தமிழக அரசியல் வரலாற்றில் 2026 சட்டமன்ற தேர்தல் என்பது ஒரு புதிய சகாப்தத்தின் தொடக்கமாக மாறியுள்ளது. இந்த தேர்தலில் நடிகர் விஜய் தலைமையிலான தமிழக வெற்றி கழகம் பெற்றிருக்கும் அசாதாரண வெற்றி, காலம் காலமாக தமிழகத்தை ஆண்டு வந்த பாரம்பரிய கட்சிகளின் அடித்தளத்தையே உலுக்கியிருக்கிறது. குறிப்பாக, விஜய் இந்த தேர்தலில் வெற்றி பெற்றுவிடக் கூடாது என்பதில் ஆளுங்கட்சியான திமுகவும், எதிர்க்கட்சியான அதிமுகவும் காட்டிய தீவிரத்தை விட, டெல்ல பின்னணியை கொண்ட ஆர்.எஸ்.எஸ் அமைப்பு மிகத் தீவிரமான திரைமறைவு வேலைகளை செய்தது என்பதுதான் தற்போதைய அரசியல் வட்டாரத்தின் பரபரப்பு விவாதமாக உள்ளது. அத்தகைய பெரும் சக்திகளின் ஒட்டுமொத்த வியூகங்களையும் தவிடுபொடியாக்கி, அவர்களுக்கு சரியான முறையில் ‘தண்ணி காட்டி’ விஜய் பெற்றிருக்கும் இந்த வெற்றி ஒரு யுக புரட்சியாகவே பார்க்கப்படுகிறது.
இந்த இமாலய வெற்றியின் மூலம் பல தசாப்தங்களாக தமிழக அரசியலை தன் கட்டுப்பாட்டில் வைத்திருந்த திராவிட அரசியல் தத்துவம் பெரும் வீழ்ச்சியைச் சந்தித்துள்ளது. அண்ணாதுரை, கருணாநிதி, எம்.ஜி.ஆர், ஜெயலலிதா என ஆளுமைகளால் கட்டமைக்கப்பட்ட திராவிட கோட்டை, விஜய்யின் ஒற்றை அரசியல் வரவால் தகர்க்கப்பட்டிருக்கிறது. வெறும் மேடை பேச்சுகளையும், கடந்த கால வரலாறுகளையும் மட்டுமே மூலதனமாக கொண்டு மக்களை ஏமாற்றி வந்த திராவிட கட்சிகளின் காலம் முடிவுக்கு வந்துவிட்டதை இந்த தேர்தல் முடிவுகள் அப்பட்டமாக உணர்த்துகின்றன. திராவிட பாரம்பரியத்திற்கு மாற்றாக ஒரு புதிய முற்போக்கு தமிழ் தேசிய பாதைக்கு மக்கள் தங்களின் பேராதரவை வழங்கியுள்ளனர்.
அதே நேரத்தில், திராவிட அரசியலின் வீழ்ச்சியை பயன்படுத்தி தமிழகத்தில் கால்பதிக்க நினைத்த மதவாத அரசியலும், காலங்காலமாக மக்களை பிரித்து வைத்திருந்த சாதிய அரசியலும் இந்த தேர்தலில் முற்றிலுமாக ஒழிக்கப்பட்டுள்ளன. ஆன்மீக அரசியல் என்ற பெயரிலோ அல்லது குறிப்பிட்ட சமூக வாக்கு வங்கிகளை நம்பியோ இனி தமிழகத்தில் அரசியல் நடத்த முடியாது என்பதை மக்கள் தங்களின் வாக்குகள் மூலம் நிரூபித்து காட்டியுள்ளனர். தமிழ்நாட்டு மக்கள் மத நல்லிணக்கத்தையும், சாதியற்ற சமத்துவத்தையுமே விரும்புகிறார்கள் என்பதை புரிந்துகொள்ளாமல், பிரிவினைவாத அரசியலை முன்னெடுத்த அமைப்புகளுக்கு விஜய்யின் வெற்றி ஒரு சம்மட்டி அடியாக விழுந்துள்ளது.
இனி பிறக்கப்போகும் புதிய தமிழ்நாட்டில், தங்களுடைய குடும்ப நலனுக்காகவும் சுயநலத்திற்காகவும் மட்டுமே செயல்பட்டு வந்த பழைய அரசியல் கட்சிகளுக்கு எவ்வித வேலைகளும் இருக்கப்போவதில்லை. டெண்டர் ஊழல்கள், வாரிசு அரசியல், அதிகார துஷ்பிரயோகம் போன்றவற்றால் தமிழகத்தின் வளர்ச்சியை முடக்கிய பழைய கட்சிகளை மக்கள் முழுமையாக நிராகரிக்கத் தொடங்கிவிட்டனர். மக்கள் தங்களுக்குத் தேவையான அடிப்படை வசதிகள், வேலைவாய்ப்பு, தூய்மையான நிர்வாகம் போன்ற உண்மையான மாற்றங்களை நோக்கி நகரத் தொடங்கிவிட்டதால், பழைய சுயநல அரசியல்வாதிகள் இனி தங்களது இருப்பைத் தக்கவைத்துக் கொள்வதே குதிரைக் கொம்பாக மாறப்போகிறது.
தமிழகத்தின் எதிர்கால அரசியல் என்பது இனி முழுக்க முழுக்க தமிழக வெற்றிக் கழகத்தின் தலைவர் விஜய்யும், பாஜகவின் அண்ணாமலையும் என்ற இரு ஆளுமைகளை சுற்றியே நகர போகிறது என்பதில் எவ்வித ஐயமும் இல்லை. பழைய அரசியல் பாணிகளை உடைத்து, புதிய சிந்தனைகளுடனும், துடிப்பான அணுகுமுறையுடனும் களமிறங்கியுள்ள இந்த இரு இளம் தலைவர்களுமே தமிழக இளைஞர்களின் ஒட்டுமொத்த கவனத்தையும் ஈர்த்துள்ளனர். தற்போதைய அரசியல் சூழலில், பாரம்பரிய கட்சிகளின் ஆதிக்கம் ஒழிந்து, இந்த இரு துருவங்களை நோக்கியே ஒட்டுமொத்தத் தமிழகமும் பயணிக்கத் தொடங்கியுள்ளது.
இந்த இரு தலைவர்களின் வளர்ச்சி மற்றும் மக்கள் செல்வாக்கை கூர்ந்து கவனிக்கும் போது, வரும் காலங்களில் தமிழ்நாட்டில் விஜய்யும் அண்ணாமலையும் மாறி மாறி ஆட்சி அதிகாரம் செலுத்தினால் கூட ஆச்சரியப்படுவதற்கில்லை என்றே அரசியல் விமர்சகர்கள் கணிக்கின்றனர். ஒருபுறம் திராவிட-மதவாத-சாதிய அரசியலுக்கு அப்பாற்பட்ட விஜய்யின் மக்கள் நல அரசியல், மறுபுறம் ஊழலுக்கு எதிரான அண்ணாமலையின் அதிரடி அரசியல் என இவ்விருவரும் தமிழகத்தை அடுத்த கட்டத்திற்கு எடுத்துச் செல்வார்கள் என்ற எதிர்பார்ப்பு மக்களிடம் எழுந்துள்ளது. எது எப்படியோ, பழைய சகாப்தம் முடிவுக்கு வந்து, புதிய தலைவர்களுடன் ஒரு ஆரோக்கியமான அரசியல் போட்டிக்கு தமிழ்நாடு தற்போது தயாராகிவிட்டது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
