சத்குருவின் புதிய தியான செயலி Miracle of Mind இணையத்தில் பெரும் பரபரப்பை ஏற்படுத்தியுள்ளது. 15 மணி நேரத்தில், 10 லட்சத்திற்கும் அதிகமானோர் இதை டவுன்லோடு செய்துள்ளனர். இந்த எண்ணிக்கை Chat GPT அறிமுகமான நான்கு நாட்களில் பெற்ற டவுன்லோடை விட அதிகம்.
மகாசிவராத்திரியன்று அதாவது பிப்ரவரி 26 அன்று அறிமுகமான இந்த செயலி, இந்தியா, அமெரிக்கா, கனடா, ஆஸ்திரேலியா, ஜெர்மனி உள்ளிட்ட 20 நாடுகளில் டிரெண்டிங் ஆக உள்ளது. இது எளிமையாக, இலவசமாகவும் இருப்பதுடன், யாரும் பின்பற்றக்கூடிய வேகமான 7 நிமிட வழிகாட்டும் தியானத்தையும் வழங்குவது தான் ஒரே காரணம்.
மேலும் Miracle of Mind என்ற செயலி ஆன்மீக அறிவை பகிரும் AI-சக்தியுள்ள கருவியையும் கொண்டுள்ளது. இந்த செயலி எதிர்பார்த்ததை விட அதிக ஆதரவை பெற்ற நிலையில், சத்குரு X பக்கத்தில் மனநல பிரச்சினைகள் குறித்து கவலை வெளியிட்டார். “2050க்குள் உலக மக்கள் தொகையின் மூன்றில் ஒரு பங்கை மனநல சிக்கல்கள் பாதிக்கக்கூடும்,” என்று அவர் எச்சரித்துள்ளார்.
