மேலும், பாகிஸ்தான் உயர் ஆணையத்தில் பணியாற்றும் டேனிஷ் என்ற ஒருவரால் ஜோதி ‘ஹனி டிராப்’ செய்யப்பட்டதாகவும், அவர் பாகிஸ்தான் இன்டர் சர்வீசஸ் இன்டெலிஜென்ஸ் அமைப்புடன் தொடர்புடையவராக இருக்கலாம் எனவும் தெரிவிக்கப்பட்டுள்ளது.
ஜோதி மீது பாகிஸ்தான் ISI முகவர்களுக்கு முக்கிய ரகசிய தகவல்களை வழங்கியதற்காக கைது செய்யப்பட்டுள்ளார். இந்த தகவல்களை ஜம்மு மற்றும் காஷ்மீரின் முன்னாள் டிஜிபி சேஷ்பால் வைத் தெரிவித்துள்ளார்.
“பாகிஸ்தான் உயர் ஆணையத்தில் பணியாற்றும் டேனிஷ் எனும் நபரால் ‘ஹனி டிராப்’ செய்யப்பட்ட யூடியூபர் ஜோதி மல்ஹோத்ரா, 2025 ஜனவரியில் பஹல்காமை பார்வையிட்டது ஒரு திட்டமிடலா? அவரால் ISI முகவர்களுக்கு முக்கிய தகவல்கள் வழங்கப்பட்டதா? என்பது குறித்து விசாரணை நடைபெற்று வருவதாக தெரிவித்துள்ளார்.
“பாகிஸ்தான், சீனா, தற்போது பங்களாதேஷ் போன்ற எதிரிகள் நாடுகளின் தூதரகங்கள் அல்லது நாட்டை அடிக்கடி பார்வையிடுவோரின் மீது நம் நுண்ணறிவு அமைப்புகள் கண்காணிப்பை வைத்திருப்பது வழக்கம்,” என்றும் அவர் கூறினார்.
ஜோதி மே 17ஆம் தேதி கைது செய்யப்பட்டு, பாகிஸ்தான் நுண்ணறிவு முகவர்களுக்கு தகவல் வழங்கியதற்காக குற்றச்சாட்டு சுமத்தப்பட்டுள்ளது.
யூடியூபில் ‘Travel with JO’ என்ற சேனலை நடத்தும் ஹரியானா மாநில ஹிசார் பகுதியை சேர்ந்த ஜோதி மல்ஹோத்ரா, 2024 செப்டம்பரில் ஓடிசாவின் பூரி நகரத்திற்கு பயணம் செய்ததோடு, அங்கே உள்ள ஒரு பெண் யூடியூபருடன் தொடர்பு கொண்டிருந்தார் என பூரி மாவட்ட காவல் கண்காணிப்பாளர் வினித் அகர்வால் PTI செய்தி நிறுவனத்திற்கு தெரிவித்தார்.
ஜோதியின் யூடியூப் சேனலில் 3.77 லட்சம் சந்தாதாரர்கள் மற்றும் இன்ஸ்டாகிராம் பக்கத்தில் 1.33 லட்சம் பின்தொடர்பவர்கள் உள்ளனர். அவர் பாகிஸ்தான் உயர் ஆணையத்தில் பணியாற்றும் ஒரு அதிகாரியுடன் தொடர்பில் இருந்ததாகவும், அவர் டெல்லியில் இருந்துள்ளார் என்றும் தெரிவிக்கப்பட்டுள்ளது. மே 13ஆம் தேதி, இந்தியா அந்த பாகிஸ்தான் அதிகாரியை உளவு நடவடிக்கைகளில் ஈடுபட்டதாகக் கூறி நாடு கடத்தியது.
பூரியில் ஜோதியை சந்தித்த அந்த பெண், சமீபத்தில் பாகிஸ்தானில் உள்ள கர்த்தார்பூர் சாஹிப் குருத்வாராவுக்கும் பயணித்திருந்ததாக காவல்துறை கூறியுள்ளது.
‘ஆபரேஷன் சிந்தூர்’ என்ற பெயரில் நடந்து வரும் நடவடிக்கையின் தொடக்கத்திலிருந்து, இந்தியாவில் உளவு செய்து, பாகிஸ்தானின் ISI அமைப்புக்கு தகவல் வழங்கியதாக ஜோதி உட்பட 6 பேர் கைது செய்யப்பட்டுள்ளனர்.
கைதானவர்கள் அனைவரும் ISI அமைப்புடன் தொடர்ச்சியாக தொடர்பில் இருந்து, எதிரி நாட்டுக்கு முக்
