தனுஷ் தமிழ் சினிமாவின் முன்னணி நடிகர் தற்போது வளர்ந்து வரும் பிரபலமான இயக்குனராக இருக்கிறார். இவரது தந்தை கஸ்தூரிராஜா தமிழ் சினிமாவில் பணியாற்றிய இயக்குனர் மற்றும் இவரது சகோதரர் செல்வராகவன் தமிழ் சினிமாவில் இயக்குனராகவும் நடிகராகவும் இருந்து வருகிறார்.
2002 ஆம் ஆண்டு துள்ளுவதோ இளமை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார் தனுஷ். ஆரம்பத்தில் இவரது தோற்றத்திற்காக மிகவும் கேலி கிண்டலுக்கு உள்ளானார். ஆனால் அதையும் தாண்டி தற்போது பல வெற்றி திரைப்படங்களில் நடித்து முன்னணி நடிகராக இருக்கிறார்.
இயக்குனராக தற்போது புது அவதாரம் எடுத்துள்ள தனுஷ் சமீபத்தில் ராயன் என்ற திரைப்படத்தை இயக்கினார். அது நூறு கோடி வசூலை பெற்றது. அதை தொடர்ந்து தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வெளியிட்டார். ஆனால் இது எதிர்பார்த்த அளவு போகவில்லை. அடுத்ததாக தனுஷ் இயக்கத்தில் இட்லி கடை மற்றும் அவர் நடிப்பில் குபேரா ஆகிய திரைப்படங்கள் வெளிவர இருக்கிறது.
இந்நிலையில் குபேரா திரைப்படத்தின் கதை லீக்காகி இருக்கிறது. அது என்னவென்றால், ஒரு நேர்மையான வருமான வரித்துறை அதிகாரி தனது கடமைகளை செய்ய முயலும் போது அவரது மேலாளரின் சூழ்ச்சியினால் சிறைக்கு செல்கிறார். சிறையிலிருந்து வெளியே வந்தவுடன் தனது மேலாளரை பழிவாங்க வேண்டும் என்று நினைக்கிறார். அப்போது பிச்சைக்காரனாக இருக்கும் தனுஷ் அவரது வாழ்க்கையில் நுழையும் போது என்ன ஆகிறது என்பது மீதி கதை என்று கூறப்படுகிறது. ரசிகர்களிடையே இந்த படத்திற்கு மிகுந்த எதிர்பார்ப்பு இருந்து வருகிறது.
