ஜம்மு காஷ்மீரில் இயற்கை அழகுக்கு பெயர் பெற்ற பஹல்காம் பகுதியில் நடந்த பயங்கர தீவிரவாத தாக்குதல் நாட்டையே உலுக்கியது. இந்த தாக்குதலில் 26 சுற்றுலா பயணிகள் உயிரிழந்தது கடும் அதிர்ச்சியை ஏற்படுத்தியுள்ளது.
இந்த சம்பவத்தை தொடர்ந்து, பஹல்காம் காவல் நிலையத்தின் ஸ்டேஷன் ஹவுஸ் ஆபிசர் இடமாற்றம் செய்யப்பட்டுள்ளார். மேலும் அந்த காவல் நிலையத்தில் பணிபுரிந்த உயர் நிலை போலீஸ் இன்ஸ்பெக்டர்கள் உடனடியாக மாற்றப்பட்டுள்ளனர். இது பாதுகாப்பு குறைபாடுகளை சரி செய்யும் முக்கிய நடவடிக்கையாக பார்க்கப்படுகிறது.
இதுகுறித்து நேற்று வெளியிடப்பட்ட உத்தரவில், இடமாற்றம் செய்யப்பட்ட அனைவரும் அனந்த்நாக் மாவட்டத்திற்கு மாற்றப்பட்டனர். இதில் 6 போலீஸ் இன்ஸ்பெக்டர்கள் இடம்பெற்றுள்ளனர். அவர்களின் பெயர், பழைய பணியிடம் மற்றும் புதிய பதவிகள் குறிப்பிடப்பட்டுள்ளது. இந்த மாற்றம், பாதுகாப்பு சூழ்நிலையின் தீவிரத்தை வெளிப்படுத்துகிறது.
பாகிஸ்தானை சேர்ந்த தீவிரவாதிகள் இந்த தாக்குதலை நடத்தியதாக தெரிவிக்கப்படுகிறது. இது போலீசின் பாதுகாப்பு அமைப்பின் செயல்திறனைப் பற்றிய கேள்விகளை எழுப்பியுள்ளது. இதையடுத்து, காவல் துறை மிக முக்கியமான முடிவுகளை எடுத்துள்ளது.
இடமாற்றம் செய்யப்பட்டவர்களின் விவரங்கள்:
இன்ஸ்பெக்டர் அப்துல் ரஷீத் – ஐஷ்முகாம் போலீஸ் நிலைய SHO
இன்ஸ்பெக்டர் நிசார் அகமது – ஸ்ரிகுஃப்வாரா SHO
இன்ஸ்பெக்டர் பீர் அகமது – பஹல்காம் SHO
இன்ஸ்பெக்டர் ரியாஸ் அகமது – அனந்த்நாக் மாவட்ட போலீஸ் லைனில் மாற்றம்
இன்ஸ்பெக்டர் சலீந்தர் சிங் – அனந்த்நாக் மாவட்ட போலீஸ் லைனில் மாற்றம்
இன்ஸ்பெக்டர் பர்வேஸ் அகமது – கொகர்நாக் SHO
இந்த இடமாற்ற உத்தரவை அனந்த்நாக் மாவட்ட மூத்த காவல் கண்காணிப்பாளர் வெளியிட்டுள்ளார். பஹல்காம் தாக்குதலுக்குப் பிறகு நடவடிக்கை எடுக்க அதிகாரிகள்மீது அழுத்தம் இருந்ததால் இந்த இடமாற்ற நடவடிக்கை எடுக்கப்பட்டதாக கூறப்படுகிறது.
