மும்பையில் மூன்று வயது சிறுமி தனது தாயாருடன் சாலையில் நடந்து சென்று கொண்டிருந்தபோது ஐந்தாவது மாடியில் இருந்து சிறுமி மேல் நாய் கீழே விழுந்ததாகவும் இதில் பலத்த காயம் அடைந்த சிறுமி உயிரிழந்ததாகவும் வெளிவந்துள்ள செய்தி அதிர்ச்சியை ஏற்படுத்தி உள்ளது.
மும்பையில் பிஸியான பகுதிகளில் ஒன்றான அம்ரித் நகர் பகுதியில் 3 வயது சிறுமி தனது தாயாருடன் மாலை நான்கு முப்பது மணி அளவில் சாலையில் நடந்து கொண்டிருந்தார். அப்போது திடீரென அங்கிருந்த ஒரு கட்டிடத்தின் ஐந்தாவது மாடியில் இருந்து நாய் ஒன்று கீழே விழுந்தது.
அந்த நாய் சரியாக சிறுமியின் மீது விழுந்ததை அடுத்து சிறுமி படுகாயம் அடைந்தார். இதனை அடுத்து அந்த சிறுமியின் தாயார் உடனடியாக மருத்துவமனைக்கு அழைத்துச் சென்ற நிலையில் மருத்துவர்கள் சிறுமிக்கு சிகிச்சை அளித்துக் கொண்டிருந்தபோதே உயிரிழந்துவிட்டார். இதனை அடுத்து அந்த காய் அழுத காட்சியை கண்ணீரை வரவழைத்தது.
இந்த நிலையில் இது குறித்து தாயாரின் புகாரை அடுத்து நாயின் உரிமையாளர் மீது வழக்கு பதிவு செய்யப்பட்டுள்ளதாக கூறப்படுகிறது. நாயின் உரிமையாளர் அந்த நாயை தனது வீட்டில் வளர்க்க முறையான அனுமதி பெற்று இருந்தாரா? நாய் கீழே விழுந்தது எப்படி? என்பது குறித்து விசாரணை நடந்து வருகிறது.
இந்த நிலையில் கீழே விழுந்த நாய்க்கும் காலில் படுகாயம் அடைந்த நிலையில் கால்நடை மருத்துவமனையில் அனுமதிக்கப்பட்டுள்ளதாக கூறப்படுகிறது. இந்த சம்பவம் அந்த பகுதியில் பெரும் அதிர்ச்சியை ஏற்படுத்தியுள்ளது.
https://x.com/sirajnoorani/status/1821119806222864757