பா ரஞ்சித் தமிழ் சினிமாவில் பணியாற்றும் திரைப்பட இயக்குனர், திரைப்பட தயாரிப்பாளர் மற்றும் திரைக்கதை எழுத்தாளர் ஆவார். இவர் சென்னை ஆவடியில் பிறந்து வளர்ந்தவர். படிக்கும் காலத்தில் இருந்தே சினிமாவில் சாதிக்க வேண்டும் என்ற எண்ணத்தை கொண்டிருந்தவர் பா ரஞ்சித். ஆண்டுதோறும் நடைபெறும் திரைப்பட விழாக்களில் தவறாமல் கலந்து கொள்வார் பா ரஞ்சித்.
ஆரம்பத்தில் இயக்குனர் சிவசண்முகத்திடம் உதவி இயக்குனராக பணிபுரிந்தார். பின்னர் வெங்கட் பிரபுவுடன் இணைந்து சென்னை 600028 என்ற திரைப்படத்தில் உதவி இயக்குனராக பணிபுரிந்தார். பின்னர் 2011 ஆம் ஆண்டு மிகவும் லோ பட்ஜெட்டை கொண்டு அட்டகத்தி என்ற திரைப்படத்தை இயக்கினார் பா ரஞ்சித். யாரும் எதிர்பாராத விதமாக இந்த திரைப்படம் நல்ல விமர்சனங்களை பெற்று வெற்றி பெற்றது. பின்னர் 2014 ஆம் ஆண்டு கார்த்தியை வைத்து கமர்சியல் படமான மெட்ராஸ் திரைப்படத்தை இயக்கினார். இத்திரைப்படம் பிளாக்பஸ்டர் ஹிட் ஆனது.
பின்னர் 2016 மற்றும் 2018 ஆம் ஆண்டுகளில் சூப்பர் ஸ்டார் ரஜினிகாந்த் அவர்களை வைத்து கபாலி மற்றும் காலா திரைப்படங்களை இயக்கி நட்சத்திர அந்தஸ்தை பெற்று முன்னணி இயக்குனர்களுள் ஒருவரானார் பா ரஞ்சித். பின்னர் 2021 ஆம் ஆண்டு சார்பட்டா பரம்பரை என்ற திரைப்படத்தை நடிகர் ஆர்யாவை வைத்து இயக்கினார். வித்தியாசமான கதைக்களம் கொண்ட இந்த திரைப்படம் அனைவரின் பாராட்டையும் பெற்றது. பின்னர் 2022 ஆம் ஆண்டு நட்சத்திரம் நகர்கிறது, 2024 இல் சமீபத்தில் தங்கலான் திரைப்படத்தை இயக்கி வெளியிட்டுள்ளார் பா. ரஞ்சித். இந்த திரைப்படம் திரையரங்குகளில் வெற்றிகரமாக ஓடிக்கொண்டிருக்கிறது.
இயக்குனராக மட்டுமல்லாமல் தயாரிப்பாளராக நீலம் ப்ரடக்ஷன் என்ற தயாரிப்பு கம்பெனியை வைத்து பல திரைப்படங்களை தயாரித்தும் வருகிறார் பா ரஞ்சித். பரியேறும் பெருமாள், பொம்மைநாயகி, இரண்டாம் உலகப் போரில் கடைசி குண்டு ஆகிய திரைப்படங்களை தயாரித்து உள்ளார். தற்போது தங்கலான் படத்தின் ஹிந்தி பிரமோஷன் விழாக்களில் கலந்து கொண்டு வருகிறார் பா ரஞ்சித். அதில் அவர் சினிமாவின் மீதான தன்னுடைய பார்வையை பற்றி பகிர்ந்து கொண்டுள்ளார்.
அவர் கூறியது என்னவென்றால் இந்தியாவில் சாதி கொடுமை அதிகமாக நடக்கிறது. நான் கற்ற சினிமா கலையின் மூலம் இதையெல்லாம் மக்களுக்கு தெரியப்படுத்த விரும்புகிறேன். ஒரு சினிமாவின் மூலம் மக்களை மகிழ்ச்சியூட்ட மட்டுமே விரும்பவில்லை. அவர்களை அறிவூட்டவும் விரும்புகிறேன் என்று கூறியுள்ளார் பா ரஞ்சித்.