லண்டன், துபாய்,  இலங்கை.. நடுத்தர வர்க்கத்திற்கு பட்ஜெட் டூர்.. IRCTC அறிவிப்பு..!

இந்திய ரயில்வே கேட்டரிங் மற்றும் டூரிசம் கார்ப்பரேஷன் (IRCTC) 2025ஆம் ஆண்டு கோடைகாலத்திற்கான சிறப்பு சர்வதேச சுற்றுலா தொகுப்புகளை அறிமுகம் செய்துள்ளது. இதன் மூலம், நடுத்தர வர்க்கத்தினர் மிகவும் பிரபலமான சுற்றுலா தளங்களை குறைந்த செலவில் அனுபவிக்க ஒரு அரிய வாய்ப்பு கிடைத்துள்ளது.IRCTC சுற்றுலா திட்டத்தில் பயணிகள் எந்தவித அசௌகரியமும் இல்லாமல் ஒரு மறக்க முடியாத அனுபவத்தை பெற முடியும் என அறிவிக்கப்பட்டுள்ளது. இந்த ஆல்-இன்கிளூசிவ் சுற்றுலா தொகுப்புகளில் விமான பயணம், உள்ளூர் போக்குவரத்து, முக்கிய சுற்றுலா தளங்கள் பார்வை, தங்கும் விடுதி, உணவுகள், விசா கட்டணம், பயணக் காப்பீடு மற்றும் சுற்றுலா வழிகாட்டிகள் போன்ற அனைத்தும் அடங்கும்.

மும்பையில் உள்ள IRCTC மேற்கு மண்டல அலுவலகம், சிறப்பு சர்வதேச சுற்றுலா திட்டங்களை உருவாக்கியுள்ளது: இந்த திட்டங்கள் குறித்த தகவல் இதோ:

ஐரோப்பா மற்றும் லண்டன் – மே 9 முதல் மே 24, 2025: 14 இரவுகள், 15 நாட்கள்: ₹412400

துபாய் – ஏப்ரல் 10 முதல் ஏப்ரல் 14, 2025: 4 இரவுகள் 5 நாட்கள்: ₹ 76900

ஸ்ரீ ராமாயண யாத்திரை – இலங்கை – மே 6 முதல் மே 12, 2025 – 6 இரவுகள் 7 நாட்கள்: ₹ 64500

IRCTC மேற்கு மண்டலத்தின் குழு பொது மேனேஜர் கவுரவ் ஜா இந்த சுற்றுலா திட்டம் குறித்து கூறியதாவது: “இந்த சுற்றுலா தொகுப்புகள் மற்ற சர்வதேச சுற்றுலா நிறுவனங்களுடன் ஒப்பிடும்போது குறைந்த விலையில், ஆனால் மிகத் தரமான விருந்தோம்பல் சேவைகளுடன் வழங்கப்படுகின்றன. இந்த திட்டங்கள் IRCTC இணையதளத்தில் வெளியான உடனே பயணிகள் அதிக ஆர்வத்துடன் முன்பதிவு செய்து வருகின்றனர்  எனவும் அவர் குறிப்பிட்டார்.

எப்படி முன்பதிவு செய்யலாம்?

பயணிகள் தங்களின் சுற்றுலா முன்பதிவை மேற்கொள்ள முதலில் IRCTC அதிகாரப்பூர்வ இணையதளமான  www.irctctourism.com என்ற தளத்திற்கு சென்று விண்ணப்பிக்கலாம். அல்லது இந்திய முழுவதும் உள்ள அங்கீகரிக்கப்பட்ட முகவர்கள் மூலம் அல்லது WhatsApp/SMS மூலம் – 8287931886 விண்ணப்பிக்கலாம்.

இந்தக் குறைந்த செலவில் தரமிக்க சுற்றுலா தொகுப்புகள் மூலம், இந்திய குடும்பங்களுக்கு சர்வதேச பயணத்தை IRCTC மேலும் அணுகலாக மாற்றுகிறது.