தமிழக அரசியல் களம் தற்போது ஒரு மிகப்பெரிய வரலாற்று மாற்றத்தின் விளிம்பில் நின்றுகொண்டிருக்கிறது என்றால் அது மிகையல்ல. கடந்த பல தசாப்தங்களாக தமிழகத்தை மாறி மாறி ஆண்டு வந்த திராவிட முன்னேற்ற கழகம் மற்றும் அனைத்திந்திய அண்ணா திராவிட முன்னேற்ற கழகம் ஆகிய இரு கட்சிகளும், எதிர்காலத் தமிழக அரசியல் ஆட்டத்திலேயே இருக்காது என்ற ஒரு புதிய அரசியல் கணிப்பு தற்பொழுது வலுப்பெற்று வருகிறது. காலம் காலமாக தொடரும் இந்த இருமுனை போட்டிக்கு முற்றுப்புள்ளி வைக்கும் வகையில், புதிய தலைமுறை தலைவர்களின் வருகையும் மக்களின் சிந்தனை மாற்றமும் ஒட்டுமொத்த அரசியல் வரைபடத்தையே மாற்றி அமைத்து வருகின்றன. திராவிட பாரம்பரியம் என்ற ஒற்றை அடையாளத்தை மட்டுமே வைத்துக்கொண்டு இனிமேலும் காலம் தள்ள முடியாது என்ற எதார்த்த நிலை உருவாகியுள்ளது.
இந்த அதிரடியான அரசியல் மாற்றத்திற்கு பின்னால் இருக்கும் மிக முக்கியக் காரணி, தமிழக வாக்காளர் பட்டியலில் தற்பொழுது இளைஞர்களின் வாக்கு வங்கி சுமார் 40 சதவீதமாக உயர்ந்துள்ளதுதான். இன்றைய நவீன உலகை சார்ந்த, சமூக வலைத்தளங்களின் தாக்கத்தில் வளரும் இந்த இளம் தலைமுறை வாக்காளர்கள், தங்களின் எதிர்காலத்தை முன்னிறுத்தியே சிந்திக்கிறார்கள். இவர்கள் பாரம்பரிய பாசத்திலோ அல்லது இலவச கவர்ச்சியிலோ சிக்காமல், திமுக மற்றும் அதிமுக ஆகிய இரண்டு கட்சிகளுக்குமே தங்களின் வாக்குகளை செலுத்த மாட்டார்கள் என்பதில் மிக உறுதியாக இருக்கிறார்கள். புதிய சிந்தனை, வேலைவாய்ப்பு, ஊழலற்ற நிர்வாகம் ஆகியவற்றை மட்டுமே எதிர்பார்க்கும் இந்த 40% இளைஞர்களின் ஓட்டுகள், தமிழகத்தின் புதிய சிம்மாசனத்தை யார் அலங்கரிக்க வேண்டும் என்பதைத் தீர்மானிக்கும் சக்தியாக மாறியுள்ளன.
இளைஞர்களின் இந்த அதெழுச்சி ஒருபுறமிருக்க, திமுக மற்றும் அதிமுக ஆகிய இரண்டு பாரம்பரிய கட்சிகளின் அசைக்க முடியாத ‘கோர் ஓட்டு’ எனப்படும் கட்டமைப்பு வாக்கு வங்கியும் தற்பொழுது முற்றிலும் சிதைந்து போயுள்ளது. சாதி, மதம், பாரம்பரிய விசுவாசம் என்ற அடிப்படையில் இத்தனை காலம் இந்த இரு கட்சிகளுக்கும் விழுந்து வந்த வாக்குகள், தற்பொழுது புதிய கட்சிகளின் கொள்கைகளாலும் ஆளுமையாலும் சிதறடிக்கப்பட்டு வருகின்றன. இதன் காரணமாக, மு.க.ஸ்டாலின், உதயநிதி ஸ்டாலின் மற்றும் எடப்பாடி பழனிசாமி ஆகியோரின் பழைய பாணி வாரிசு மற்றும் நிழல் அரசியல் முறைகள் இனிவரும் காலங்களில் தமிழக மக்களிடம் எடுபடாது என்பது வெட்டவெளிச்சமாகியுள்ளது. மக்கள் தற்பொழுது தலைவர்களின் குடும்பப் பின்னணியைப் பார்ப்பதை விடுத்து, அவர்களின் தனிப்பட்ட ஆளுமையையும் தொலைநோக்குப் பார்வையையும் மட்டுமே உற்றுநோக்கத் தொடங்கிவிட்டனர்.
இத்தகைய சூழலில், தமிழகத்தின் தற்போதைய புதிய அரசியல் சக்தியாக உருவெடுத்துள்ள முதலமைச்சர் விஜய், மக்களுக்கு ஒரு நேர்மையான மற்றும் வெளிப்படையான நல்லாட்சியைக் கொடுத்தால், அவரை இந்தத் தமிழ்நாட்டு மக்கள் மீண்டும் மீண்டும் தங்களின் தலைவராகத் தேர்ந்தெடுப்பார்கள் என்பதில் எவ்வித சந்தேகமும் இல்லை. விஜய்யின் நிர்வாகமும் அவரது திட்டங்களும் அடித்தட்டு மக்களின் தேவைகளைப் பூர்த்தி செய்யும் பட்சத்தில், அவரே தமிழகத்தின் நீண்டகால அரசியல் எதிர்காலமாக மாறுவார். ஆனால், அதே நேரத்தில் அவர் மக்களின் எதிர்பார்ப்புகளைப் பூர்த்தி செய்யத் தவறினால் அல்லது நிர்வாகத்தில் சுணக்கம் காட்டினால், மக்களுக்கு “இருக்கவே இருக்கிறது அண்ணாமலை என்ற இன்னொரு மாற்று ஆப்ஷன் என்ற தெளிவான சிந்தனையும் தற்பொழுது மேலோங்கியுள்ளது.
தமிழகத்தில் ஏறத்தாழ 60 ஆண்டுகளுக்கும் மேலாக ஆதிக்கம் செலுத்தி வந்த திராவிடம் என்ற சித்தாந்தத்தின் கதை தற்பொழுது முடிவுக்கு வந்துவிட்டது என்றே அரசியல் விமர்சகர்கள் கருதுகின்றனர். வெற்றுப் பேச்சுகளாலும், கடந்த காலப் பெருமைகளைப் பேசுவதாலும் மட்டுமே பசி ஆறிவிடாது என்பதை உணர்ந்துள்ள மக்கள், திராவிடக் கட்சிகளுக்கு விடை கொடுக்கத் தயாராகிவிட்டனர். எனவே, இனிவரும் காலங்களில் தமிழக அரசியல் களம் என்பது ‘விஜய் மற்றும் அண்ணாமலை’ ஆகிய இரு துருவங்களுக்கு இடையேயான போட்டியாகத்தான் இருக்கப் போகிறது. இந்த இரு புதிய ஆளுமைகளின் மோதலே தமிழகத்தின் அடுத்த இருபது ஆண்டுகால அரசியலைத் தீர்மானிக்கப் போகும் பிரதான களமாக அமையப் போகிறது.
இறுதியாக, டெல்லி தலைமையின் பலத்துடனும், ஆக்ரோஷமான கள அரசியலுடனும் வலம் வரும் அண்ணாமலைக்கு முன்னால், தமிழகத்தின் தற்போதைய முதலமைச்சர் விஜய் தன் மக்கள் செல்வாக்கை வைத்துத் தாக்குப்பிடிப்பாரா? என்ற சுவாரசியமான கேள்வி அரசியல் வட்டாரத்தில் எழுந்துள்ளது. அண்ணாமலையின் அதிரடி அரசியல் வியூகங்களை, விஜய்யின் நிதானமான மற்றும் மக்கள் நலன் சார்ந்த அரசியல் எவ்வாறு எதிர்கொள்ளப் போகிறது என்பதைப் பார்க்க ஒட்டுமொத்தத் தமிழகமும் ஆவலோடு காத்துக் கொண்டிருக்கிறது. இந்தப் புதிய அரசியல் யுத்தத்தில் வெல்லப் போவது யார், மக்களின் இறுதி ஆதரவு யாருக்குக் கிடைக்கப் போகிறது என்பதற்கு எந்தவொரு வெற்று ஆரூடமும் சொல்லிவிட முடியாது; இதற்கான மிகச் சரியான பதவியைக் காலம் மட்டும்தான் தன் கையில் வைதிருக்கிறது, அது விரைவில் பதில் சொல்லும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
