Bigg Boss Tamil Season 8 Contestants: விஜய் டிவி வருடா வருடம் நடத்தும் பிக் பாஸ் சீசன் 8 இன்று கோலாகலமாக தொடங்கியது. இந்த முறை கமலஹாசன் பிக் பாஸை தொகுத்து வழக்குவதில் இருந்து விலகியதால் விஜய் சேதுபதி தொகுப்பாளராக நியமிக்கப்பட்டதால் இந்த சீசனுக்கு அதிக எதிர்பார்ப்பு மக்களிடம் இருந்து வருகிறது.
நிகழ்ச்சி ஆரம்பித்த சிறிது நேரத்தில் கமல்ஹாசன் அவர்கள் மிஸ் செய்வதுபோல் உணர்வு ஏற்பட்டது. ஏனென்றால் அழகான தெளிவான தமிழ் உச்சரிப்பு அவர் பேசும் விதம் ஆகியவற்றை வேறு யாராலும் ஈடு செய்ய முடியாது. ஆரம்பத்தில் சற்று விஜய் சேதுபதி அவர்கள் திணறினாலும் நிகழ்ச்சி போக போக இவர் இந்த சீசனை நன்றாக நடத்துவார் என்று நம்பிக்கை ஏற்படுத்தி விட்டார். படபடவென்று பேசும் விஜய் சேதுபதி இன்று நிதானமாகவே பேசி இருக்கிறார் என்று சொல்லலாம்.
அடுத்ததாக போட்டியாளர்களை பார்க்கும்போது 18 போட்டியாளர்கள் உள்ளே சென்றார்கள். இதில் 11 போட்டியாளர்கள் விஜய் டிவியை சேர்ந்தவர்கள். மீதி ஏழு போட்டியாளர்கள் மட்டுமே வெளியே இருந்து வந்தவர்கள். ரவீந்தர், சாட்சனா, ஆர் ஜே ஆனந்தி, ரஞ்சித், ஜெப்ரி, சௌந்தர்யா நஞ்சுண்டன், முத்துக்குமார் ஆகியோர் மட்டுமே வெளியே இருந்து தேர்ந்தெடுக்கப்பட்ட நபர்கள். தர்ஷா குப்தா, சத்யா, தீபக், சுனிதா, பவித்ரா, அருண்பிரசாத், தர்ஷிகா, வி ஜே விஷால், அன்சிடா, அர்னவ், ஜாக்குலின் ஆகிய இத்தனை பேரும் விஜய் டிவி சார்ந்தவர்கள் என்பது குறிப்பிடத்தக்கது.
விஜய் டிவியில் தொடர்களில் நடித்து பிரபலம் அடைந்து தற்போது வாய்ப்பில்லாமல் இருப்பவர்களை ஒன்று திரட்டி இந்த தடவை பிக் பாஸுக்கு அனுப்பியது போல் இருந்தது. இந்த தடவை போட்டி எந்த மாதிரி இருக்கும் என்று தெரியவில்லை. ஏற்கனவே ரியோ கேங் ஒரு முறை வந்து குரூப்பில் பிரச்சனையானது பார்த்திருப்போம். இந்த முறையும் விஜய் டிவியை சேர்ந்தவர்கள் இத்தனை பேரை உள்ளே அனுப்பி இருப்பதால் குருபிசம் ஏற்பட நிச்சயமாக வாய்ப்புண்டு. வந்ததுமே ஜாக்குலின் கருத்து வேறுபாட்டை தைரியமாக தெரிவித்து இருக்கிறார். மேலும் இந்த சீசனில் ஆண்கள் வெர்சஸ் பெண்கள் என்பது போல வீட்டிற்கு நடுவே கோடு போடப்பட்டிருக்கிறது. இதுவும் புதுவிதமாக இருக்கிறது.
இது மட்டுமில்லாமல் நிகழ்ச்சி முடிவில் விஜய் சேதுபதி 24 மணி நேரத்தில் ஒரு எலிமினேஷன் நடைபெறும் ஒருவர் வெளியேற்றப்படுவார் என்று அதிர்ச்சி தகவலை கூறியிருக்கிறார். இதுவரை பிக் பாஸில் நடந்திடாத ஒரு எலிமினேஷன் முறையாகும். நாளை யார் எலமினேட் செய்யப்படுவார் என்பதை பொறுத்திருந்து பார்க்க வேண்டும்.