இதுகுறித்து சமீர் இஸ்மாயில் அளித்த பேட்டியில், ‘நான் காலையில் எழுந்து எதையாவது செய்யும் பழக்கத்துடன் வளர்ந்தேன். கொரோனா நேரத்தில் வெறுமனே வீட்டில் இருந்தது எனக்கு சரியாக இல்லை. கொரோனா நேரத்தில் எனக்கு ஒரு நோக்கம் தேவைப்படுகிறது என்று உணர வைத்தது,” என்கிறார் அவர்.
சந்தையில் எது சரியாக கட்டுப்படுத்தப்படவில்லை என்பதை ஆராய்ந்த போது, ஆடு வளர்ப்பு மிக மிக பின்தங்கிய துறையாக இருப்பது தெரியவந்தது. ஐரோப்பா, அமெரிக்காவில் ஆடுகளுக்காக சிறந்த உணவுகள், தடுப்பூசிகள், சுகாதாரம் என அனைத்தும் பார்த்து வளர்க்கிறார்கள். ஆனால் இந்தியாவில் நீங்கள் வாங்கும் மாமிசம் எந்த இனத்திலிருந்து வந்தது, என்ன உணவு கொடுக்கப்பட்டது என்றெல்லாம் தெரியாது.
இந்த நிலையில் தான் Bhopal Goat and Agro Farm என்ற ஆட்டுப்பண்ணையை 2021ஆம் ஆண்டு தொடங்கினேன். தொடக்கத்தில் ராஜஸ்தானில் இருந்து ஆடுகளை வாங்கினேன். ஒவ்வொன்றும் இனமும் ஆரோக்கியமும் பார்த்து தேர்ந்தெடுத்தேன்.
ஆடுகள் இயல்பாகவே மலைச்சரிவுகளில் அலையும் தன்மை கொண்டவை. அவற்றை ஒரு கட்டமைப்பில் வளர்க்க இது ஒரு சவாலாக இருந்தது. பசுமை, உணவு கட்டுப்பாடு, சுகாதாரம் அனைத்தும் முக்கியமாக இருந்தன. ஆரம்ப முதலீடு ரூ.10-15 லட்சம் வரை செய்தேன். இன்று ஒரு வெற்றிகரமான ஆட்டு பண்ணை உரிமையாளராக உள்ளேன்’ என்று தெரிவித்துள்ளார்.
இன்று, Bhopal Goat and Agro Farm 300–350 ஆடுகளை வளர்க்கக்கூடிய இரு மாடி கட்டிட பண்ணையாக செயல்படுகிறது. தூய்மையான சூழல், வாசனை இல்லாத அமைப்பு, உயர்தர உணவு என்பவை முக்கிய கொள்கைகள். மாறாத பணியாளர்கள் உள்ளனர். ஆனால், சமீர் தினமும் பண்ணைக்கு வருகிறார்.
நாங்கள் நேரடியாக வியாபாரிகளுக்கே முழு ஆடுகளை விற்கிறோம். உணவகங்கள் விலை குறைவாக எதிர்பார்க்கிறார்கள். நாங்கள் அளிக்கும் தரமான ஆடுகளுக்கு அந்த விலை பொருந்தாது. விளம்பரம் எதுவும் செய்யாமல், வாய்வழி பரிச்சயம் மூலமாகவே விற்பனை நடைபெறுகிறது.
இவருடைய வருமானம் 2021-ல் ரூ.8 லட்சம் மற்றும் 2024-ல் ரூ.30 லட்சம் வரை வளர்ச்சி அடைந்துள்ளது. “நான் சம்பாதிப்பதை பெரும்பாலும் மீண்டும் பண்ணையின் மேம்பாட்டுக்காகவே செலவழிக்கிறேன்,” என்கிறார்.
இப்போது சமீர் Yuvaan Agro என்ற பஞ்சாயத்து அளவிலான 5000 ஆடுகளுக்கான பண்ணையை அமைக்க ஆலோசகர் ஆவதாகவும் செயல்படுகிறார். இந்திய அரசு வெள்ளைப் பண்ணைகள் வளர்ப்பதற்கு நிறைய உதவித் திட்டங்கள் தருகிறது. ஆனால் பலருக்கு அது தெரியவில்லை. அந்த விழிப்புணர்வை உருவாக்க வேண்டும்,” என்கிறார் சமீர் இஸ்மாயில்.
