நசீம் பலூச் உரையில், “காத்திருக்க வேண்டிய காலம் முடிந்துவிட்டது. இப்போதுதான் விடுதலைக்கான நேரம், பஷ்தூன் மக்கள் இனியும் காத்திருக்க வேண்டாம். உங்கள் விடுதலைக்காக உரிமை கேளுங்கள். பலூச், சிந்தி மக்களுடன் கை கோர்த்து விடுதலைக்கான ஒரே போரில் ஈடுபடுங்கள். ஏனெனில் நாமெல்லாம் வெவ்வேறு போர்கள் இல்லை, ஒரே அடக்குமுறைக்கு எதிராக ஒரே போர்தான்!” என்றார்.
பாகிஸ்தான் அரசு பலூச், பஷ்தூன், சிந்தி மக்களிடம் தொடர்ந்து கொலை, கடத்தல், ஒடுக்குதல், பிரிப்புத் தந்திரம், பொருளாதார சுரண்டல் போன்ற வழிகளால் அடக்குமுறையை கட்டியெழுப்பி வருகிறது என நசீம் பலூச் கடுமையாக குற்றம்சாட்டினார். “பாகிஸ்தான் அரசு எப்போதும் நம்மைப் பற்றி நம்பிக்கை கொள்ளாது. அது எப்போதும் நம்மை துரோகம் செய்துதான் வந்திருக்கிறது” என்று கூறினார்.
பலூசிஸ்தான் என்பது பாகிஸ்தானின் பொருளாதார கொள்ளைக்கு பலியாக இருக்கிறது என நசீம் பலூச் குற்றம்சாட்டினார். “இங்கு உள்ள தங்கம், செம்பு, எரிவாயு போன்ற வளங்களை பாகிஸ்தான் அரசு கொள்ளையடித்து வருகிறது. ஆனால் பஷ்தூன்கள் வறுமை, பசி, நோய்கள் என கடுமையாக பாதிக்கப்பட்டுள்ளனர்” என்றார்.
மேலும், மனித உரிமைகளைப் பேசும் சில உலக நாடுகள், பாகிஸ்தான் அரசுக்கு பில்லியன் கணக்கில் ராணுவ உதவி அனுப்புகிறார்கள், அது தான் பலூச் மற்றும் பஷ்தூன் குழந்தைகளை கொல்லும் பாகிஸ்தான் இராணுவத்துக்கு ஆதாரமாகிறது என்றார்.
நசீம் பலூச் கூறினார்: “எங்களுக்கு சிறப்புரிமை வேண்டாம், சமத்துவம் வேண்டும். எங்களுக்கு தர்மங்கள் வேண்டாம், உரிமைகள் வேண்டும். எங்களுக்கு பிறரை ஆள வேண்டிய ஆசை இல்லை. நாங்கள் எங்களை நாமே ஆள்வதற்கான உரிமையே வேண்டும்.” என்று கூறியுள்ளார். இதனால் பாகிஸ்தானில் இருந்து பலுசிஸ்தானம் பிரிய வாய்ப்பு இருப்பதாக கூறப்படுகிறது.
