தனுஷ் தமிழ் சினிமாவின் முன்னணி நடிகர் தற்போது வளர்ந்து வரும் பிரபலமான இயக்குனராக இருக்கிறார். இவரது தந்தை கஸ்தூரிராஜா தமிழ் சினிமாவில் பணியாற்றிய இயக்குனர் மற்றும் இவரது சகோதரர் செல்வராகவன் தமிழ் சினிமாவில் இயக்குனராகவும் நடிகராகவும் இருந்து வருகிறார்.
2002 ஆம் ஆண்டு துள்ளுவதோ இளமை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார் தனுஷ். ஆரம்பத்தில் இவரது தோற்றத்திற்காக மிகவும் கேலி கிண்டலுக்கு உள்ளானார். ஆனால் அதையும் தாண்டி தற்போது பல வெற்றி திரைப்படங்களில் நடித்து முன்னணி நடிகராக இருக்கிறார்.
இயக்குனராக தற்போது புது அவதாரம் எடுத்துள்ள தனுஷ் சமீபத்தில் ராயன் என்ற திரைப்படத்தை இயக்கினார். அது நூறு கோடி வசூலை பெற்றது. அதை தொடர்ந்து தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வெளியிட்டார். ஆனால் இது எதிர்பார்த்த அளவு போகவில்லை. அடுத்ததாக தனுஷ் இயக்கத்தில் இட்லி கடை படம் வெளிவர இருக்கிறது.
தற்போது தனுஷ் நாகார்ஜுனா ராஷ்மிகா நடித்த குபேரா திரைப்படம் இரண்டு நாட்களுக்கு முன்பு வெளியாகி நல்ல விமர்சனங்களை பெற்று வருகிறது. ஏற்கனவே தனுஷ் இயக்கிய ராயன் திரைப்படம் முதல் நாள் வசூல் 25 கோடியாக இருந்தது. தற்போது குபேரா திரைப்படம் உலக அளவில் முதல் நாளே 30 கோடி கலெக்ஷன் செய்திருக்கிறது. அதனால் தனுஷ் தன்னை மெருகேற்றியே வருகிறார். ஒவ்வொரு படத்திலும் அவரது பெர்ஃபார்மன்ஸ் நம்மளை ஏமாற வைப்பதில்லை என்று ரசிகர்கள் புகழ்ந்து பேசி வருகிறார்கள்.
