பிரதீப் ரங்கநாதன் தமிழ் சினிமாவில் வளர்ந்து வரும் இயக்குனர் மற்றும் நடிகராவார். இவர் ஆரம்பத்தில் குறும்படங்களை இயக்கியதன் மூலம் தனது சினிமாவில் தனது கேரியரை தொடங்கினார். அதற்கு பிறகு படத்தொகுப்பு உதவி இயக்குனர் என பல பணிகளை செய்து வந்தார்.
2019 ஆம் ஆண்டு ஜெயம் ரவியை வைத்து கோமாளி என்ற திரைப்படத்தை இயக்கினார் பிரதீப் ரங்கநாதன். இந்த திரைப்படம் நல்ல விமர்சனங்களை பெற்று வெற்றி பெற்றது. அதை தொடர்ந்து 2021 ஆம் ஆண்டு லவ் டுடே என்ற படத்தை இயக்கி அதன் மூலம் நாயகனாக தமிழ் சினிமாவில் அறிமுகமானார் பிரதீப் ரங்கநாதன். இந்த படமும் வெற்றி பெற்றது அவருக்கு திருப்புமுனையாக அமைந்தது. அதை தொடர்ந்து நாயகனாக பல படங்களில் கமிட்டாகி நடித்து வருகிறார் பிரதீப் ரங்கநாதன்.
இந்நிலையில் நேற்று பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் Dragon திரைப்படம் வெளியானது. இந்த திரைப்படம் குறைந்த பட்ஜெட்டில் எடுக்கப்பட்டிருந்தாலும் நல்லதொரு கதைக்களம், காட்சிகள் எல்லாமே நன்றாக இருக்கிறது என்று இதுவரை எல்லோரும் நல்ல விமர்சனங்களை கூறி வருகிறார்கள். நேற்று இதே நேரத்தில் தனுஷ் இயக்கிய நிலவுக்கு என்மேல் என்னடி கோபம் திரைப்படமும் வெளியானது.
பிரதீப் ரங்கநாதன் நடித்த Dragon திரைப்படம் நேற்று ரிலீசான முதல் நாளில் ஏழு கோடி வசூலித்து இருக்கிறது. அதே நேரத்தில் நிலவுக்கு என் மேல் என்னடி கோபம் திரைப்படம் 2 கோடி மட்டுமே வசூலித்திருக்கிறது. இதனால் பிரதிப் ரங்கநாதனிடம் தனுஷ் தோற்றுவிட்டாரா என்று சினிமா வட்டாரங்களில் பேச்சு நிலவி வருகிறது. இது ஆரம்ப கட்ட நிலைமைதான். போகப் போக என்ன ஆகும் என்பதை பொறுத்திருந்து பார்ப்போம்.
