தமிழக அரசியல் வரலாற்றில் தனி ஒரு மனிதனாக நின்று மிகப்பெரிய அதிகார சக்திகளை எதிர்கொள்வது என்பது சாதாரணமான காரியமல்ல. 108 எம்.எல்.ஏக்களை வென்று காட்டிய ஒரு கட்சித் தலைவரை, ஆட்சி அதிகாரத்திற்கு வரவிடாமல் தடுக்க முப்பதுக்கும் மேற்பட்ட கட்சிகள் ஓரணியில் திரள்வது என்பது அந்தத் தனி ஒருவரின் செல்வாக்கைக் கண்டு அனைவரும் அஞ்சுகிறார்கள் என்பதையே காட்டுகிறது.
இத்தனை எதிர்ப்புகளையும், சதிகளையும் முறியடித்து வெற்றி பெற்ற பிறகும், தேவையற்ற விமர்சனங்களுக்குப் பதில் சொல்லாமல் அமைதி காப்பது தான் ஒரு முதிர்ச்சியுள்ள தலைவருக்கு அழகு. விஜய் தற்போது கடைபிடித்து வரும் இந்த மௌனம், அவரைத் தனிப்பட்ட முறையில் தாக்கும் எதிரிகளுக்குக் கொடுக்கப்படும் மிகச்சிறந்த பதிலடியாகவே பார்க்கப்படுகிறது.
குறிப்பாக, ஒரு காலத்தில் செல்வாக்கோடு இருந்துவிட்டு இன்று ஒரே ஒரு சட்டமன்ற உறுப்பினரை மட்டுமே வைத்துக் கொண்டிருக்கும் டிடிவி தினகரன் போன்றவர்கள், விஜய்யின் அரசியல் வளர்ச்சியைப் பார்த்து விமர்சிப்பது நகைப்புக்குரிய ஒன்றாக இருக்கிறது. தனது கட்சியின் பலம் என்ன என்பதை உணராமல், மக்கள் செல்வாக்குள்ள ஒரு தலைவரை நோக்கி வன்மத்தை கக்குவது அரசியல் காழ்ப்புணர்ச்சியின் உச்சமாகும். இத்தகைய விமர்சனங்கள் விஜய்யின் புகழை குறைக்கப்போவதில்லை; மாறாக, எளிய மக்களின் ஆதரவை பெற்று அவர் மென்மேலும் வளர்வதற்கே இது வழிவகுக்கும். விஜய்யின் மீது காட்டப்படும் இந்த தேவையற்ற கோபமும் வன்மமும், அவர் சரியான பாதையில் செல்கிறார் என்பதையே மீண்டும் மீண்டும் உறுதிப்படுத்துகிறது.
விஜய் தரப்பு எப்போதுமே தன்னை தாக்கும் நபர்களுடன் மல்லுக்கட்டாமல், மக்களின் நலனில் மட்டுமே கவனம் செலுத்தி வருகிறது. முப்பது கட்சிகள் ஒன்றாக திரண்டு வந்தாலும், அவர்களுக்கு பின்னால் இருப்பது அதிகார பலம் மட்டுமே; ஆனால் விஜய்க்கு பின்னால் இருப்பது உண்மையான மக்கள் சக்தி. ஜனநாயகத்தில் எத்தனையோ கூட்டணிகள் உருவாவதும் மறைவதும் வழக்கம் என்றாலும், ஒரு தனி மனிதனை வீழ்த்துவதற்காக மட்டுமே இத்தனை கட்சிகள் கைகோர்ப்பது விஜய்யின் அசுர வளர்ச்சியை பறைசாற்றுகிறது. இத்தனை நெருக்கடிகளுக்கு மத்தியிலும் அவர் அமைதியாக இருப்பது, தனது இலக்கின் மீது அவர் கொண்டுள்ள அசைக்க முடியாத நம்பிக்கையை வெளிப்படுத்துகிறது.
தற்போது விஜய்க்கு தொல்லை கொடுத்து வரும் கட்சிகள் அனைத்தும், மக்கள் தீர்ப்பை மீண்டும் ஒருமுறை சந்திக்கும்போது காணாமல் போகும் என்பதுதான் நிதர்சனம். மக்கள் எப்போதுமே உண்மையான உழைப்பையும், நேர்மையான அரசியலையும் அங்கீகரிக்க தவறுவதில்லை. “விஜய்க்கு எதிராக எத்தனை பேர் வந்தாலும், மக்கள் மீண்டும் ஒருமுறை அவர்களுக்கு பாடம் புகட்டுவார்கள்” என்ற தொண்டர்களின் குரல் தமிழகம் முழுவதும் ஒலிக்க தொடங்கியுள்ளது. ஒருமுறை வாய்ப்பு கிடைக்கும்போது, விஜய்யை சிதைக்க நினைத்த சக்திகள் அனைத்தும் அரசியலிலிருந்தே அப்புறப்படுத்தப்படும் சூழல் உருவாகும் என்பதில் ஐயமில்லை.
முடிவாக, தமிழக அரசியல் களம் ஒரு பெரும் மாற்றத்தை எதிர்நோக்க் காத்திருக்கிறது. அதிகாரம் இருப்பவர்களின் ஆட்டமும், ஒரு சில எம்.எல்.ஏக்களை வைத்து கொண்டு ஆடுபவர்களின் பேச்சும் தற்காலிகமானவை. ஆனால், மக்களை நம்பி அமைதியாக களம் காணும் விஜய்யின் பயணம் நிலையானது. தவெகவினர் கூறுவது போல, இந்த அடக்குமுறைகளும் வன்மங்களும் விஜய்யை இன்னும் வலிமையாக்கும். வரும் காலங்களில் விஜய்க்கு தடையாக இருக்கும் அத்தனை முட்டுக்கட்டைகளும் உடைக்கப்பட்டு, மக்கள் ஆதரவுடன் அவர் சிம்மாசனத்தில் அமரும்போது, இன்று சத்தம் போடும் பல கட்சிகள் முகவரியற்று போவதை தமிழகம் நேரடி சாட்சியாக காணத்தான் போகிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
