தமிழக அரசியல் களம் சூடுபிடித்துள்ள நிலையில், வரவிருக்கும் சட்டமன்ற தேர்தலில் மக்கள் கூட்டணி சமன்பாடுகளை கணக்கில் கொண்டு வாக்களிக்க மாட்டார்கள் என்றும், மாறாக, யார் அடுத்த முதல்வர் என்ற ஒற்றை கேள்விக்கே முக்கியத்துவம் கொடுப்பார்கள் என்றும் அரசியல் விமர்சகர்கள் கருத்து தெரிவித்துள்ளனர்.
முதல்வர் வேட்பாளர்களாக உள்ள மு.க. ஸ்டாலின், எடப்பாடி பழனிசாமி, மற்றும் நடிகர் விஜய் ஆகிய மூவரில் யார் சிறந்தவர் என்பதை பொறுத்தே மக்களின் வாக்குகள் அமையும் என்று கூறப்படுகிறது.
மக்களின் எதிர்பார்ப்பும் தலைவர்களின் தேர்வும்:
“இந்த கூட்டணியில் இந்த கட்சி இருக்கிறது, அந்த கூட்டணியில் அந்த கட்சி இருக்கிறது என்ற கணக்கெல்லாம் மக்களுக்கு தெரியாது. யார் வந்தால் மக்களுக்கு நன்மை செய்வார்கள்” என்ற ஒரே ஒரு கேள்வி மட்டும்தான் மக்கள் முன்னிலையில் இருக்கும். மு.க. ஸ்டாலின் இதுவரை ஆட்சி செய்துள்ளார். அவரது ஆட்சி மீது மக்களுக்குத் திருப்தி இல்லை என்றால், மக்களின் கவனம் உடனடியாக வேறு ஒருவர் மீது திரும்பும். அது எடப்பாடி பழனிசாமியாக இருக்குமா? அல்லது விஜய்யாக இருக்குமா? என்பதுதான் தற்போது மில்லியன் டாலர் கேள்வியாக உள்ளது.
தொங்கு சட்டமன்றம் இல்லை, தெளிவான தீர்ப்பு:
தமிழ்நாட்டைப் பொறுத்தவரை, இதுவரை தொங்கு சட்டமன்றம் அமைந்ததில்லை. மக்கள் எப்போதுமே தெளிவான ஒரு முடிவையே எடுத்துள்ளனர். எனவே, இந்த முறையும் மக்கள் ஒரு தெளிவான தீர்ப்பை வழங்குவார்கள் என எதிர்பார்க்கப்படுகிறது. “ஸ்டாலின் வேண்டாம் என்றால், ஒன்று விஜய்யை தேர்வு செய்வார்கள் அல்லது எடப்பாடி பழனிசாமியை தேர்வு செய்வார்கள்” என்று அரசியல் பார்வையாளர்கள் கூறுகின்றனர்.
கூட்டணிகளுக்கும் வெற்றிக்கும் நேரடி சம்பந்தம் இல்லை என்றும், அரசியல் விமர்சகர்கள் தேவையில்லாத கணக்குகளை கூறுவதாகவும் பெரும்பாலானோர் கருதுகின்றனர். எந்த கட்சியையும் சாராத நடுநிலை வாக்காளர்கள், யார் முதல்வராக வேண்டும் என்று முடிவு செய்கிறார்களோ, அவரே அடுத்த முதல்வராக வருவார். அவர் விஜய்யாகவும் இருக்கலாம், அல்லது எடப்பாடி பழனிசாமியாகவும் இருக்கலாம்.
நடுநிலை வாக்காளர்களின் சக்தி:
தமிழக அரசியல் களத்தில் நடுநிலை வாக்காளர்களின் பங்கு மிக முக்கியமானது. இவர்கள்தான் வெற்றியை தீர்மானிக்கும் சக்தியாக இருப்பார்கள். இவர்களின் மனநிலை எந்த தலைவரை நோக்கி செல்கிறதோ, அவரே அடுத்த தமிழகத்தின் முதல்வராக பதவியேற்பார் என்பதில் சந்தேகமில்லை.
வரும் சட்டமன்ற தேர்தலில் ஸ்டாலின், எடப்பாடி பழனிசாமி, விஜய் ஆகிய மூவரும் முதல்வர் வேட்பாளர்களாக களத்தில் இருக்கும் நிலையில், மக்களின் தீர்ப்பு யாருக்கு சாதகமாக இருக்கும் என்பதை பொறுத்திருந்துதான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
