நாக்பூரைச் சேர்ந்த ஒரு பெண், லடாக்கில் கார்கில் மாவட்டத்தில் உள்ள Line of Control அருகே இருக்கும் ஒரு தொலைதூர கிராமத்தில் திடீரென மாயமானார். அவரது வயது 15 ஆன மகனுடன் பயணம் செய்தபோது, திடீரென காணாமல் போனதாக தகவல்கள் வெளியாகியுள்ளது. இந்த சம்பவம் மே 14ம் தேதி நடந்தது என விசாரணையில் தெரிய வந்துள்ளது.
இந்தியா மற்றும் பாகிஸ்தான் இடையே குறுகிய ராணுவ மோதலைத் தொடர்ந்து மே 10ம் தேதி இருதரப்பும் தாக்குதலை நிறுத்துவது குறித்த ஒப்பந்தம் செய்த 4 நாட்களில் இந்த சம்பவம் நடந்துள்ளது.
பல செய்தித் தொலைக்காட்சிகள் மற்றும் பத்திரிகைகளின் தகவல்படி, அந்த பெண் மே 9ம் தேதி தனது மகனுடன் கார்கிலில் உள்ள ஓர் ஹோட்டலில் தங்கியிருந்தார். ஆனால் மே 14ம் தேதி காலை, அவர் தனியாக ஹோட்டலிலிருந்து வெளியே சென்றார். அதன் பின் திரும்பவே இல்லை. ஹோட்டல் ஊழியர்கள் நாள் முழுவதும் காத்திருந்தனர். ஆனால் அவர் இரவுக்கு பிறகும் வரவில்லை என்பதால், அவர்கள் உள்ளூர் காவல்துறையை தொடர்பு கொண்டனர்.
38 வயதான அந்த பெண் Line of Control மிக அருகிலுள்ள “ஹூந்தர்பான்” (Hunderban) என்ற மிக ஒதுக்குப்புறமான கிராமத்துக்கு சென்றிருந்தார். இது இந்திய எல்லையின் கடைசி குடியிருப்பாக கருதப்படுகிறது.
கார்கில் உதவி காவல் கண்காணிப்பாளர் (Additional SP) நிதின் யாதவ் கூறுகையில்: “நாங்கள் ஒரு சிறப்பு குழுவை அமைத்து அந்த பெண்ணை தேடி வருகிறோம். எல்லா கோணங்களிலுமே விசாரணை நடத்தப்பட்டு வருகிறது. அந்த பெண்ணின் மகன் கூறியதுபடி, லடாக்கை அடைந்ததற்கு முன்பே அவர்கள் எல்லை அருகிலுள்ள பல பகுதிகளுக்கு பயணம் செய்துள்ளனர்,” என அவர் தெரிவித்தார்.
Line of Control மிக அருகிலுள்ள இடம் என்பதால், பாதுகாப்பு கோணங்கள், தற்செயலாக எல்லையை கடந்திருக்கலாம் அல்லது வேறு சில மோசமான சூழ்நிலைகளில் சிக்கிக் கொண்டிருக்கலாம் என்ற கோணங்களில் விசாரணை தீவிரப்படுத்தப்பட்டுள்ளது.
பெண் காணாமல் போனதற்கு இரண்டு நாட்களுக்குப் பிறகும், அவர் பற்றிய எந்தத் தடயமும் கிடைக்கவில்லை. நாக்பூரில் உள்ள அவரது குடும்பத்துடன் தொடர்பு கொண்டு, பின்னணி விவரங்களை சேகரிப்பதில் போலீசார் ஈடுபட்டுள்ளனர்.
பாதுகாப்பு தொடர்பான சந்தேகங்கள், மனநல சிக்கல்கள், சாத்தியமான உளவுத்துறை தொடர்புகள் என அனைத்து வழிகளும் விசாரணையில் எடுத்துக்கொள்ளப்பட்டுள்ளன.
இந்த இடம் பாகிஸ்தானுக்கு மிக அருகாமையில் இருப்பதால், விசாரணைக்கு மிகுந்த முக்கியத்துவம் கொடுக்கப்படும் என அதிகாரிகள் தெரிவித்தனர்.
