடு, முந்தைய முறைகேடுகளை முழுமையாக விசாரித்து தண்டனை பெற்று தருவதில் இந்த அரசு மிக தீவிரமாகச் செயல்படும் என தெரிகிறது. அமைச்சர்கள் மீதான லஞ்ச ஒழிப்புத்துறை வழக்குகள், முடக்கப்பட்ட சொத்துக்களை மீட்டெடுத்தல், அரசு துறைகளில் நிலவும் லஞ்ச ஒழிப்பு போன்ற தொடர்ச்சியான அதிரடிகள் மூலம் தமிழகத்தின் நிர்வாக கட்டமைப்பையே முழுமையாக மாற்றியமைக்க விஜய் திட்டமிட்டுள்ளார். ஆட்சிக்கு வந்த குறுகிய காலத்திலேயே நிர்வாகத்திலும், சட்ட ஒழுங்கிலும் இத்தகைய கடுமையான முடிவுகளை எடுத்து வருவது, புதிய முதலமைச்சரின் தீர்க்கமான அரசியல் பார்வையை வெளிப்படுத்துகிறது.
எனவே, தமிழக மக்களே, “உங்களின் வாக்குகளுக்கு மதிப்பளித்து, ஒரு நேர்மையான மற்றும் தூய்மையான ஆட்சியை வழங்குவதில் நாங்கள் உறுதியாக இருக்கிறோம்; எதற்கும் அஞ்சாமல் முழு நம்பிக்கையோடு இருங்கள், தமிழ்நாட்டில் இனி நல்லதே நடக்கும்” என்ற புதிய அரசின் செயல்வடிவமே இந்த கே.என்.நேரு மீதான வழக்காகும். காலம் காலமாகத் தொடர்ந்த ஊழல் சங்கிலியை உடைத்து, கஜானாவை மீட்கும் இந்த வரலாற்றுச் சிறப்புமிக்க ஆட்டத்தில் விஜய் எடுத்து வைத்துள்ள முதல் அடி, தமிழக அரசியலில் ஒரு புதிய விடியலையும், தூய்மையான எதிர்காலத்தையும் நிச்சயம் உருவாக்கும் என்பதில் ஐயமில்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
