தமிழக அரசியல் களம் தற்போது வரலாறு காணாத வகையில் ஒரு மிகப்பெரிய அதிரடிப் போர்க்களமாக மாறியுள்ளது. நடிகர் விஜய் தலைமையிலான தவெக ஆட்சி அமைந்த பிறகு, ஆளுங்கட்சிக்கும் எதிர்க்கட்சியான திமுகவுக்கும் இடையே நடக்கும் இந்த மறைமுக யுத்தம் நாளுக்கு நாள் தீவிரமடைந்து வருகிறது. குறிப்பாக, தவெக அரசை எப்படியாவது ஆட்டம்காண வைக்க வேண்டும் என்ற நோக்கில் திரைமறைவில் பல்வேறு அரசியல் வியூகங்கள் வகுக்கப்பட்டு வருவதாகக் கோட்டை வட்டாரங்கள் முணுமுணுக்கின்றன. இந்தச் சூழ்நிலையில், அடுத்தடுத்து அரங்கேறும் அதிரடி திருப்பங்கள் தமிழக மக்களை விவாதங்களின் உச்சத்துக்கே கொண்டு சென்றுள்ளன.
இதற்கிடையே, தவெக தரப்பைச் சேர்ந்த சுமார் 20 சட்டமன்ற உறுப்பினர்களை எப்படியாவது தங்கள் பக்கம் இழுத்து, தற்போதைய ஆட்சியைக் கவிழ்க்க திமுகவின் முக்கியப் புள்ளியான முன்னாள் அமைச்சர் எ.வ.வேலு ரகசிய முயற்சிகளில் ஈடுபட்டதாக ஒரு வெடிகுண்டு போன்ற வதந்தி பரவி வருகிறது. இதற்காகப் பல நூறு கோடிகள் வரை பேரம் பேசப்பட்டதாகவும், தவெகவின் இளம் எம்.எல்.ஏக்களைக் குறிவைத்து இந்த ஆபரேஷன் திட்டமிடப்பட்டதாகவும் அரசியல் வட்டாரங்களில் பேசப்படுகிறது. எந்த விலை கொடுத்தாவது புதிய ஆட்சியை முடக்கிவிட வேண்டும் என்ற நோக்கில் இந்த மெகா திட்டம் தீட்டப்பட்டதாகக் கூறப்படுகிறது.
ஆனா, இந்த குதிரை பேரப் புகார்களுக்குப் பதிலடி கொடுக்கும் விதமாகத்தான், திடீரென முன்னாள் அமைச்சர் எ.வ.வேலுவின் வீடு மற்றும் அவருக்குத் தொடர்புடைய 14 இடங்களில் லஞ்ச ஒழிப்புத் துறை அதிரடி சோதனையில் இறங்கியதாகப் பரவலாகப் பேசப்படுகிறது. கடந்த 2022-ல் நடந்த ஒரு சாலை ஒப்பந்த முறேகடை வழக்கை கையில் எடுத்துக்கொண்டு இந்த ரெய்டு நடத்தப்பட்டாலும், இதன் பின்னணியில் இருக்கும் அரசியல் ஆக்ஷன் வேற லெவல் என்கிறார்கள் விவரமறிந்தவர்கள். தவெக எம்.எல்.ஏக்களை நெருங்க நினைத்தால் சட்ட ரீதியான ஆப்பு நிச்சயம் என்பதை உணர்த்தவே இந்த உடனடி ஆக்ஷன் எடுக்கப்பட்டுள்ளதாக அரசியல் விமர்சகர்கள் கருதுகின்றனர்.
திமுக தரப்பில் இருந்து என்னதான் பண பலம், ஆள் பலம் மற்றும் அரசியல் அனுபவத்தை வைத்து தவெக அரசை வீழ்த்தத் திட்டங்கள் தீட்டப்பட்டாலும், அதை முறியடிக்க விஜய்யின் படை ஒரு இரும்பு அரணாக நின்று வருகிறது. தவெகவின் முக்கிய நிர்வாகிகள் தங்களது எம்.எல்.ஏக்கள் அனைவரையும் 24 மணி நேரமும் தீவிரமாகக் கண்காணித்து வருவதுடன், எதிர்க்கட்சியினரின் எந்தவொரு ரகசியத் தொடர்புகளையும் முளையிலேயே கிள்ளி எறிந்து வருகின்றனர். விஜய்யின் இந்தத் திட்டமிட்ட மற்றும் சாதுரியமான வியூகங்களால், திமுகவின் அடுத்தடுத்த கணக்குகள் அனைத்தும் தவிடுபொடியாகி வருவதாக தவெக தொண்டர்கள் கெத்தாகக் கூறி வருகின்றனர்.
அரசியல் வட்டாரங்களில் இப்போது ஹாட் டாபிக் என்னவென்றால், எ.வ.வேலுவுக்கு அடுத்தபடியாக லஞ்ச ஒழிப்புத்துறையின் அடுத்த டார்கெட் யார் என்பதுதான். தேர்தல் உத்திகளிலும், கட்சிப் பணிகளிலும் பவர்புல்லாகச் செயல்படும் முன்னாள் அமைச்சர் செந்தில் பாலாஜிக்குச் சொந்தமான இடங்களில்தான் அடுத்த அதிரடி ரெய்டு பாய வாய்ப்புள்ளதாகத் தகவல்கள் கசிகின்றன. அவரைத் தொடர்ந்து சென்னை திமுகவின் அசைக்க முடியாத சக்தியாக விளங்கும் சேகர்பாபுவின் மீதும் சட்ட ரீதியான பிடி இறுகலாம் என்று நெட்டிசன்கள் தற்போதே சமூக வலைத்தளங்களில் கணித்து வருகின்றனர்.
மொத்தத்தில் பார்த்தால், தற்போதைய தவெக அரசும், எதிர்க்கட்சியான திமுகவும் ஒரு முடிவோடுதான் நேருக்கு நேர் மோதிக் கொள்கின்றன. ஆட்சியைத் தக்கவைக்க தவெக தனது அதிகார பலத்தைப் பயன்படுத்த, இழந்த செல்வாக்கை மீட்க திமுக தனது அரசியல் தந்திரங்களை இறக்கி வருகிறது. இந்த இரு துருவப் போட்டியில் அடுத்தடுத்து என்ன மாதிரியான திருப்பங்கள் நடக்கப்போகிறது, யார் யாரெல்லாம் அடுத்த ரெய்டு வளையத்திற்குள் வரப்போகிறார்கள் என்பதைப் பொறுத்திருந்துதான் பார்க்க வேண்டும்.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
